Modi Guarantee
ରାଉରକେଲା: ମୋଦି ଗ୍ୟାରେଣ୍ଟି କାର୍ଡ ଉନ୍ମୋଚନ କଲେ ଜୁଏଲ । ସୁନ୍ଦରଗଡ଼ ସାଂସଦ ପ୍ରାର୍ଥୀ ଜୁଏଲ ଓରାମ ଆଗାମୀ ନିର୍ବାଚନକୁ ନେଇ ସୁନ୍ଦରଗଡ଼ରେ ମୋଦୀ ଗ୍ୟାରେଣ୍ଟି କାର୍ଡ ଉନ୍ମୋଚନ କରିଛନ୍ତି । ଜୁଏଲ ଏକ ସାମ୍ବାଦିକ ସମ୍ମିଳନୀ କରି ମୋଦୀ ଗ୍ୟାରେଣ୍ଟି କାର୍ଡ ଉପରେ ସୂଚନା ପ୍ରଦାନ କରିଛନ୍ତି । ବିଜେପି ଦଳ 'ମୋଦି କି ଗ୍ୟାରେଣ୍ଟି' ସ୍ଲୋଗାନକୁ ଦର୍ଶାଇଥିବା ଏହି ଇସ୍ତାହାରରେ ନରେନ୍ଦ୍ର ମୋଦି ସରକାରଙ୍କର ସବୁବର୍ଗ ପ୍ରତି ଦୃଷ୍ଟିକୋଣ ରହିଛି ଏବଂ ସମାଜର ପ୍ରତ୍ୟେକ ବିଭାଗ ପାଇଁ ପ୍ରତିଶୃତି ଦିଆଯାଇଛି । ଇସ୍ତାହାରରେ ପ୍ରଧାନମନ୍ତ୍ରୀ ଗରିବ, ଯୁବକ, କୃଷକ ଏବଂ ମହିଳାଙ୍କ ଉପରେ ଧ୍ୟାନ ଦେଇଥିବା ସୂଚନା ଦେଇଛନ୍ତି ଜୁଏଲ ।
ତେବେ ଅସନ୍ତୁ ଦେଖିବା କଣ ରହିଛି ଏହି ମୋଦୀ ଗ୍ୟାରେଣ୍ଟି କାର୍ଡରେ:-
- ଗରିବ ଲୋକଙ୍କ ପାଇଁ ମାଗଣା ରାସନ କାର୍ଡ ଯୋଜନା ୫ ବର୍ଷ ବୃଦ୍ଧି କରାଯାଇଛି ଏବଂ ଏହା 2029 ଯାଏଁ ବଳବତ୍ତର ରହିବ। ଗରିବ ଲୋକମାନଙ୍କର ସୁରକ୍ଷା ପାଇଁ ଡାଲି, ଖାଇବା ତେଲ ଏବଂ ପନିପରିବା ଉତ୍ପାଦନରେ ସହିତ ଆତ୍ମନିର୍ଭରଶୀଳତା ଉପରେ ଧ୍ୟାନ ଦିଆଯାଇଛି ଏହାସହ ମାଗଣା ସ୍ୱାସ୍ଥ୍ୟ ସେବା ପାଇଁ ଆୟୁଷ୍ମାନ ଭାରତ ଯୋଜନା ବିସ୍ତାର କରାଯିବ ।
