ନୂଆଦିଲ୍ଲୀ: ଚଳିତ 5 ତାରିଖରେ ଆମେରିକାରେ ହେବାକୁ ଥିବା ରାଷ୍ଟ୍ରପତି ନିର୍ବାଚନ ଉପରେ ସମଗ୍ର ବିଶ୍ୱର ନଜର ରହିଛି । ଆମେରିକାର ଅନ୍ୟ ଗଣତାନ୍ତ୍ରିକ ରାଷ୍ଟ୍ରମାନଙ୍କ ଉପରେ ବିଭିନ୍ନ ପ୍ରସଙ୍ଗରେ ମନ୍ତବ୍ୟ ଦେବା ଓ ତ୍ରୁଟି ଖୋଜିବାର ଏକ ବଡ ଓ ବିଚିତ୍ର ଖରାପ ଅଭ୍ୟାସ ରହିଛି । ମାତ୍ର ଏହି ସମୟରେ ଆମେରିକାର ନିଜର ଆଭ୍ୟନ୍ତରୀଣ ପ୍ରସଙ୍ଗ କଥା ସର୍ବଦା ଭୁଲିଯାଏ । ନିଜର ଆଭ୍ୟନ୍ତରୀଣ ବ୍ୟାପାରରେ ଅଭାବ ଓ ତ୍ରୁଟି-ବିଚ୍ୟୁତିକୁ ଅଣଦେଖା କରିବାର ଏକ ଖରାପ ଅଭ୍ୟାସ ଆମେରିକାରେ ଯେମିତି ପ୍ରଥମରୁ ରହିଆସଛି କହିଲେ ଭୁଲ ହେବନାହିଁ । ଆମେରିକା ବିଭିନ୍ନ ସମୟରେ ଖୋଲାଖୋଲି ଭାବେ ଅନ୍ୟ ଦେଶର ନିର୍ବାଚନ ପ୍ରକ୍ରିୟାରେ ହସ୍ତକ୍ଷେପ କରେ ଏବଂ ଉକ୍ତ ଦେଶରେ ଶାସନ ପରିବର୍ତ୍ତନକୁ ପ୍ରୋତ୍ସାହିତ କରିଥାଏ । ମାତ୍ର ସମସ୍ତ କ୍ଷେତ୍ରରେ ଏହି ରଣନୀତି ସଫଳ ହୁଏନାହିଁ । ଅନ୍ୟପଟେ ଆମେରିକା ଏହାର ବିପରୀତ ଧାରାରେ ଯାଇ ଅନ୍ୟ ବିରୋଧରେ ଅଭିଯୋଗ କରେ । ଅନ୍ୟ ଦେଶମାନେ ତାର ନିର୍ବାଚନ ପ୍ରକ୍ରିୟାରେ ହସ୍ତକ୍ଷେପ କରନ୍ତି ବୋଲି ଅଭିଯୋଗ କରିବାର ଅଭ୍ୟାସ ମଧ୍ୟ ଆମେରିକାର ବେଶ ପୁରୁଣା ।
- ‘ଇଭିଏମ’ରେ ଭାରତ, ବାଲାଟରେ ଆମେରିକା:-
