ହାଇଦ୍ରାବାଦ: କାରବିଆନ ପ୍ରିମିୟର ଲିଗରେ ରେକର୍ଡ । 21 ବର୍ଷୀୟ ବ୍ୟାଟର ମାରିଲେ ଷ୍ଟାଡିୟମ୍ ପାର ଛକା । ଲେଖିଲେ ଲମ୍ବା ଛକା ମାରିଥିବା ବ୍ୟାଟର ଲିଷ୍ଟରେ ନିଜ ନାମ । କାରବିଆନ ପ୍ରିମିୟର ଲିଗ୍ 2024ର 19 ତମ ମ୍ୟାଚରେ ଦେଖିବାକୁ ମିଳିଛି ବିଶାଳ ଛକା ।
ଟ୍ରିନବାଗୋ ନାଇଟ ରାଇଡର୍ସ ଏବଂ ଗୁୟାନା ଆମାଜନ ଓ୍ବାରିଅର୍ସ ଟିମ୍ ମଧ୍ୟରେ ଖେଳାଯାଇଥିବା ମ୍ୟାଚରେ ଶାହାରୁଖ ଖାନଙ୍କ ଟିମ୍ ଟ୍ରିନବାଗୋ ନାଇଟ ରାଇଡର୍ସର ଓପନର ବ୍ୟାଟର ସକିରେ ପ୍ୟାରିସ ମାରିଛନ୍ତି 124 ମିଟର ଲମ୍ବା ଷ୍ଟାଡିୟମ ପାର ବଡ ଛକା । 29 ବଲରେ 29 ରନ ସ୍କୋର କରିଥିବା 21 ବର୍ଷୀୟ ପ୍ୟାରିସ ଦୁଇଟି ଛକା ଏବଂ 2ଟି ଚୌକା ମାରିଥିଲେ ।
124 metres!!! You have to be joking Shaqkere Parris🤯#CPL #TKRvGAW #BiggestPartyInSport #CricketPlayedLouder #CaribbeanAirlines @iflycaribbean pic.twitter.com/ev72KN13H7
— CPL T20 (@CPL) September 19, 2024
ମ୍ୟାଚ ଆରମ୍ଭରୁ ଟସ୍ ଜିତି ଟ୍ରିନବାଗୋ ନାଇଟ ରାଇଡର୍ସ ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା । ପରେ ପ୍ରଥମେ ବ୍ୟାଟିଂ କରି ଗୁୟାନା ଆମାଜନ ଓ୍ବାରିଅର୍ସ ଟିମ 7 ଓ୍ବିକେଟ ହରାଇ 20 ଓଭର ବ୍ୟାଟିଂ କରି 148 ରନ ସ୍କୋର କରିଥିଲା । ଦଳ ପକ୍ଷରୁ ଟିମ୍ ରବିନସନ୍ 34 ରନ ସ୍କୋର କରିଥିବା ବେଳେ ରାମାରାଓ ସେପହର୍ଡ 51 ରନ ସ୍କୋର କରିଥିଲେ । ଜବାବରେ ଟ୍ରିନବାଗୋ ନାଇଟ ରାଇଡର୍ସ19.2 ଓଭର ବ୍ୟାଟିଂ କରି 5 ଓ୍ବିକେଟ ବିନିମୟରେ 149 ରନ ସ୍କୋର କରି ବିଜୟୀ ହୋଇଥିଲା ।
ଚେଜିଂ ସମୟରେ 2.4 ଓଭରରେ ଦଳୀୟ ସ୍କୋର ଏକ ଓ୍ବିକେଟ ବିନିମୟରେ 16 ରନ ଥିବା ସମୟରେ 124 ମିଟର ଲମ୍ବା ଛକା ମାରିଥିଲେ ପ୍ୟାରିସ । ସେହି ସମୟରେ ପ୍ୟାରିସ 5ଟି ବଲ ଖେଳି 3 ରନ ସ୍କୋର କରିଥିଲେ । ଏହି ମ୍ୟାଚରେ ଟ୍ରିନବାଗୋ ନାଇଟ ରାଇଡର୍ସ ପକ୍ଷରୁ ଟିମ୍ ଡେଭିଡ 31 ଏବଂ ଆଣ୍ଡ୍ରୁ ରସେଲ 36 ରନ ସ୍କୋର କରିଥିଲେ ।
124 METER SIX IN CPL 🤯🔥
— Johns. (@CricCrazyJohns) September 19, 2024
- Shaqkere Parris, What a hit, one of the biggest in cricket history. pic.twitter.com/xtQgduMJW9
ଦମଦାର ବ୍ୟାଟିଂ ପାଇଁ ଆଣ୍ଡ୍ରୁ ରସେଲଙ୍କୁ ମ୍ୟାନ ଅଫ ଦ ମ୍ୟାଚ ଆଓ୍ବାର୍ଡ ମିଳିଛି । ମ୍ୟାଚ ଶେଷରେ ଦୁଇ ବଲରେ ଦୁଇ ଛକା ମାରି ମ୍ୟାଚ ଜିତାଇଥିଲେ ଟିମ୍ ଡାଭିଡ୍ । ତେବେ ରସେଲ ମ୍ୟାଚରେ 2 ଓଭର ବୋଲିଂ କରି 20 ରନ ବିନିମୟ କରିଥିବା ବେଳେ ବ୍ୟାଟିଂରେ 15 ବଲରୁ ବିସ୍ଫୋରକ 36 ରନ ସ୍କୋର କରିଥିଲେ ।