- ମହିଳାମାନଙ୍କ ପାଇଁ ଗ୍ରାମାଞ୍ଚଳରେ ଲକ୍ଷ୍ମୀ ଦିଦି ସ୍ୱୟଂ ସହାୟକ ଗୋଷ୍ଠୀ ଉଦ୍ୟମର ସମ୍ପ୍ରସାରଣ କରାଯିବ । ସେବା କ୍ଷେତ୍ରରେ ମହିଳା ସ୍ୱୟଂ ସହାୟକ ଗୋଷ୍ଠୀକୁ ଏକତ୍ର କରିବା ଏବଂ ସେମାନଙ୍କର ବଜାର ପ୍ରବେଶକୁ ବଢାଇବା ଲକ୍ଷ ରଖାଯାଇଛି । ସର୍ବସାଧାରଣ କ୍ଷେତ୍ରରେ ମହିଳାମାନଙ୍କ ପାଇଁ ଅଧିକ ଶୌଚାଳୟ ନିର୍ମାଣ ଏବଂ ସ୍ତନ କର୍କଟ, ଗର୍ଭାଶୟ କର୍କଟ ରୋକିବା ଏବଂ ହ୍ରାସ ଉପରେ ଧ୍ୟାନ ଦିଆଯାଇଥିବା ସ୍ୱାସ୍ଥ୍ୟ ସେବାକୁ ବିସ୍ତାର କରିବା ଆଦିକୁ କାର୍ଯ୍ୟକାରୀ କରାଯିବ ବୋଲି ମୋଦୀ ଗ୍ୟାରେଣ୍ଟି କାର୍ଡ କହୁଛି ବୋଲି କହିଛନ୍ତି ଜୁଏଲ।
- ଭିତ୍ତିଭୂମିର ବିକାଶ ପାଇଁ ଯାତ୍ରୀଙ୍କ ପାଇଁ କ୍ଷମତା ଏବଂ ମାଲ ପରିବହନ ପାଇଁ ରେଳ ନେଟୱାର୍କକୁ ବିସ୍ତାର କରାଯିବ । ରେଳ ଷ୍ଟେସନର ବିକାଶ ହେବ। ବନ୍ଦେ ଭାରତ ଟ୍ରେନ୍ ଏବଂ ମେଟ୍ରୋ ନେଟୱାର୍କର ସମ୍ପ୍ରସାରଣ । ଗ୍ରାମୀଣ ସଡ଼କ ସଂଯୋଗକୁ ବିସ୍ତାର । ବୈଦ୍ୟୁତିକ ଯାନ, ଅଧିକ ଚାର୍ଜିଂ ଷ୍ଟେସନ ବଢାଇବା । ଅଧିକ ବିମାନବନ୍ଦର ଏବଂ ବିମାନ ସେବା ସମ୍ପ୍ରସାରଣ । ଧାର୍ମିକ ଏବଂ ପର୍ଯ୍ୟଟନ ସ୍ଥାନଗୁଡିକର ବିକାଶ । ଅଯୋଧ୍ୟାର ସାମଗ୍ରିକ ବିକାଶ । ଭାରତୀୟ ପାଣ୍ଡୁଲିପି ଗୁଡ଼ିକର ଅଧ୍ୟୟନ ଏବଂ ଡିଜିଟାଇଜେସନ୍ । ଭାରତୀୟ ସାହିତ୍ୟିକ କାର୍ଯ୍ୟକୁ ବିଦେଶୀ ଭାଷାରେ ଅନୁବାଦ କରିବା। ସୁସ୍ଥ ଶାସନ ମଧ୍ୟ ଯୋଗାଇବ ବୋଲି କହୁଛି ମୋଦି କାର୍ଡ।
- ଦୁର୍ନୀତି ବିରୋଧରେ ସଂଗ୍ରାମ ଜାରି ରହିବ ଏବଂ ରାଜନୀତିର ଏକ ନିର୍ଦ୍ଦେଶନାମା ଭାବରେ ୟୁନିଫର୍ମ ସିଭିଲ୍ କୋଡ ଆଣିବା । ଅଦାଲତରେ ମାମଲାଗୁଡ଼ିକର ସମାଧାନକୁ ତ୍ୱରାନ୍ୱିତ କରିବା ପାଇଁ ଏକ ଜାତୀୟ ମକଦ୍ଦମା ନୀତି ପ୍ରସ୍ତୁତ ।