ଭାରତ ବୈଦ୍ୟୁତିକ ଭୋଟିଂ ମେସିନ (ଇଭିଏମ)ରେ ନିର୍ବାଚନ ପରିଚାଳନା କରୁଛି । ମାତ୍ର ଆମେରିକା ଏବେ ମଧ୍ୟ ନିର୍ବାଚନୀ ପ୍ରକ୍ରିୟା ପାଇଁ ପେପର-ବାଲାଟ ପ୍ରଣାଳୀରେ ଅଟକି ରହିଛି । ଅବଶ୍ୟ ଆମେରିକାର ଜନସଂଖ୍ୟା ଏହାକୁ ଏହି ବ୍ୟବସ୍ଥାକୁ ଜାରି ରଖିବାକୁ ଅନୁମତି ଦେଇଥାଏ ବୋଲି ଓ୍ବାଶିଂଟନ ବାରମ୍ବାର ଦାବି ମଧ୍ୟ କରିଛି । ବୁଥ୍ କ୍ୟାପଚରିଂ ଏବଂ ବାଲାଟ୍ ଷ୍ଟଫିଂକୁ ରୋକିବା ପାଇଁ ଭାରତ ‘ଇଭିଏମ’ ବ୍ୟବହାର ଆରମ୍ଭ କରିଥିଲା । ଯୁକ୍ତରାଷ୍ଟ୍ରରେ ନିର୍ବାଚନ ସମୟରେ ବାରମ୍ବାର ବାଲାଟ ପୋଡି ଦିଆଯାଉଥିବାର ଅଭିଯୋଗ ମଧ୍ୟ ରହିଛି । କିଛି ନିର୍ଦ୍ଦିଷ୍ଟ ଭୋଟର ଗୋଷ୍ଠୀକୁ ଭୋଟିଂରୁ ବିରତ ରଖିବା ପାଇଁ ମତଦାନ ଅଧିକାରୀମାନେ ସମୟ ବନ୍ଦ କରିବାର ଘଣ୍ଟା ପୂର୍ବରୁ ମତଦାନ କେନ୍ଦ୍ର ବନ୍ଦ କରିଥିବାର ଅଭିଯୋଗ ରହିଛି । ମାତ୍ର ଆମେରିକା ସରକାର ଏହାକୁ ଗୁରୁତ୍ବାରୋପ କରିନାହାନ୍ତି ।
- କେଉଁ ଗଣତନ୍ତ୍ରରେ ତ୍ରୁଟି ଅଛି...
ବିଶ୍ବର ବିଭିନ୍ନ ଦେଶରେ ନିର୍ବାଚନୀ ପ୍ରକ୍ରିୟାରେ ମତଦାନ କରିବା ପାଇଁ ବିଭିନ୍ନ କଠିନ ବ୍ୟବସ୍ଥା ରହିଛି । କେବଳ ବୈଧ ପ୍ରମାଣପତ୍ର ଥିବା ନାଗରିକମାନେ ହିଁ ନିର୍ବାଚନରେ ଭୋଟ ଦେଇପାରନ୍ତି । ଅନ୍ୟମାନଙ୍କୁ ଏହି ପ୍ରକ୍ରିୟାରୁ ବାଦ ଦେବାକୁ ବିଭିନ୍ନ ତଦାରଖ ପ୍ରକ୍ରିୟା ମଧ୍ୟ ରହିଛି । ମାତ୍ର ଆମେରିକାରେ ଏହାର ବିପରୀତ ପନ୍ଥା ଦେଖାଯାଏ । କୌଣସି ଦଳକୁ କ୍ଷମତାକୁ ଆଣିବାକୁ ହେଲେ ଦେଶରେ ଥିବା ପ୍ରବାସୀ ଭୋଟର ବା ଅନ୍ୟ ଦେଶର ପ୍ରବାସୀ ଭୋଟରଙ୍କୁ ରାଜନୈତିକ ଅସ୍ତ୍ର ଭାବେ ବ୍ୟବହାର କରାଯାଏ ।
- ଆମେରିକା ମଧ୍ୟ ଏପରି କରିବ କି?
