ବଲାଙ୍ଗୀର: ବଲାଙ୍ଗୀର ବିଜେଡି ସାଂସଦ ପ୍ରାର୍ଥୀ ସୁରେନ୍ଦ୍ର ସିଂହ ଭୋଇଙ୍କ ଚରିତ୍ର ସଂହାର କରି ଗୁରୁତର ଅଭିଯୋଗ ଆଣିଲେ ନରସିଂହ । ସେ ଜଣେ ମଦୁଆ, ଚାଲି ପାରନ୍ତି ନାହିଁ କିମ୍ବା କଥା କହି ଜାଣନ୍ତି ନାହିଁ ବୋଲି ଆଣିଲେ ଅଭିଯୋଗ । ସେପଟେ ଏହାକୁ ନେଇ ଜବାବ ରଖି ସୁରେନ୍ଦ୍ର ସିଂହ ଭୋଇ କହିଲେ ତାଙ୍କ ଲୋକଙ୍କ ସମର୍ଥନ ସହି ନ ପାରି ସେ ଅଯଥା ବର୍ତ୍ତାଳାପ କରୁଛନ୍ତି ।
ବଲାଙ୍ଗୀରର ପୂର୍ବତନ କଂଗ୍ରେସ ନେତା ସୁରେନ୍ଦ୍ର ସିଂହ ଭୋଇ କଂଗ୍ରେସ ଛାଡି ବିଜେଡିର ଯୋଗ ଦେଇଥିଲେ । ବିଜେଡି ତାଙ୍କୁ ବଲାଙ୍ଗୀରର ସାଂସଦ ଟିକଟ ଦେଇଛି । ତେବେ ବିଜେଡି ତାଙ୍କୁ ଟିକଟ ଦେବା ପରେ କଂଗ୍ରେସ ନେତା ନରସିଂହ ମିଶ୍ର ସୁରେନ୍ଦ୍ର ସିଂହ ଭୋଇଙ୍କ ଉପରେ ଅତି ସଙ୍ଗୀନ ଅଭିଯୋଗ ଆଣିଛନ୍ତି । ନିକଟରେ କଂଗ୍ରେସ ଦଳର ଆଗଲପୁର ଡୁଡୁକା ଗ୍ରାମ ଠାରେ ଜନସଭାରେ ସେ ଏଭଳି ଅଭିଯୋଗ ଆଣିଛନ୍ତି ।
ନରସିଂହ କହିଥିଲେ ଯେ, ସୁରେନ୍ଦ୍ର ସିଂହ ଭୋଇ ମଦ ନ ହେଲେ ରହି ପାରନ୍ତି ନାହିଁ । ସେ ଚାଲି ପାରନ୍ତି ନାହିଁ କିମ୍ବା କଥା କହି ଜାଣନ୍ତି ନାହିଁ । ସେ କଂଗ୍ରେସ ଟିକଟରୁ ଦୁଇ ଥର ବିଧାୟକ ହେବା ପରେ ଏବେ ହାରିଯିବା ଭୟରେ ବିଜେଡିର ମିଶି ସାଂସଦ ଟିକଟ ପାଇଛନ୍ତି । ସେ ବିଧାନସଭାରେ ତାଙ୍କୁ ଦେଖିଛନ୍ତି ସେ କେବେ ସେଠି କଥା କହି ଜାଣୁ ନ ଥିଲେ। ଏପରିକି ତାଙ୍କ ବାବଦରେ ଆହୁରି ଅନେକ କ୍ୱଥା ଅଛି ଯାହା ଜାଣିଲେ ଲୋକେ ଛି ଛି ଥୁ ଥୁ କରିବେ । ଏଭଳି ଲୋକଙ୍କୁ ସାଂସଦ ପଠାଇଲେ ବଲାଙ୍ଗୀରର ସର୍ବନାଶ ହେବ ।"
ସେପଟେ ନସରସିଂହ ମିଶ୍ରଙ୍କ ଏଭଳି ବୟାନ ଓ ଅଭିଯୋଗରେ ପ୍ରତିକ୍ରିୟା ରଖିଛନ୍ତି ବିଜେଡି ସାଂସଦ ସୁରେନ୍ଦ୍ର ସିଂହ ଭୋଇ । ସୁରେନ୍ଦ୍ର କହିଛନ୍ତି, "ମୁଁ ନିର୍ବାଚନ ପ୍ରଚାର ପାଇଁ ଦିନ ରାତି ବୁଲୁଛି । ମୋତେ କେହି ବୋହି ନେଉ ନାହାନ୍ତି । ମୁଁ ନିଜେ ଚାଲି କି ଯାଉଛନ୍ତି । ଲୋକଙ୍କର ସମର୍ଥନ ମୋ ପ୍ରତି ରହିଛି । ଏବଂ ଏହାକୁ ନରସିଂହ ମିଶ୍ର ସହ୍ୟ କରି ପାରୁ ନାହାନ୍ତି । ତେଣୁ ସେ ଅଯଥାର ବର୍ତ୍ତାଳାପ କରୁଛନ୍ତି । "
ଚଳିତ ନିର୍ବାଚନରେ ଦଳ ସହ ନେତା ମଧ୍ୟ ଅମନା ସାମନା ହେଉଛନ୍ତି । ପୂର୍ବରୁ କିଏ କ'ଣ ବିକାଶ କାମ କରିଛି ତାର ହିସାବ କିତାବ ଜରିଆରେ ଲୋକଙ୍କ ପାଖରେ ପ୍ରଚାର କରା ଯାଉଥିଲା । ହେଲେ ଏବେ ଏଠି ରାଜନୀତି ବ୍ୟକ୍ତି ଗତସ୍ତରକୁ ଟାଣି ନିଆ ଯାଉଛି। ଏପରିକି ପରସ୍ପରର ଚରିତ୍ର ସଂହାର କରିବାରେ ମଧ୍ୟ ନେତା ପଛାଉ ନାହାନ୍ତି । ତେବେ ଏହି ଟ୍ରେଣ୍ଡ ଆଗକୁ କେଉଁ ମୋଡ ନେବ ତାହା ପରେ ହିଁ ଜଣା ପଡିବ ଓ ଲୋକେ ହିଁ ଏହାର ଉଚିତ ଜବାବ ଦେବେ ବୋଲି କୁହା ଯାଇଛି ।
ଇଟିଭି ଭାରତ, ବଲାଙ୍ଗିର
