Restaurant style egg 65: ଆପଣ ମଟନ୍ 65, ଚିକେନ 65 ଖାଇଥିବେ । ହେଲେ କେବେ ଅଣ୍ଡା ବା ଏଗ୍ 65 ଖାଇଛନ୍ତି କି ? ଯଦି ନା, ତାହେଲେ ଆଜି ହିଁ ଘରେ ପ୍ରସ୍ତୁତ କରନ୍ତୁ ଏହି ସ୍ବାଦିଷ୍ଟ ଡିସ୍ । ସନ୍ଧ୍ୟାବେଳେ କିଛି ଫାଷ୍ଟଫୁଡ ଖାଇବାକୁ ଖାଇବାକୁ ମନ ହେଉଥିଲେ ନିଜ ଘରେ ରେସ୍ତୋରାଁ ଷ୍ଟାଇଲରେ 'ଅଣ୍ଡା 65' ବନାଇ ଖାଇପାରିବେ, ତା' ପୁଣି ମାତ୍ର କେଇ ମିନିଟ୍ରେ । ଏହି ଡିସ୍ ଆମିଷପ୍ରେମୀ, ଛୋଟ ଛୁଆଙ୍କୁ ଭାରି ପସନ୍ଦ ଆସିବ । ଏହା ସ୍ବାଦିଷ୍ଟ ସହ ସ୍ବାସ୍ଥ୍ୟ ପାଇଁ ବି ଭଲ । ଚାଲନ୍ତୁ ଜାଣିବା କେମିତି ପ୍ରସ୍ତୁତ ହୁଏ ଏହି ଅଣ୍ଡା 65 ।
ଆବଶ୍ୟକୀୟ ସାମଗ୍ରୀ:
- ସିଝା ଅଣ୍ଡା
- ବେସନ- ଅଧା କପ୍
- ଲଙ୍କାଗୁଣ୍ଡ, ହଳଦୀ ଗୁଣ୍ଡ, ଧନିଆ ଗୁଣ୍ଡ
- ଅଦା
- ରସୁଣ
- କଞ୍ଚା ଲଙ୍କା
- ଭୃସଙ୍ଗ ପତ୍ର
- ଧନିଆ ପତ୍ର
- ତେଲ
ପ୍ରସ୍ତୁତି ପ୍ରଣାଳୀ
- ଗୋଟିଏ ପାତ୍ର ନିଅନ୍ତୁ । ସିଝା ଅଣ୍ଡାଗୁଡିକରୁ କେଶର ବାହାର କରି ଟିକ୍ ଟିକ୍ କରି କାଟି ରଖନ୍ତୁ ।
- ପ୍ରଥମେ ଅଦା, ରସୁଣ ଓ କଞ୍ଚାଲଙ୍କାକୁ ଛୋଟ ଛୋଟ ଗୁଣ୍ଡ କରି ଅଣ୍ଡାରେ ପକାନ୍ତୁ ।
- ଅଧା କପ୍ ବେସନ ପକାନ୍ତୁ ।
- ଏବେ ଲଙ୍କାଗୁଣ୍ଡ, ଧନିଆ ଗୁଣ୍ଡ, ଗରମ ମସାଲା, ସ୍ବାଦ ଅନୁସାରେ ଲୁଣ ମିଶାନ୍ତୁ ।
- ଶେଷରେ ଗୋଟିଏ କଞ୍ଚା ଅଣ୍ଡା ଫଟାଇ ଏହି ମିଶ୍ରଣରେ ଗୋଳାନ୍ତୁ ।
- ଏହାକୁ ଗୋଳାଇବା ଲାଗି ଆଦୌ ପାଣି ବ୍ୟବହାର କରିବେ ନାହିଁ ।
- ସେହି ଅଣ୍ଡା ମିଶ୍ରଣକୁ ଭଲ ଭାବେ ଗୋଳାଇ ଛୋଟ ଛୋଟ ଗୁଳା କରି ତେଲରେ ଛାଣନ୍ତୁ ।
- ମଧ୍ୟମ ଆଞ୍ଚରେ 5ରୁ 7 ମିନିଟ୍ ଛାଣିବା ପରେ ବାହର କରି ଦିଅନ୍ତୁ ।
- ଆଉ ଏକ କଡେଇରେ ଅଳ୍ପ ତେଲ ଗରମ କରନ୍ତୁ । ଏଥିରେ ଗୋଟିଏ ଚାମଚ କଟା ରସୁଣ, କଞ୍ଚାଲଙ୍କା ଓ ଭୃସଙ୍ଗ ପତ୍ର ପକାଇ ଗୋଳାନ୍ତୁ ।
- ଏହାପରେ ଅଣ୍ଡା ପକାନ୍ତୁ । ଏହା ଉପରେ ଅଳ୍ପ ଲୁଣ ଓ ଲଙ୍କାଗୁଣ୍ଡ ମିଶାନ୍ତୁ ।
- କଞ୍ଚା ଲଙ୍କା ଦୁଇ ଫାଳ କାଟି ପକାନ୍ତୁ ।
- ଏବେ ଟମାଟୋ ସସ୍ ପକାଇ ଭଲ ଭାବରେ ଗୋଳାଇ ଦିଅନ୍ତୁ । ଆପଣ ଚାହିଁଲେ ଚିଲି ସସ୍ ମିଶାଇ ପାରିବେ ।
- ପ୍ରସ୍ତୁତ ହୋଇଗଲା ଅଣ୍ଡା 65 । ପ୍ଲେଟରେ ବାହାର କରି ଗରମ ଗରମ ପରିଷ ଦିଅନ୍ତୁ ।
ଏହା ମଧ୍ୟ ପଢନ୍ତୁ: କୁମାର ପୂର୍ଣ୍ଣିମା ସ୍ପେଶାଲ; ଘରେ ବନାନ୍ତୁ ପରିବା ପୁର ଦିଆ ସୁଆଦିଆ ମଣ୍ଡା ପିଠା ଏହା ମଧ୍ୟ ପଢନ୍ତୁ: ବେକର କଳାପଣ ନେଇ ଚିନ୍ତିତ କି ? ଏମିତି ଚୁଟ୍କିରେ କରନ୍ତୁ ଦୂର |