ଭାରତ ବିଶ୍ବର ସର୍ବବୃହତ ଗଣତାନ୍ତ୍ରିକ ଦେଶ ଓ ଏହାର ନିର୍ବାଚନ ପ୍ରକ୍ରିୟାକୁ ଅନୁଧ୍ୟାନ କରିବାକୁ ବିଶ୍ୱ ପ୍ରତିନିଧୀଙ୍କୁ ଆମନ୍ତ୍ରଣ କରିଥିଲା । ଏହି ନିମନ୍ତ୍ରଣ ଭୋଟିଂ ବ୍ୟବସ୍ଥାରେ ନ୍ୟାୟ ଏବଂ ସ୍ବଚ୍ଛତାର ପ୍ରଦର୍ଶନ ଥିଲା । ଆମେରିକା ମଧ୍ୟ ଏପରି ପଦକ୍ଷେପ ଗ୍ରହଣ କରି ପାରିବ କି ? ଅଭିବ୍ୟକ୍ତିର ସ୍ୱାଧୀନତାର ନୀତିକୁ ଦୃଢ ପାଳନ କରିବାକୁ ଆମେରିକା ସରକାର ଦାବି କରିଆସିଛି । ଖଲିସ୍ତାନୀ ଆନ୍ଦୋଳନର ମୁଖ୍ୟ ଗୁରୁପତୱନ୍ତ ସିଂ ପନ୍ନୁକୁ ସୁରକ୍ଷା ଓ ସଂରକ୍ଷଣ ଦେବା ପ୍ରଶ୍ନରେ ନୂଆଦିଲ୍ଲୀରେ ଅବସ୍ଥାପିତ ଆମେରିକା ରାଷ୍ଟ୍ରଦୂତ ଏରିକ ଗାର୍ସେଟ୍ଟୀ ଏକ ଭିନ୍ନ ମନ୍ତବ୍ୟ ଦେଇଛନ୍ତି । ଏକ ଗଣମାଧ୍ୟମ ସାକ୍ଷାତକାରରେ ସେ କହିଛନ୍ତି, ‘‘ ଆମେ ସର୍ବଦା ଆମର ଭାରତୀୟ ବନ୍ଧୁମାନଙ୍କୁ ଅପରାଧ ଉପରେ ଧ୍ୟାନ ଦେବାକୁ କହିଥାଉ । ଯେତେବେଳେ ଆମେ ବିଚାର ପରିବର୍ତ୍ତେ ଅପରାଧ ଉପରେ ଧ୍ୟାନ ଦେବା, ତେବେ ଆମେ ଅଗ୍ରଗତି ଦେଖିପାରିବା ।’’ ଏହାର ଅର୍ଥ ଏହା ହିଁ କୁହାଯାଇପାରେ ଯେ, ଗୁରୁପତନ୍ତ ସିଂ ପନ୍ନୁ କେବଳ ନିଜର ମତ ପ୍ରକାଶ କରୁଥିଲା । ତେଣୁ ଭାରତ ପନ୍ନୁକୁ ସେହି ଧାରଣା ସହ ଗ୍ରହଣ କରିବା ଉଚିତ ।
ଭାରତ-ଚୀନ ସୀମା ଚୁକ୍ତି: ସମ୍ପର୍କ ମଜବୁତ ପାଇଁ ଆହ୍ୱାନ କି? ‘ବ୍ରିକ୍ସ’ ଓ ଭାରତ ଏହା ମଧ୍ୟ ପଢନ୍ତୁ:- ଡିଜିଟାଲ ଆରେଷ୍ଟକୁ ନେଇ ମୋଦିଙ୍କ 3 ଥାକିଆ ମନ୍ତ୍ର; ଆନିମେସନ-ଗେମିଂରେ ଦେଶରେ ନୂଆ କ୍ରାନ୍ତି |
- ଆମେରିକାରେ ଭିନ୍ନ ଧମକ ନିୟମ:-
