ହାଇଦ୍ରାବାଦ: ସରୁଛି 2024 । ଆସୁଛି ନବବର୍ଷ 2025 । ଯାହାକୁ ସମସ୍ତେ ଅନେକ ଆଶା ଏବଂ ଉତ୍ସାହର ସହ ଅପେକ୍ଷା କରରହିଛନ୍ତି । ଏପରି ସମୟରେ 2024 ବର୍ଷ ଅନେକଙ୍କ ଜୀବନରେ ଭଲ ଅନୁଭୂତି ଆଣିଦେଇଥିବା ବେଳେ ଅନେକଙ୍କ ପାଇଁ ଖରାପ ରହିଛି । ସାଧାରଣ ଲୋକଙ୍କ ଠାରୁ ସେଲିବ୍ରିଟିଙ୍କ ଜୀବନରେ ଏହା ଘଟିଛି । ଏହି କ୍ରମରେ ଭାରତୀୟ ମନୋରଞ୍ଜନ ଶିଳ୍ପରେ ଅନେକ ଦମ୍ପତି ଅଛନ୍ତି ଯେଉଁମାନେ ଚଳିତ ବର୍ଷ ନିଜ ବୃତ୍ତିଗତ ନୁହେଁ ବ୍ୟକ୍ତିଗତ ଜୀବନୀକୁ ନେଇ ଶିରୋନାମାରେ ରହିଛନ୍ତି । ଏହି ଦମ୍ପତିମାନେ ସେମାନଙ୍କର ବୈବାହିକ ସମ୍ପର୍କକୁ ଶେଷ କରି ଲୋକଙ୍କୁ ଆଶ୍ଚର୍ଯ୍ୟ କରିଥିଲେ । ତେବେ ଆସନ୍ତୁ ଜାଣିବା ସେହି ସେଲିବ୍ରିଟି ଦମ୍ପତିମାନଙ୍କ ବିଷୟରେ, ଯେଉଁମାନେ ଚଳିତ ବର୍ଷ ନିଜ ସାଥୀଙ୍କଠାରୁ ଅଲଗା ହେବାକୁ ନିଷ୍ପତ୍ତି ନେଇଥିଲେ...
- ଅନୁଭବ ମହାନ୍ତି-ବର୍ଷା ପ୍ରିୟଦର୍ଶିନୀ
ଚଳିତ ବର୍ଷ ଆରମ୍ଭରେ ଓଲିଉଡ଼ ସେଲିବ୍ରିଟି ଯୋଡ଼ି ଅନୁଭବ ମହାନ୍ତି ଏବଂ ବର୍ଷା ପ୍ରିୟଦର୍ଶିନୀ ଅଲଗା ହେବା ଖବର ଦେଇ ଓଡ଼ିଆ ଫ୍ୟାନ୍ସଙ୍କୁ ଚକିତ କରିଥିଲେ । ଦୀର୍ଘ ବର୍ଷ ଧରି ଚାଲିଥିବା ଆଇନଗତ ଲଢେଇ ପରେ ଶେଷରେ ବର୍ଷା ଓ ଅନୁଭବଙ୍କ ଛାଡପତ୍ର ହୋଇଥିଲା । ଏନେଇ ସୂଚନା ଦେଇଛନ୍ତି ଖୋଦ୍ ଅନୁଭବ ମହାନ୍ତି । ଫେବୃଆରୀ 8ରେ ଅଭିନେତା ପୋଷ୍ଟ କରି ହାଇକୋର୍ଟ ଉଭୟଙ୍କ ଛାଡ଼ପତ୍ରକୁ ଅନୁମତି ଦେଇଥିବା ସୂଚନା ଦେଇଥିଲେ । ତେବେ ଉଭୟ ୧୦ ବର୍ଷ ପରେ ଅଲଗା ହୋଇଥିଲେ । ଫେବୃଆରୀ ୮, ୨୦୧୪ରେ ଅନୁଭବ ଏବଂ ବର୍ଷା ବିବାହ କରିଥିଲେ । ୨୦୨୦ମସିହାରୁ ପାରିବାରିକ ମାମଲା ନେଇ ଉଭୟ କୋର୍ଟଙ୍କ ଦ୍ୱାରସ୍ଥ ହୋଇଥିଲେ । ତେବେ 2024ରେ ଅନୁଭବ ଉଭୟଙ୍କ ଛାଡ଼ପତ୍ର ଘୋଷଣା କରି ଲେଖିଥିଲେ, ''ଆଜି ମୋର ଛାଡପତ୍ରର ଆଦେଶ ପାଇଛି । ମୂଲ୍ୟହୀନ, ଅର୍ଥହୀନ, ହୃଦୟହୀନ ତଥା ଯନ୍ତ୍ରଣାଦାୟକ ଏବଂ ସର୍ବୋପରି ମୋର ମିଥ୍ୟା ବିବାହ ଶେଷ ହୋଇଛି ।''
Thanks all who prayed for me & my family’s peace🙏🏻
— Anubhav Mohanty (@AnubhavMohanty_) February 7, 2024
Got my decree of divorce today, which is just a day before the completion of 10 worthless/meaningless/heartless/painful & above all, false marital years of my false marriage! I pray for her happiness.
