ନୂଆଦିଲ୍ଲୀ: ପ୍ୟାରିସ ଅଲିମ୍ପିକ୍ସରେ ଭାରତର ଅଭିୟାନ ଆରମ୍ଭ ହୋଇଯାଇଛି । କିଛି ଇଭେଣ୍ଟରେ ଭାରତୀୟ ଖେଳାଳି ଭଲ ପ୍ରଦର୍ଶନ କରି ପଦକ ହାସଲ ଲକ୍ଷ୍ୟରେ ଅଛନ୍ତି । ଏହାରି ମଧ୍ୟରେ ଭାରତୀୟ ଅଲମ୍ପିଆନ୍ସଙ୍କୁ ମନ୍ କି ବାତ୍ ମାଧ୍ୟମରେ ଉତ୍ସାହିତ କରିଛନ୍ତି ପ୍ରଧାନମନ୍ତ୍ରୀ । ବିଶ୍ବସ୍ତରରେ ତ୍ରିରଙ୍ଗା ଉଡାଇବାକୁ ଅଲିମ୍ପିକ୍ସ ସୁଯୋଗ ଦେଇଥାଏ । ତେଣୁ ସମସ୍ତେ ଖେଳାଳିଙ୍କୁ ଉତ୍ସାହ ବଢାଇବାକୁ ଦେଶବାସୀଙ୍କୁ ମନ୍ କି ବାତ୍ରେ କହିଛନ୍ତି ମୋଦି ।
इस समय पूरी दुनिया में पेरिस ओलंपिक छाया हुआ है। ओलंपिक हमारे खिलाड़ियों को विश्व पटल पर तिरंगा लहराने का मौका देता है, देश के लिए कुछ कर गुजरने का मौका देता है।
— BJP (@BJP4India) July 28, 2024
आप भी अपने खिलाड़ियों का उत्साह बढ़ाइए, Cheer For Bharat.
- पीएम @narendramodi pic.twitter.com/gcC3Z2rNB0
'ଚିଅର ଫର୍ ଭାରତ': ମୋଦି ମନ୍ କି ବାତ୍ରେ କହିଥିଲେ ଯେ, '' ବର୍ତ୍ତମାନ ପ୍ୟାରିସ୍ ଅଲିମ୍ପିକ୍ସ ପୁରା ବିଶ୍ୱରେ ଚର୍ଚ୍ଚାର ବିଷୟ ପାଲଟିଛି । ଅଲିମ୍ପିକ୍ସ ଆମ ଖେଳାଳି ମାନଙ୍କୁ ବିଶ୍ୱ ସ୍ତରରେ ତ୍ରିରଙ୍ଗା ଉଡାଇବାକୁ ଏବଂ ଦେଶ ପାଇଁ କିଛି କରିବାର ସୁଯୋଗ ଦେଇଥାଏ । ସମସ୍ତ ଖେଳାଳିଙ୍କୁ ଉତ୍ସାହିତ କରନ୍ତୁ । ଚିଅର ଫର୍ ଭାରତ । ''
ପ୍ୟାରିସରେ ଖେଳାଳିଙ୍କ ପ୍ରଦର୍ଶନ: ଜୁଲାଇ 26 ତାରିଖରୁ ଆରମ୍ଭ ହୋଇଥି ପ୍ୟାରିସ ଅଲିମ୍ପିକ୍ସ । କିଛି ଇଭେଣ୍ଟରେ ଭାରତୀୟ ଖେଳାଳି ଭଲ ପ୍ରଦର୍ଶନ କରିଥିବା ବେଳେ କିଛି ଇଭେଣ୍ଟରେ ନିରାଶ ହେବାକୁ ପଡିଛି । ଆଜି ରୋଇଂ ଇଭେଣ୍ଟରେ ବଲରାଜ ପନୱାର ବ୍ରୋଞ୍ଜ ପଦକ ପାଇଁ ଲଢିବେ । ଗତକାଲି ରୋଇଂରେ ଚତୁର୍ଥ ସ୍ଥାନ ହାସଲ କରି ରେପେଚେଜ୍ରେ ନିଜର ସ୍ଥାନ ସୁରକ୍ଷିତ କରିଥିଲେ । ଆଜି ସେ ବ୍ରୋଞ୍ଜ ପଦକ ପାଇଁ ନିଜର ଜବରଦସ୍ତ ପ୍ରଦର୍ଶନ ଦେଖାଇବେ । ସେହିପରି ଅଲିମ୍ପିକ୍ରେ ପ୍ରଥମ ମ୍ୟାଚ୍ ଜିତି ବିଜୟରୁ ଅଭିଯାନ ଆରମ୍ଭ କରିଛନ୍ତି ଭାରତୀୟ ଷ୍ଟାର ବ୍ୟାଡ୍ମିଣ୍ଟନ ଯୋଡି ସାତ୍ତ୍ବିକସାଇରାଜ ରଙ୍କିରେଡ୍ଡୀ ଏବଂ ଚିରାଗ ଶେଟ୍ଟୀ । ପ୍ରଥମ ମ୍ୟାଚରେ ଭାରତୀୟ ହକି ଟିମ୍ର ମଧ୍ୟ ବିଜୟ ହୋଇଛି। 3-2 ଗୋଲରେ ବିପକ୍ଷ ଦଳକୁ ପରାସ୍ତ କରି 3 ପଏଣ୍ଟ ହାସଲ କରିଛି ଭାରତୀୟ ଦଳ । ଭାରତୀୟ ବକ୍ସର ପ୍ରୀତି ପାୱାର ଚମତ୍କାର ପ୍ରଦର୍ଶନ କରି ବିଜୟରୁ ପ୍ୟାରିସ୍ ଅଲିମ୍ପିକ୍ସ 2024 ଅଭିଯାନ ଆରମ୍ଭ କରିଛନ୍ତି । ମହିଳା 54 କିଲୋଗ୍ରାମ ବର୍ଗରେ ଭିଏତନାମର ଭୋ ଥି କିମ୍ ଆନ୍ଙ୍କ ବିପକ୍ଷରେ ଦମଦାର ବିଜୟ ହାସଲ କରିଛନ୍ତି ।
ବ୍ଯୁରୋ ରିପୋର୍ଟ, ଇଟିଭି ଭାରତ