କୌଣସି ମାମଲାରେ କୌଣସି ବ୍ୟକ୍ତି କାହାକୁ ଧମକ ଦେବା ମମଲାକୁ ଆମେରିକାରେ ସଙ୍ଘୀୟ ଅପରାଧ ବୋଲି କୁହାଯାଉଛି । ଯେଉଁମାନେ ଏହି ଧମକ ପୋଷ୍ଟ କରନ୍ତି କିମ୍ବା ଧମକପୂର୍ଣ୍ଣ ବାର୍ତ୍ତା ପଠାନ୍ତି, ସେମାନଙ୍କୁ ପାଞ୍ଚ ବର୍ଷ ପର୍ଯ୍ୟନ୍ତ ଜେଲରେ ଦଣ୍ଡିତ କରାଯାଇପାରେ ସେ କିମ୍ବା ରାଜ୍ୟ କିମ୍ବା ସ୍ଥାନୀୟ ଅଭିଯୋଗର ସମ୍ମୁଖୀନ ହୋଇପାରନ୍ତି । 2018 ରେ ଆମେରିକାର ସଙ୍ଘୀୟ ତଦନ୍ତକାରୀ ସଂସ୍ଥା ଏକ ବିଜ୍ଞପ୍ତି ଜାରି କରି ସ୍ପଷ୍ଟ କରିଥିଲା । ତେବେ ଏହି ଶ୍ରେଣୀଭୂକ୍ତ ଅପରାଧକୁ ଅନ୍ୟ ଦେଶମାନେ 12 ରୁ 24 ମାସ ଦଣ୍ଡାଦେଶ ମଧ୍ୟରେ ରଖିଛନ୍ତି ।
- ଆମେରିକାରେ ଭିନ୍ନ ଭିନ୍ନ ନିୟମ;-
ଏହି କ୍ଷେତ୍ରରେ ଆମେରିକାର ଲୋକଙ୍କ ପାଇଁ ଭିନ୍ନ ଭିନ୍ନ ନିୟମ ରହିଛି । ଯେଉଁମାନେ ଅନ୍ୟ ଦେଶର ସମ୍ପତ୍ତି ଏବଂ ବ୍ୟକ୍ତିବିଶେଷଙ୍କୁ ବିପଦରେ ପକାଉଛନ୍ତି କିମ୍ବା ଧମକ ଦେଉଛନ୍ତି, ସେମାନଙ୍କ ପାଇଁ ଆମେରିକାରେ ଭିନ୍ନ ନିୟମ ରହିଛି । ସମାନ ସମୟରେ ଆମେରିକାରେ ନିଜ ଦେଶର ଲୋକଙ୍କୁ ଧମକ ଦେବା ମାମଲାରେ ଭିନ୍ନ ଆଇନ ରହିଛି । ବୋଧହୁଏ ଭାରତୀୟ ବିମାନ ସେବାକୁ ଟାର୍ଗେଟ କରିବା ଏବଂ ଭାରତୀୟ ରାଜନୈତିକ ନେତାଙ୍କ ହତ୍ୟା ପାଇଁ ପୁରସ୍କାର ପ୍ରଦାନ କରିବା ଆମେରିକାର ଭାଷାରେ ହେଉଛି ‘ବାକ ସ୍ୱାଧୀନତା' ବା ଅଭିବ୍ୟକ୍ତିର ଅଧିକାର । ମାତ୍ର ଠିକ ସେତେବେଳେ ଆମେରିକାର ମାଟିରେ ମିଥ୍ୟା ଧମକ ଦେବା ଏକ ସଂଘୀୟ ଅପରାଧ ।
ଏହା ମଧ୍ୟ ପଢନ୍ତୁ:-LACର ବିବାଦୀୟ ପୋଷ୍ଟରୁ ସେନା ପ୍ରତ୍ୟାହାର ଆରମ୍ଭ କଲେ ଭାରତ-ଚୀନ ଏହା ମଧ୍ୟ ପଢନ୍ତୁ:- ଇରାନ ଉପରେ ପ୍ରତିଶୋଧ ନେଲା ଇସ୍ରାଏଲ, ତେହେରାନ ଉପରେ ବଡ ଆକ୍ରମଣ |