No Offence.#HappyRoseDay pic.twitter.com/EAEH5IY8qm
- ଏ ଆର ରେହମାନ-ସାଇରା ବାନୋ
ଚଳିତ ବର୍ଷ ଦେଶର ପ୍ରସିଦ୍ଧ ଗାୟକ ତଥା ସଂଗୀତକାର ଏ ଆର ରେହମାନ ତାଙ୍କ ପତ୍ନୀ ସାଇରା ବାନୋ ଅଲଗା ହେବାର ଖବର ସହ ଶିରୋନାମାରେ ରହିଥିଲେ । ଏ ଆର ରେହମାନ ଏବଂ ତାଙ୍କ ପୂର୍ବତନ ପତ୍ନୀ ସାଇରା ବାନୋ ନଭେମ୍ବର 19, 2024ରେ ସେମାନଙ୍କର ପ୍ରାୟ ତିନି ଦଶନ୍ଧି ସମ୍ପର୍କରେ ବ୍ରେକ ଲଗାଇଥିଲେ ଅର୍ଥାତ୍ ଏହି ଦମ୍ପତି ପରସ୍ପର ଠାରୁ ଅଲଗା ହେବା ନିଷ୍ପତି ନେଇଥିଲେ । ଏହି ଦମ୍ପତି ସେମାନଙ୍କ ଅଲଗା ହେବାର କାରଣ ଭାବପ୍ରବଣତାକୁ ଦର୍ଶାଇଥିଲେ । ସେମାନଙ୍କର ନିଷ୍ପତ୍ତି ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଥିଲା କାରଣ ସେମାନେ ଭାରତୀୟ ମନୋରଞ୍ଜନ ଶିଳ୍ପରେ ଜଣେ ସମ୍ମାନିତ ସେଲିବ୍ରିଟି ଦମ୍ପତି ଭାବରେ ପରିଗଣିତ ଥିଲେ । ଯଦିଓ ଦୁହେଁ ଏପର୍ଯ୍ୟନ୍ତ ଛାଡପତ୍ର ନେଇନାହାଁନ୍ତି । ସେ କହିଛନ୍ତି ଯେ ସେ ସର୍ବଦା ଜଣେ ଭଲ ବନ୍ଧୁ ହେବେ । କହିରଖୁଛୁ କି, ଏ ଆର ରେହମାନ ଏବଂ ସାଇରା ବାନୋ 1995 ରେ ବିବାହ କରିଥିଲେ । ଏହି ଦମ୍ପତିଙ୍କର ଦୁଇଟି ଝିଅ ଏବଂ ଜଣେ ପୁଅ ଅଛନ୍ତି, ଯାହାଙ୍କ ନାମ ଖତିଜା, ରହିମା ଏବଂ ଆମେନ ରେହମାନ ।
“We had hoped to reach the grand thirty, but all things, it seems, carry an unseen end. Even the throne of God might tremble at the weight of broken hearts. Yet, in this shattering, we seek meaning, though the pieces may not find their place again. To our friends, thank you for…
— A.R.Rahman (@arrahman) November 19, 2024
- ହାର୍ଦ୍ଦିକ ପାଣ୍ଡ୍ୟା ଏବଂ ନତାଶା ଷ୍ଟାନକୋଭିକ
