ଢାକା: ବାଂଲାଦେଶ ପ୍ରଧାନମନ୍ତ୍ରୀ ଶେଖ ହସିନାଙ୍କୁ ନେଇ ବଡ଼ ଖବର । ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଲେ ଶେଖ ହସିନା । ହସିନା ଇସ୍ତଫା ଦେଇଥିବା ସ୍ପଷ୍ଟ କରିଛନ୍ତି ବାଂଲାଦେଶ ସେନା ମୁଖ୍ୟ । ଏହାପରେ ସେନା ହାତକୁ ଗଲା କ୍ଷମତା ଡୋରି । ହସିନା ଅପରାହ୍ନ 2.30ଟା ସମୟରେ ସେ ବଙ୍ଗଭବନରୁ ହେଲିକପ୍ଟର ଯୋଗେ ଦେଶ ଛାଡିଛନ୍ତି । ଭଉଣୀ ଶେଖ ରିହାନାଙ୍କ ସହ ସେ ଦେଶ ଛାଡିଥିବା ନେଇ ବାଲାଂଦେଶ ଗଣମାଧ୍ୟମରେ ଖବର ପ୍ରକାଶ ପାଇଛି । ବାଲାଂଦେଶରେ ଭୟଙ୍କର ହିଂସା ଜାରି ରହିଥିବାବେଳେ ଅନେକଙ୍କର ଜୀବନ ଗଲାଣି ।
Bangladesh Army Chief says, " pm sheikh hasina has resigned. interim government to run the country." - reports reuters pic.twitter.com/tGR3FgGVvn
— ANI (@ANI) August 5, 2024
ଶେଖ ହସିନାଙ୍କ ଇସ୍ତଫା:
ବିରୋଧ ପ୍ରଦର୍ଶନ ଭିତରେ ଅନେକଙ୍କ ଜୀବନ ଗଲାଣି । ପ୍ରଧାନମନ୍ତ୍ରୀ ଶେଖ ହସିନା ଇସ୍ତଫା ଦେଇଛନ୍ତି । ଏହାପରେ ସେ ସାମରିକ ହେଲିକପ୍ଟର ଯୋଗେ ଦେଶ ଛାଡିଛନ୍ତି । ଶେଖ ହସିନା ପଦ ଛାଡିବା ପରେ ସେନା ହାତକୁ ଗଲା ସରକାର । ପ୍ରଧାନମନ୍ତ୍ରୀ ଦେଶ ଛାଡିବା ପରେ ବିକ୍ଷୋଭକାରୀମାନେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଭିତରେ ପଶି ହଲ୍ଲାବୋଲ କରିଛନ୍ତି ବୋଲି ବାଂଲାଦେଶ ଗଣମାଧ୍ୟମ ରିପୋର୍ଟ କରିଛି ।
ବାଂଲାଦେଶରେ ଅନ୍ତରୀଣ ସରକାର:
ପ୍ରଧାନମନ୍ତ୍ରୀଙ୍କ ଇସ୍ତଫା ପରେ ବର୍ତ୍ତମାନ ଦେଶର ସାମରିକ ଶାସନ ଲାଗୁ ହୋଇଛି । ସେନା ହାତକୁ ଯାଇଛି କ୍ଷମତା । ବାଲାଂଦେଶ ସେନା ମୁଖ୍ୟ ଛାତ୍ରଛାତ୍ରୀମାନଙ୍କୁ ଶାନ୍ତ ହେବାକୁ ଅନୁରୋଧ କରିଛନ୍ତି । "ଦେଶରେ ଶାନ୍ତି ରକ୍ଷା ପାଇଁ ପଦକ୍ଷେପ ନିଆଯାଉଛି । କର୍ଫ୍ୟୁ କିମ୍ବା ଏମରଜେନ୍ସିର ଆବଶ୍ୟକତା ନାହିଁ । ରାତି ସୁଦ୍ଧା ସମାଧାନର ବାଟ ବାହାରିବ" ବୋଲି ସେନା ମୁଖ୍ୟ କହିଛନ୍ତି ।
Bangladesh Army Chief says, " representatives of main political parties were present in discussion with army. request students to stay calm and go back home."- reports reuters
