ଇସଲାମବାଦ୍: ପାକିସ୍ତାନରେ ଆତଙ୍କବାଦୀ ଆକ୍ରମଣ । ଏକ ଯାତ୍ରୀବାହୀ ବସ୍କୁ ଅଟକାଇ ଅତର୍କିତ ଗୁଳି ମାଡ କଲେ ଆତଙ୍କୀ । ଆତଙ୍କୀଙ୍କ ଗୁଳିମାଡରେ 23 ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ବାଲୁଚିସ୍ତାନର ମୁସାଖାଇଲ ଅଞ୍ଚଳର ରାରାଶାମରେ ଆତଙ୍କବାଦୀ ଏହି କାଣ୍ଡ ଭିଆଇଛନ୍ତି। ଯାତ୍ରୀଙ୍କ ଗୁଳିମାଡ ପରେ ବିଭିନ୍ନ ଗାଡିରେ ଆତଙ୍କୀ ନିଆଁ ଲଗାଇ ଦେଇଥିବା ସେଥାନୀ ପୋଲିସ୍ ଅଧୀକ୍ଷକ କହିଛନ୍ତି । ପାକିସ୍ତାନ ଗଣମାଧ୍ୟମରେ ଏହି ଖବର ପ୍ରକାଶିତ ହେଉଛି ।
Terrorists stopped a passenger bus and killed 23 people in the firing incident that occurred in Rarasham of Musakhail area of Balochistan. The Superintendent of Police said that terrorists stopped the vehicles and off-loaded the passengers, killed them on the spot and later…
— ANI (@ANI) August 26, 2024
ବସ୍କୁ ଯାଞ୍ଚ ଆଳରେ ଆକ୍ରମଣ: ମୁସାଖାଇଲର ଜଣେ ବରିଷ୍ଠ ଅଧିକାରୀ ନଜିବୁଲ୍ଲା କାକର କହିଛନ୍ତି, '' ପଞ୍ଜାବକୁ ବାଲୁଚିସ୍ତାନ ସହ ସଂଯୋଗ କରୁଥିବା ଏକ ରାଜପଥରେ ଆତଙ୍କବାଦୀମାନେ ବସ୍, ଟ୍ରକ୍ ଏବଂ ଭ୍ୟାନ୍ ଅଟକାଇ ଯାତ୍ରୀ ମାନଙ୍କ ଉପରକୁ ଗୁଳିମାଡ କରିଥିଲେ । ଏଥିରେ 23 ଜଣଙ୍କର ମୃତ୍ୟୁ ଘଟିଥିବା ବେଳେ 5 ଜଣ ଆହତ ହୋଇଛନ୍ତି। ପଞ୍ଜାବକୁ ଯାଉଥିବା ଗାଡି ଗୁଡିକୁ ଅଟକାଇ ଯାଞ୍ଚ କରିବା ବାହାନାରେ ଆତଙ୍କି ଗୁଳିବର୍ଷା କରିଥିଲେ । ମୃତକଙ୍କ ମଧ୍ୟରୁ ଅଧିକାଂଶ ପଞ୍ଜାବର ଶ୍ରମିକ ଶ୍ରେଣୀର । ଅନ୍ୟ ଜଣେ ବରିଷ୍ଠ ଅଧିକାରୀ କହିଛନ୍ତି, ''ଏହି ଘଟଣାରେ ବିଏଲ୍ଏ (ବାଲୁଚ୍ ଲିବରେସନ୍ ଆର୍ମି) ଆତଙ୍କବାଦୀର ହାତ ରହିଥିବା ଜଣାପଡିଛି। ବାଲୁଚ ଲିବରେସନ୍ ଆର୍ମି ହେଉଛି ଏହି ଅଞ୍ଚଳର ସବୁଠାରୁ ସକ୍ରିୟ ଶସସ୍ତ୍ର ବିଚ୍ଛିନ୍ନତାବାଦୀ ଗୋଷ୍ଠୀ। '' । ପାକିସ୍ତାନ ରାଷ୍ଟ୍ରପତି ଆସିଫ ଅଲ୍ଲି ଜର୍ଦାରୀ ଏବଂ ଆଭ୍ୟନ୍ତରୀଣ ବ୍ୟାପାର ମନ୍ତ୍ରୀ ମୋହସିନ୍ ନାକଭି ବିବୃତ୍ତି ଜାରି କରି ଏହି ଆକ୍ରମଣକୁ ବର୍ବରକାଣ୍ଡ ବୋଲି କହିଛନ୍ତି । ଏହି ଆକ୍ରମଣ ପାଇଁ ଦାୟୀଥିବା ଲୋକଙ୍କ ଦଣ୍ଡ ଦିଆୟିବ।
ଏହା ମଧ୍ୟ ପଢନ୍ତୁ-Terror Attack In Pakistan: ବାଲୋଚିସ୍ତାନରେ ଆତଙ୍କୀ ଆକ୍ରମଣ, ପ୍ରାଣ ହରାଇଲେ ୧୦ ସୈନ୍ୟ
ଗୋଟିଏ ବର୍ଷ ପୂର୍ବରୁ ବାଲୋଚିସ୍ତାନରେ ଆତଙ୍କବାଦୀ ଆକ୍ରମଣ ହୋଇଥିଲା । ପ୍ରାଣ ୧୦ଜଣ ପାକିସ୍ତାନୀ ସୈନ୍ୟଙ୍କର ମୃତ୍ୟୁ ହୋଇଥିଲା। ଦକ୍ଷିଣପଶ୍ଚିମ ବାଲୋଚିସ୍ତାନ କେଚ୍ ଜିଲ୍ଲା ସ୍ଥିତ ଚେକ୍ପୋଷ୍ଟ୍ ଉପରେ ଆକ୍ରମଣ କରିଥିଲେଆତଙ୍କୀ । 2022 ଜାନୁଆରୀ ୨୫ ଓ ୨୬ ତାରିଖ ରାତିରେ ଦକ୍ଷିଣପଶ୍ଚିମ ବାଲୋଚିସ୍ତାନ ଚେକ୍ପୋଷ୍ଟ୍ ଉପରେ ଆତାଙ୍କବାଦୀ ଗୁଳିମାଡ କରିଥିଲେ ।