ଭାରତୀୟ କ୍ରିକେଟ ଦଳର ଅଲରାଉଣ୍ଡର କ୍ରିକେଟର ହାର୍ଦ୍ଦିକ ପାଣ୍ଡ୍ୟା ଏବଂ ଅଭିନେତ୍ରୀ ତଥା ମଡେଲ ନତାଶା ଷ୍ଟାନକୋଭିକ ଚଳିତ ବର୍ଷ ଜୁଲାଇରେ ଛାଡପତ୍ର ଘୋଷଣା କରିଥିଲେ । ଏହି ଦମ୍ପତିଙ୍କର ଜଣେ ପୁଅ ଅଛନ୍ତି, ଯାହାଙ୍କ ନାମ ଅଗସ୍ତ୍ୟ ପାଣ୍ଡ୍ୟା । ଭାରତୀୟ କ୍ରିକେଟର ହାର୍ଦ୍ଦିକ ପାଣ୍ଡ୍ୟା ମେ 31, 2020 ରେ ନତାସା ଷ୍ଟାନକୋଭିକଙ୍କୁ ବିବାହ କରିଥିଲେ, କିନ୍ତୁ ଏହି ଦମ୍ପତିଙ୍କ ସମ୍ପର୍କରେ ଆସିଥିଲା ଫାଟ । ପରେ ଉଭୟ ଅଲଗା ହେବାକୁ ନିଷ୍ପତ୍ତି ନେଇଥିଲେ । ଜୁଲାଇ 18, 2024 ରେ ହାର୍ଦ୍ଦିକ-ନତାଶା ଇନଷ୍ଟାଗ୍ରାମରେ ଦୁହିଁଙ୍କ ଅଲଗା ହେବା ଖବରକୁ ସର୍ବସାଧାରଣରେ ନିଶ୍ଚିତ କରିଥିଲେ । ଏହି ହାଇ-ପ୍ରୋଫାଇଲ୍ ସେଲିବ୍ରିଟିଙ୍କ ବ୍ରେକଅପ୍ ଖବର ଫ୍ୟାନ୍ସଙ୍କୁ ଚକିତ କରିଥିଲା ।
- ଇଶା ଦେଓଲ-ଭରତ ତଖତାନି
ବଲିଉଡ ଭେଟେରାନ ଅଭିନେତା ଧର୍ମେନ୍ଦ୍ର ଏବଂ ହେମା ମାଲିନିଙ୍କ ଝିଅ ଇଶା ଦେଓଲ ୧୧ ବର୍ଷ ସମ୍ପର୍କରେ ପୂର୍ଣ୍ଣଚ୍ଛେଦ ପକାଇଥିଲେ । ଏହି ଖବର ସମସ୍ତଙ୍କୁ ଚକିତ କରିଥିଲା । ଇଶା ଦେଓଲ ଏବଂ ଭରତ ତଖତାନୀ ୨୦୧୨ରେ ବିବାହ କରିଥିବା ବେଳେ ୨୦୧୭ରେ ଉଭୟ ପ୍ରଥମ ଥର ପାଇଁ ପିତାମାତା ହୋଇଥିଲେ । ଇଶା ନିଜ ଝିଅ ରାଧ୍ୟାଙ୍କୁ ଜନ୍ମ ଦେଇଥିଲେ । ପରେ ଏହି ଦମ୍ପତି ୨୦୧୯ରେ ଦ୍ୱିତୀୟ ଥର ପାଇଁ ମୀରାୟାଙ୍କ ପିତାମାତା ହୋଇଥିଲେ । ରାଧ୍ୟାଙ୍କୁ ୬ ବର୍ଷ ହୋଇଥିବା ବେଳେ ମୀରାୟାଙ୍କୁ ୪ ବର୍ଷ ହୋଇଛି । ଏପରି ସ୍ଥିତିରେ ଇଶା ଏବଂ ଭରତ ବର୍ତ୍ତମାନ ବିବାହର ୧୧ ବର୍ଷ ପରେ ପରସ୍ପରଠାରୁ ଅଲଗା ହୋଇଛନ୍ତି ।
Dalljiet Kaur And Nikhil Patel Unfollow Eachother on Instagram, Remove Wedding Photos Amid Divorce Rumours. Check 👇https://t.co/ku3jBt4z61... pic.twitter.com/TGK9PWjL64
— Womansera (@WomansEra2) February 21, 2024
- ଦଲଜିତ କୌର ଏବଂ ନିଖିଲ ପଟେଲ