— ANI (@ANI) August 5, 2024
(photo source: reuters) pic.twitter.com/ocVLGgH8gY
ସୀମାରେ ହାଇଆଲର୍ଟ:
ଗୋଟିଏ ପଟେ ଶେଖ ହସିନା ଦେଶ ଛାଡିବା ପରେ ଭାରତ ଆସିଥିବା କହିଯାଉଛି । ଅନ୍ୟପଟେ ବାଂଲାଦେଶରେ ଜାରି ରହିଥିବା ହିଂସା ପରିସ୍ଥିତିକୁ ନଜରରେ ରଖି ଭାରତ-ବାଲାଂଦେଶ ସୀମାରେ ହାଇଆଲର୍ଟ ଜାରି ହୋଇଛି ।
ଭାରତରେ ଶେଖ ହସିନା:
ବାଂଲାଦେଶ ଛାଡିବା ପରେ ଭାରତରେ ପହଞ୍ଚିଲେ ପ୍ରଧାନମନ୍ତ୍ରୀ ଶେଖ ହସିନା । ବାୟୁସେନାର ଏୟାରଫୋର୍ସ ବିମାନରେ ଆସି ହିଣ୍ଡନ ଏୟାରବେସରେ ପଞ୍ଚିଛନ୍ତି ହସିନା । ବାଂଲାଦେଶରେ ବ୍ୟାପକ ହିଂସା ପରେ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇ ଦେଶ ଛାଡିଥିଲେ ଶେଖହସିନା ।
ଭାରତ-ବାଂଲାଦେଶ ରେଳ ଚଳାଚଳ ବାତିଲ:
Indian Railways has suspended train operations to Bangladesh. Train services to Bangladesh have been suspended daily for the past 15 days pic.twitter.com/nGvhTzHGz2
— IANS (@ians_india) August 5, 2024
ହିଂସାକୁ ଦୃଷ୍ଟିରେ ରଖି ଭାରତ-ବାଂଲାଦେଶ ମଧ୍ୟରେ ରେଳ ଚଳାଚଳ ବାତିଲ ହୋଇଛି । ଏନେଇ ଭାରତୀୟ ରେଳବାଇ ପକ୍ଷରୁ ସୂଚନା ଦିଆଯାଇଛି । ଅନ୍ତର୍ଜାତୀୟ ଗଣମାଧ୍ୟମ ପକ୍ଷରୁ ମିଳିଥିବା ସୂଚନା ଅନୁଯାୟୀ, ଆସନ୍ତା 15 ଦିନ ଯାଏଁ ଏହି ନିୟମ ବଳବତ୍ତର ରହିବ।
ହିଂସାରେ ଗଲାଣି ଅନେକ ଜୀବନ:
#WATCH | Visuals from Integrated Check Post (ICP) at Fulbari on the India-Bangladesh border in West Bengal's Jalpaiguri from where Bangladesh nationals can be seen crossing over to their country
— ANI (@ANI) August 5, 2024
Sheikh Hasina has resigned as the Bangladesh PM and left her residence in Dhaka,… pic.twitter.com/cgDvNJiHFN
