ଭୁବନେଶ୍ବର: ଭୁବନେଶ୍ଵର ବିଜେପି ସାଂସଦ ପ୍ରାର୍ଥୀ ଅପରାଜିତା ଷଡଙ୍ଗୀଙ୍କ ପ୍ରେସମିଟ୍। ରାଜ୍ୟ ସରକାରଙ୍କୁ ଟାର୍ଗେଟ୍ କରିବା ସହ କେନ୍ଦ୍ର ସରକାରଙ୍କ ଯୋଜନାର କଲେ ପ୍ରଶଂସା । ବିଜେପି ସରକାର ଆସିଲେ ବେକାରୀ ସମସ୍ୟା ଦୂର ହେବା ସହ ବିଭିନ୍ନ ଯୋଜନାରେ ହିତାଧିକାରୀ ଲାଭବାନ ହେବେ ବୋଲି ସେ କହିଛନ୍ତି । ଅପରାଜିତା କହିଛନ୍ତି, " ବିଜେପି ସରକାରକୁ ଆସିଲେ ସ୍କୁଲରେ ମିଡ ଡେ୍ ମିଲ ସହ ଜଳଖିଆ ପାଇଁ 'ଆପୁର୍ତ୍ତି ଯୋଜନା' ଆରମ୍ଭ ହେବ । ବିଜେପି ସରକାର ହେଲେ ମଧ୍ୟ, ଉତ୍ତର ଓ ଆଭ୍ୟନ୍ତରୀଣ ଓଡି଼ଶାରେ 3ଟା କ୍ୟାନସର ହସ୍ପିଟାଲ ହେବ । ସବୁ ରାଜ୍ୟରେ ଚିନିକଳ ଖୋଲିବ । ଅଢେଇ ଲକ୍ଷ କୋଟି ଟଙ୍କାର ଘରୋଇ ନିବେଶ ଓଡି଼ଶାକୁ ଆଣିବ ବିଜେପି । ସବୁ ରାଜ୍ୟରେ ଚିନିକଳ ଖୋଲିବ । ଶିକ୍ଷକଙ୍କ ପାଇଁ ସମାନ କାମକୁ ସମାନ ଦରମା ଦେବ ବିଜେପି ସରକାର । ଗର୍ଭବତୀ ମହିଳାଙ୍କ ନେବା ଆଣିବା ପାଇଁ ଆମ୍ବୁଲାନ୍ସ ପାଇଁ ସୁଗମ ଯୋଜନା ଆରମ୍ଭ କରିବ ବିଜେପି ସରକାର । ବିଜେପି ସରକାରକୁ ଆସିଲେ 18 ମାସରେ ଚିଟଫଣ୍ଡ କ୍ଷତିଗ୍ରସ୍ତ ଟଙ୍କା ଫେରିପାଇବେ ।"
"ଓଡି଼ଶା ଅନ୍ତ ହୀନ ସମ୍ଭାବନାର ପ୍ରଦେଶ, ହେଲେ ମୁଣ୍ଡ ପିଛା ଆୟରେ ତଳ ଆଡୁ 4 ନମ୍ବର । 22 ରାଜ୍ୟରୁ ବେକାରୀରେ ଓଡି଼ଶା ନମ୍ବର ୱାନ । ଆଜି ରାଜ୍ୟ ସରକାରଙ୍କୁ ଏମିତି ଟାର୍ଗେଟ କରିଛନ୍ତି ବିଜେପି ସାଂସଦ ଅପରାଜିତା ଷଡ଼ଙ୍ଗୀ। ଏହା ସହ ବିଜେପି ସରକାରକୁ ଆସିଲେ ପ୍ରଥମେ କାର୍ଯ୍ୟ ହେବ କାମ ସବୁ ହାତକୁ, ପାଣି ସବୁ କ୍ଷେତକୁ, ଛାତ ସବୁ ମୁଣ୍ଡକୁ । ଓଡ଼ିଶାର ଅର୍ଥନୀତି ୱାନ ଟ୍ରିଲିୟନ ଡଲାର ହେବ ବୋଲି କହିଛନ୍ତି ଅପରାଜିତା । ବିଜେପି ସରକାରକୁ ଆସିବ ପରେ ଜଳ ଜୀବନ ମିଶନ ରେ ରାଜ୍ୟର 26 ଲକ୍ଷ ଘରକୁ ପାଣି ଦିଆହେବ । ପାଇପ ପାଣି ପାଇଁ କେନ୍ଦ୍ର 10 ହଜାର କୋଟି ଦେଲେ ଆଜି ଯାଏଁ 4ହଜାର 200 କୋଟି ଟଙ୍କା ଖର୍ଚ୍ଚ ହୋଇଛି । ବିଗତ 2 ବର୍ଷ ଭିତରେ କେନ୍ଦ୍ର ବହୁ ସଂଖ୍ୟାରେ ଘର ଅନୁମୋଦନ ହେଲା କିନ୍ତୁ ରାଜ୍ୟ ସରକାର ଆବାସ ପୋର୍ଟାଲରେ ହିତାଧିକାରୀଙ୍କ ତଥ୍ୟ ଦେଇ ପାରିଲେନି । କିନ୍ତୁ ବିଜେପି ଆସିଲେ ସବୁ କାମ ନିର୍ଦ୍ଦିଷ୍ଟ ସମୟ ସୀମା ଭିତରେ ସରିବ" ବୋଲି କହିଛନ୍ତି ସାଂସଦ ଅପରାଜିତା ଷଡ଼ଙ୍ଗୀ ।
ସେ ଆହୁରି କହିଛନ୍ତି, "ମେକ ଇନ ଓଡିଶା କରି ରାଜ୍ୟ ସରକାର କହିଲେ ଦେଢ଼ ଲକ୍ଷ ନିଯୁକ୍ତି ଦେବେ ହେଲେ ହେଲା ନାହିଁ । ଶିକ୍ଷକଙ୍କ ପାଇଁ ସମାନ କାମକୁ ସମାନ ଦରମା ଦେବ ବିଜେପି ସରକାର । ଗର୍ଭବତୀ ମହିଳାଙ୍କ ନେବା ଆଣିବା ପାଇଁ ଆମ୍ବୁଲାନ୍ସ ପାଇଁ ସୁଗମ ଯୋଜନା ଆରମ୍ଭ କରିବ ବିଜେପି ସରକାର । ଅଙ୍ଗନବାଡି ଦିଦିଙ୍କର ମାସିକ ଦରମା 12ହଜାର ଓ ହେଲପରଙ୍କ ଦରମା 8ହଜାରକୁ ବଢାଇବ ବିଜେପି । 'ମୁଁ ମେଧାବୀ ଝିଅ' ଯୋଜନାରେ ଝିଅ ଜନ୍ମ ହେଲେ 2 ଲକ୍ଷ ଟଙ୍କା ମିଳିବ। 'ସୁଭଦ୍ରା ଯୋଜନା'ରେ 50 ହଜାରର କ୍ୟାସ ଭାଉଚର ମହିଳାଙ୍କୁ ଦେବ ବିଜେପି ସରକାର। ସ୍କୁଲରେ ମିଡ ଡେ ମିଲ ସହ ଜଳଖିଆ ପାଇଁ ଆକୃତି ସଯୋଜନା ଆରମ୍ଭ ହେବ।"
ଇଟିଭି ଭାରତ, ଭୁବନେଶ୍ବର