ଟିଭି ଅଭିନେତ୍ରୀ ଦଲଜିତ କୌର ତାଙ୍କ ବ୍ୟବସାୟୀ ସ୍ୱାମୀ ନିଖିଲ ପଟେଲଙ୍କ ସହ ମେ 2024 ରେ ବୈବାହିକ ଜୀବନ ଶେଷ କରିଥିଲେ । ଉଭୟ ଅଲଗା ହେବାର କାରଣ ପାରସ୍ପରିକ ପାର୍ଥକ୍ୟକୁ ଦର୍ଶାଇଥିଲେ । ଦଲଜିତ କୌର ବିବାହର ମାତ୍ର 10 ମାସ ପରେ ତାଙ୍କ ସ୍ୱାମୀ ନିଖିଲ ପଟେଲଙ୍କୁ ଛାଡପତ୍ର ଦେବାକୁ ନିଷ୍ପତ୍ତି ନେଇଥିଲେ । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ମାର୍ଚ୍ଚ 10, 2023 ରେ ଏହି ଦମ୍ପତି ବିବାହ କରିଥିଲେ । ଦଲଜିତ ନିଖିଲଙ୍କ ପ୍ରତି ଅସଦାଚରଣ ଏବଂ ବିଶ୍ୱାସଘାତକତା ମାମଲା ଦାୟର କରିଥିଲେ । ଦଲଜିତ କହିଥିଲେ ଯେ ସେ ତାଙ୍କ ସ୍ୱାମୀଙ୍କୁ ଅନ୍ୟ ଝିଅ ସହିତ ଦେଖିଛନ୍ତି । ସେ ନିଖିଲଙ୍କ ଅନୈତିକ ବୈବାହିକ ସମ୍ପର୍କ ଥିବା ଅଭିଯୋଗ କରିଥିଲେ ।
🙏🙏🙏🙏🙏 pic.twitter.com/hAPu2aPp4n
— Dhanush (@dhanushkraja) January 17, 2022
- ଧନୁଷ ଏବଂ ଐଶ୍ୱର୍ଯ୍ୟା ରଜନୀକାନ୍ତ
ସେହିପରି ସାଉଥର ପାୱରଫୁଲ କପଲ ଧନୁଷ ଏବଂ ଅଭିନେତା ରଜନୀକାନ୍ତଙ୍କ ଝିଅ ତଥା ଚଳଚ୍ଚିତ୍ର ନିର୍ମାତା ଐଶ୍ୱର୍ଯ୍ୟା ରଜନୀକାନ୍ତ 2024 ରେ ଛାଡପତ୍ର ହୋଇଥିଲେ । 2 ବର୍ଷ ଅପେକ୍ଷା ପରେ ଉଭୟଙ୍କ ଛାଡପତ୍ର ନେଇ କୋର୍ଟ ମଞ୍ଜୁର କରିଥିଲେ । ଯାହା ପରେ ସେମାନଙ୍କର 18 ବର୍ଷର ବୈବାହିକ ଜୀବନ ସମାପ୍ତ ହୋଇଥିଲା । ଦୁହେଁ ନଭେମ୍ବର 2022ରେ ଅଲଗା ହେବା ଘୋଷଣା କରିଥିଲେ । ଏହା ପରେ ସେ ପାରିବାରିକ କୋର୍ଟରେ ପହଞ୍ଚି ପାରସ୍ପରିକ ସହମତି ଅନୁଯାୟୀ ଛାଡପତ୍ର ପାଇଁ ଆବେଦନ କରିଥିଲେ । ତେବେ 2 ବର୍ଷ ପରେ କୋର୍ଟ ଉଭୟଙ୍କ ଛାଡପତ୍ର ନେଇ ମଞ୍ଜୁର କରିଛନ୍ତି । ସେମାନଙ୍କ ଅଲଗା ହେବାର ଖବର ସେମାନଙ୍କ ପ୍ରଶଂସକ ଏବଂ ଗଣମାଧ୍ୟମର ବହୁ ଧ୍ୟାନ ଆକର୍ଷଣ କରିଥିଲା । ତାଙ୍କର ଦୁଇଟି ପୁଅ ଅଛନ୍ତି ଯାହାର ନାମ ଯତ୍ର ଏବଂ ଲିଙ୍ଗା । ନିଜ ପିଲାମାନଙ୍କୁ ପ୍ରେମ ଏବଂ ସମ୍ମାନ ସହିତ ବଂଚାଇବାକୁ ନିଷ୍ପତ୍ତି ନେଇଛନ୍ତି ।
Grateful for your love and understanding.