ହିଂସାରେ ଅଦ୍ୟାବଧି ୨୦୦ରୁ ଅଧିକ ମୃତ୍ୟୁ ହେଲାଣି, ମାତ୍ର ଏହି ସରକାରୀ ବିରୋଧୀ ଆନ୍ଦୋଳନ ଥମିବା ବଦଳରେ ଦିନକୁ ଦିନ ଅଧିକ ଉଗ୍ର ହେଉଛି । ଆନ୍ଦୋଳନକାରୀ ଛାତ୍ର ଗୋଷ୍ଠୀ ଏବଂ ଶାସକ ଆୱାମୀ ଲିଗ୍ ସମର୍ଥକଙ୍କ ମଧ୍ୟରେ ସଂଘର୍ଷ ହେବାରୁ 90ରୁ ଊର୍ଦ୍ଧ୍ବ ମୃତ୍ୟୁ ହୋଇଛି, ଏଥିରେ ଅନେକ ଆହତ ହୋଇଛନ୍ତି । ଆନ୍ଦୋଳନକାରୀମାନେ ଢାକାର ମୁନିସଗଞ୍ଜ ଠାରେ ପ୍ରଧାନମନ୍ତ୍ରୀ ଶେଖ୍ ହସିନାଙ୍କ ଇସ୍ତଫା ଦାବିରେ ଅସହଯୋଗ ଆନ୍ଦୋଳନ ଆରମ୍ଭ କରିଥିବାବେଳେ ଆୱାମୀ ଲିଗ୍, ଛାତ୍ର ଲିଗ୍ ଏବଂ ଯୁବୋ ଲିଗ୍ କାର୍ଯ୍ୟକର୍ତ୍ତାଙ୍କ ସହିତ ସଂଘର୍ଷ ହୋଇଥିଲା ।
ଆନ୍ଦୋଳନର କାରଣ:
#WATCH | A Bangladesh national gives her opinion on the current situation in her country, she says, " she caused a lot of atrocities on the students. let us see what will happen now. the next government should not do the same to the students."
— ANI (@ANI) August 5, 2024
another bangladesh national says,… pic.twitter.com/0gbfbEQ0nO
୧୯୭୧ରେ ବାଂଲାଦେଶ ଓ ପାକିସ୍ତାନ ଯୁଦ୍ଧ ହୋଇଥିଲା । ଏଥିରେ ଲଢେଇ କରିଥିବା ସ୍ବାଧୀନତା ସଂଗ୍ରାମୀଙ୍କ ପରିବାର ସଦସ୍ୟ ପାଇଁ ସରକାରୀ ଚାକିରି କ୍ଷେତ୍ରରେ ୩୦ ପ୍ରତିଶତ ସଂରକ୍ଷଣ ଘୋଷଣା ହୋଇଛି । ଏହି ସଂରକ୍ଷଣ ବ୍ୟବସ୍ଥାକୁ ବନ୍ଦ କରିବା ଏବଂ ଯୋଗ୍ୟତା ଭିତ୍ତିରେ ଚାକିରି ଦେବାକୁ ଦାବିରେ ଦେଶବ୍ୟାପୀ ଆନ୍ଦୋଳନ ଚାଲିଛି । ଏହି ଆନ୍ଦୋଳନ ହିଂସାତ୍ମକ ରୂପ ନେଇଥିବାବେଳେ ଏଥିରେ ଏବେ ସୁଦ୍ଧା ୨୦୦ରୁ ଅଧିକ ଲୋକଙ୍କ ମୃତ୍ୟୁ ହୋଇସାରିଲାଣି । ବିପକ୍ଷବାଦୀମାନେ ପ୍ରଧାନମନ୍ତ୍ରୀଙ୍କ ଇସ୍ତଫା ଦାବି କରିଥିଲେ। ତେବେ ଆଜି ସେ ଇସ୍ତଫା ଦେଇଛନ୍ତି।
#WATCH | Delhi: On the political crisis in Bangladesh, Shiv Sena (UBT) leader Priyanka Chaturvedi says, " it is a very sad development, especially seeing how bangladesh was heading towards development and now it is headed towards anarchy. as immediate neighbours, india should be… pic.twitter.com/ozQI750B7k
— ANI (@ANI) August 5, 2024
ଏହା ମଧ୍ୟ ପଢନ୍ତୁ: ବାଂଲାରେ ଥମୁନି ହିଂସା: ପ୍ରଧାନମନ୍ତ୍ରୀଙ୍କ ଇସ୍ତଫା ଦାବିରେ ହିଂସାତ୍ମକ ଆନ୍ଦୋଳନ, ଗଲାଣି 90ରୁ ଊର୍ଦ୍ଧ୍ବ ଜୀବନ