- ଯୁବକଙ୍କ ପାଇଁ ପ୍ରତିଯୋଗିତାମୂଳକ ପରୀକ୍ଷାର ପ୍ରଶ୍ନପତ୍ର ଲିକ୍ ରୋକିବା ପାଇଁ ଆଇନ ଲାଗୁ କରିବା । ଯୁବକଙ୍କୁ ଚାକିରୀ ଏବଂ ଯୁବକମାନଙ୍କ ମଧ୍ୟରେ ଉଦ୍ୟୋଗୀତାକୁ ପ୍ରୋତ୍ସାହିତ କରିବା ପାଇଁ ଷ୍ଟାର୍ଟ ଅପ୍ ଇକୋସିଷ୍ଟମ୍ ବ୍ୟାବସ୍ଥା । ଭିତ୍ତିଭୂମି ବିକାଶ ମାଧ୍ୟମରେ ନିଯୁକ୍ତି ସୃଷ୍ଟି କରିବା ଉପରେ ମଧ୍ୟ ଧ୍ୟାନ ଦିଆଯାଇଛି ।
- କୃଷକମାନଙ୍କୁ ବର୍ଷକୁ ଟଙ୍କା ଯୋଗାଇବା ଜାରି ରଖିବେ ସରକାର । ଫସଲ ପାଇଁ ସର୍ବନିମ୍ନ ସହାୟତା ମୂଲ୍ୟରେ ସମୟାନୁବର୍ତ୍ତୀ ବୃଦ୍ଧି ଜାରି ରଖିବା ଏହାସହ ପୁଷ୍ଟିକର ପନିପରିବା ଉତ୍ପାଦନକୁ ଉତ୍ସାହିତ କରିବ, ପିଆଜ ଏବଂ ଟମାଟୋ ଭଳି ଅତ୍ୟାବଶ୍ୟକ ସାମଗ୍ରୀ ଉତ୍ପାଦନ କରିବା ଏବଂ ପ୍ରାକୃତିକ ଚାଷ ଏବଂ ଫସଲ ବିବିଧକରଣ ଉପରେ ଧ୍ୟାନ ଦେବା ।
- ଶ୍ରମିକ ପାଇଁ ସର୍ବନିମ୍ନ ମଜୁରୀର ଲଗାତାର ସମୀକ୍ଷା । ସଂଗଠିତ କ୍ଷେତ୍ରର ଶ୍ରମିକମାନଙ୍କ ପାଇଁ ବୀମା ଯୋଜନା ଏବଂ ସେମାନଙ୍କୁ ପ୍ରବେଶ କରିବାକୁ ଡିଜିଟାଲ୍ ମାଧ୍ୟମ ଆପଣାଇବା । ଠିକା ଶ୍ରମିକଙ୍କ ସମେତ ଅସଂଗଠିତ କ୍ଷେତ୍ରର ଶ୍ରମିକମାନଙ୍କୁ ସାହାଯ୍ୟ କରିବା ପାଇଁ ଇ- ଶ୍ରମ ପୋର୍ଟାଲର ସମ୍ପ୍ରସାରଣ । ପର୍ବ ସମୟରେ ପ୍ରବାସୀ ଶ୍ରମିକମାନଙ୍କ ପାଇଁ ସ୍ୱତନ୍ତ୍ର ଟ୍ରେନ୍ ସୁନିଶ୍ଚିତ କରାଯିବ । ଟ୍ରକ ଡ୍ରାଇଭରମାନଙ୍କ ପାଇଁ ଜାତୀୟ ରାଜପଥରେ ଉତ୍ତମ ସୁବିଧା ଏବଂ ପ୍ରଧାନମନ୍ତ୍ରୀ ବିଶ୍ୱକର୍ମା ଯୋଜନାର ସମ୍ପ୍ରସାରଣ ସହ ଛୋଟ ବ୍ୟବସାୟ ପାଇଁ ନିୟମ ଏବଂ ନିୟମାବଳୀ ସରଳୀକୃତ ହେବ ।
ଇଟିଭି ଭାରତ, ରାଉରକେଲା