— Jayam Ravi (@actor_jayamravi) September 9, 2024
Jayam Ravi pic.twitter.com/FNRGf6OOo8
- ଜୟମ ରବି-ଆରତୀ
ସାଉଥର ଅନ୍ୟ ଦମ୍ପତି 'ପୋନିୟନ ସେଲଭନ' ଫେମ ତାମିଲ ଅଭିନେତା ଜୟମ ରବି ତାଙ୍କ ପତ୍ନୀ ଆରତୀ ଆଜି ଛାଡପତ୍ର ଘୋଷଣା କରି ଫ୍ୟାନ୍ସଙ୍କୁ ଚକିତ କରିଥିଲେ । ବିବାହର 15 ବର୍ଷ ପରେ ପରସ୍ପରଠାରୁ ଅଲଗା ହେବାକୁ ନିଷ୍ପତି ନେଇଥିଲେ । ଜୟମ ରବି 2009 ରେ ଟେଲିଭିଜନ ନିର୍ମାତା ସୁଜତା ବିଜୟକୁମାରଙ୍କ ଝିଅ ଆରତୀଙ୍କୁ ବିବାହ କରିଥିଲେ । ଦୁଇ ବର୍ଷ ଡେଟିଂ ପରେ ଉଭୟ ବିବାହ କରିଥିଲେ । ହେଲେ 2024ରେ ଉଭୟ ଅଲଗା ହୋଇଥିଲେ । ଏହି ନିଷ୍ପତ୍ତି ଶୀଘ୍ର ନିଆଯାଇ ନାହିଁ କିନ୍ତୁ କିଛି ବ୍ୟକ୍ତିଗତ କାରଣରୁ ଏହି ନିଷ୍ପତି ନିଆଯାଇଥିବା ଉଭୟ କହିଥିଲେ । ତେବେ ଏହି ଦମ୍ପତିଙ୍କର ଦୁଇ ପୁଅ ଆରବ ଏବଂ ଆୟାନ ଅଛନ୍ତି ।
ଏହା ମଧ୍ୟ ପଢନ୍ତୁ: କାହିଁକି ହୁଏ ସେଲିବ୍ରିଟିଙ୍କ ଛାଡ଼ପତ୍ର ?
- ଜିଭି ପ୍ରକାଶ କୁମାର- ସାନ୍ଧଭି
ସଙ୍ଗୀତକାର ଏ ଆର ରେହମାନଙ୍କ ପୂର୍ବରୁ ତାଙ୍କ ଭଣଜା ତଥା ସଙ୍ଗୀତ ନିର୍ଦ୍ଦେଶକ ତଥା ଅଭିନେତା ଜି.ଭି ପ୍ରକାଶ କୁମାର ମଧ୍ୟ 2024ରେ ନିଜ ବିବାହ ବିଚ୍ଛେଦ ସୂଚନା ଦେଇଥିଲେ । ମେ 14, 2024ରେ ଜିଭି ପ୍ରକାଶ ତାଙ୍କ ପତ୍ନୀ ତଥା କଣ୍ଠଶିଳ୍ପୀ ସାନ୍ଧଭିଙ୍କ ଠାରୁ ଛାଡ଼ପତ୍ର ଘୋଷଣା କରିଥିଲେ । ଏହି ପୂର୍ବତନ ଦମ୍ପତି ୨୦୧୩ ରେ ବିବାହ କରିଥିଲେ । ବିବାହର ୭ ବର୍ଷ ପରେ ଏହି ଦମ୍ପତି ୨୦୨୦ରେ ଝିଅ ଅନଭିଙ୍କ ପିତାମାତା ହୋଇଥିଲେ । ସାନ୍ଧଭି ଜଣେ କର୍ଣ୍ଣାଟକ ଲୋକପ୍ରିୟ ଗାୟିକା ଏବଂ ସଂଗୀତଜ୍ଞ ହୋଇଥିବାବେଳେ ପ୍ରକାଶ ତାମିଲ ଏବଂ ତେଲୁଗୁ ଇଣ୍ଡଷ୍ଟ୍ରିର ଜଣେ ଲୋକପ୍ରିୟ ଗାୟକ ଏବଂ ଅଭିନେତା ମଧ୍ୟ । ଏହି ଯୋଡି ଅନେକ ପ୍ରୋଜେକ୍ଟରେ ଏକାଠି କାମ କରି ହିଟ୍ ଗୀତ ଦେଇ ଲୋକପ୍ରିୟତା ହାସଲ କରିଛନ୍ତି । ତେବେ 11 ବର୍ଷର ବୈବାହିକ ଜୀବନରେ ବ୍ରେକ ଲଗାଇ ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲେ ।
ଏହା ମଧ୍ୟ ପଢନ୍ତୁ: କାହିଁକି ଆସୁଛି ସମ୍ପର୍କରେ ଫାଟ, ଭୁଶୁଡ଼ି ପଡୁଛି ସାତଜନ୍ମର ସମ୍ପର୍କ
ବ୍ୟୁରୋ ରିପୋର୍ଟ, ଇଟିଭି ଭାରତ