ହୁଏତ ଏପରି ମନ୍ତବ୍ୟ ଦେଉଥିବା ଆମେରିକା ରାଷ୍ଟ୍ରଦୂତ ଜଣେ 28 ବର୍ଷୀୟ ଭାରତୀୟ-ଆମେରିକୀୟ ଛାତ୍ର ରିଧି ପଟେଲଙ୍କ ବିଷୟରେ କିଛି ଜାଣି ନାହାଁନ୍ତି । ସେ 16ଟି ଗମ୍ଭୀର ମାମଲାରେ ଦୋଷୀ ସାବ୍ୟସ୍ତ ହୋଇଛନ୍ତି । ଅନ୍ୟ ଆଠଟି ମାମଲାରେ ସନ୍ଦିଗ୍ଧ ଭାବେ ତାଙ୍କ ନାମ ଥିବାରୁ ତାଙ୍କୁ ଜେଲ ପଠାଯାଇଛି । ଜାମିନ ନାମଞ୍ଜୁର ହୋଇଛି । ତାଙ୍କ ବିରୋଧରେ ହୋଇଥିବା ଅଭିଯୋଗରେ ଧମକ ଦେଇ ଆତଙ୍କିତ କରିବା ଏବଂ ପାଲେଷ୍ଟାଇନ ସମର୍ଥକଙ୍କ କାର୍ଯ୍ୟକ୍ରମ ସମୟରେ ସହରର ଅଧିକାରୀଙ୍କୁ ଧମକ ଦେବା ପରି ଅଭିଯୋଗ ରହିଛି । ତାଙ୍କର ଉତ୍ସାହପୂର୍ଣ୍ଣ ଭାଷଣରେ କୌଣସି ହିଂସା ନଥିଲା, କେବଳ ଧମକ ଥିଲା । ତଥାପି ତାଙ୍କ ବିରୋଧରେ ଏକାଧିକ ସଙ୍ଗୀନ ମାମଲା ଦାଏର ହୋଇଛି ।
- ଗାର୍ସେଟୀଙ୍କ ଅଯୌକ୍ତିକ ମନ୍ତବ୍ୟ:-
ଏହି ପ୍ରସଙ୍ଗରେ ଆମେରିକା ରାଷ୍ଟ୍ରଦୂତ ଗାର୍ସେଟୀଙ୍କ ଅଯୌକ୍ତିକ ମନ୍ତବ୍ୟ ସାମ୍ନାକୁ ଆସିଛି । ରିଧିଙ୍କ ଦ୍ବାରା ଧମକ ପାଇଥିବା ବ୍ୟକ୍ତିମାନେ ଆମେରିକାର ସହରର ଅଧିକାରୀ ଥିଲେ, ତେଣୁ ଏହି ମାମଲାରେ ଉକ୍ତ ଛାତ୍ର ଏବେ ଜେଲରେ ରହିଛନ୍ତି । ମାତ୍ର ପନ୍ନୁ ଭାରତ ବିରୋଧରେ କରୁଥିବା ଷଡଯନ୍ତ୍ର ଓ ହିଂସାତ୍ମକ ଧମକ ବାକ ସ୍ବାଧୀନତାର ଏକ ଅଂଶ ।
- ଦୁଇଥର ଭାରତୀୟ ଦୂତାବାସ ଉପରେ ଆକ୍ରମଣ କଲେଣି ଖଲିସ୍ତାନୀ:-
ତଥାକଥିତ ଖାଲିସ୍ତାନ କାର୍ଯ୍ୟକର୍ତ୍ତାମାନେ ଗତ ବର୍ଷ ଦୁଇଥର ଭାରତୀୟ କନସୁଲେଟ ଉପରେ ଆକ୍ରମଣ କରିଥିଲେ । ମାର୍ଚ୍ଚରେ ପ୍ରଥମ ଏବଂ ଜୁଲାଇରେ ଦ୍ୱିତୀୟ ଆକ୍ରମଣ କରିଥିଲେ ଖଲିସ୍ତାନୀ । ଆମେରିକା ଏହି ଆକ୍ରମଣର ତଦନ୍ତ କରୁଛି ବୋଲି ଏରିକ ଗାର୍ସେଟୀ ଉଲ୍ଲେଖ କରିଛନ୍ତି । ସେ ‘ଏଫବିଆଇ’ ନିର୍ଦ୍ଦେଶକ ଖ୍ରୀଷ୍ଟୋଫର ଭ୍ୟାରିଙ୍କ ବିବୃତ୍ତିକୁ ମଧ୍ୟ ସମର୍ଥନ କରିଥିଲେ । ଭାରତୀୟ ଜାତୀୟ ଅନୁସନ୍ଧାନ ଏଜେନ୍ସି (ଏନଆଇଏ) ଗସ୍ତ ସମୟରେ କହିଥିଲା ଯେ ‘ଏଫବିଆଇ’ ଘଟଣାର ଅନୁସନ୍ଧାନ ଗମ୍ଭୀରତାର ସହ କରୁଛି ।
ସମ୍ପାଦକୀୟ...
