ହାଇଦ୍ରାବାଦ: ଅକ୍ଷୟ କୁମାର ତାଙ୍କର ଚମତ୍କାର ଅଭିନୟ ପାଇଁ ଜଣାଶୁଣା । ଆକ୍ସନ୍ ଠାରୁ କମେଡି ପର୍ଯ୍ୟନ୍ତ ପ୍ରଶଂସକମାନେ ଅଭିନେତାଙ୍କର ପ୍ରତ୍ୟେକ ଶୈଳୀକୁ ବେଶ ପସନ୍ଦ କରନ୍ତି । ବର୍ତ୍ତମାନ ଖିଲାଡି କୁମାର ଅଭିନୟ ପରେ ସଙ୍ଗୀତରେ ଡେବ୍ୟୁ କରିଛନ୍ତି । ସେ ଆଜି ତାଙ୍କର ମ୍ୟୁଜିକ୍ ଭିଡିଓ 'ଶମ୍ଭୁ' ରିଲିଜ୍ କରିଛନ୍ତି, ଯେଉଁଥିରେ ସେ ମହାଦେବଙ୍କ ଅବତାରରେ ନଜର ଆସିଛନ୍ତି । ନିକଟରେ ଅକ୍ଷୟ କୁମାର ଗୀତର ଟିଜର ରିଲିଜ କରି ଘୋଷଣା କରିଥିଲେ । ପ୍ରତିଶୃତି ଅନୁଯାୟୀ, ଆଜି ଗୀତକୁ ରିଲିଜ କରିଛନ୍ତି ।
'ଶମ୍ଭୁ' ଶୀର୍ଷକ ଏହି ଗୀତରେ ଅକ୍ଷୟ କୁମାର ନିଜେ କଣ୍ଠଦାନ ଦେଇଛନ୍ତି । ଏହା ସହିତ ସେ ଭିଡିଓରେ ମଧ୍ୟ ଅଭିନୟ ବି କରିଛନ୍ତି । 'ଶମ୍ଭୁ'ର ଭିଡିଓରେ ଅକ୍ଷୟ ଓଏମଜି ୨ ଫିଲ୍ମର ଲୁକରେ ନଜର ଆସିଛନ୍ତି । ଏହି ଚଳଚ୍ଚିତ୍ରରେ ସେ ଶିବଙ୍କ ଦୂତ ଭୂମିକାରେ ଅଭିନୟ କରିଥିଲେ । ତେବେ 'ଶମ୍ଭୁ'ରେ ମହାଦେବ ଅବତାରରେ ନଜର ଆସିଛନ୍ତି । ଏହି ଗୀତର ଭିଡିଓ ଅକ୍ଷୟ କୁମାର ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି । ସେ ଲେଖିଛନ୍ତି, ଆମର ଦିବ୍ୟ ଶ୍ରଦ୍ଧାଞ୍ଜଳି, ଶମ୍ଭୁ, ସମସ୍ତଙ୍କ ପାଇଁ ରିଲିଜ ହୋଇଛି ଗୀତ । କହିରଖୁଛୁ କି, 'ଶମ୍ଭୁ' ଅକ୍ଷୟ କୁମାରଙ୍କ ସହ ସୁଧୀର ଯଦୁବଂଶୀ ଏବଂ ବିକ୍ରମ ମନତ୍ରୋଶ ଗାଇଛନ୍ତି । ଏହି ଗୀତର ଲିରିକ୍ସ ଅଭିନାଭ ଶେଖର ଲେଖିଥିବାବେଳେ କୋରିଓଗ୍ରାଫିର ଦାୟିତ୍ୱ ତୁଲାଇଛନ୍ତି ଗଣେଶ ଆଚାର୍ଯ୍ୟ । ଏହି ଗୀତ ସେୟାର ହେବା ମାତ୍ରେ ଫ୍ୟାନ୍ସ ଏହାକୁ ବେଶ ପସନ୍ଦ କରିଛନ୍ତି ।
ଏହା ମଧ୍ୟ ପଢନ୍ତୁ: ଡିପଫେକ ଜାଲରେ ଛନ୍ଦି ହେଲେ ଖିଲାଡି କୁମାର
ଅକ୍ଷୟ କୁମାରଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ଅକ୍ଷୟ କୁମାରଙ୍କୁ ଅଲି ଅବ୍ବାସ ଜାଫରଙ୍କ 'ବଡେ ମିୟାଁ ଛୋଟେ ମିୟାଁ'ରେ ଦେଖିବାକୁ ମିଳିବ । ଏଥିସହ ଅକ୍ଷୟ ପରବର୍ତ୍ତୀ ସମୟରେ ରୋହିତ ଶେଟ୍ଟୀଙ୍କ 'ସିଂଘମ ଏଗେନ'ରେ ନଜର ଆସିବେ । ଏହି ଫିଲ୍ମରେ ମଲ୍ଟି ଷ୍ଟାର ନଜର ଆସିବେ । ଏଥିରେ ଅଜୟ ଦେବଗନ, ରଣବୀର ସିଂ, ଦୀପିକା ପାଦୁକୋନ, କରୀନା କପୁର, ଟାଇଗର ଶ୍ରଫଙ୍କୁ ଦେଖିବାକୁ ମିଳିବ । ଏହା ବ୍ୟତୀତ ହାଉସଫୁଲ 5 ଫିଲ୍ମ ବର୍ତ୍ତମାନ 6 ଜୁନ୍ 2025ରେ ମୁକ୍ତିଲାଭ କରିବ । ସାଜିଦ ନାଦିଆଡୱାଲାଙ୍କ ଦ୍ୱାରା ହାଉସଫୁଲ୍ ୫ ନିର୍ମିତ ହେଉଥିବା ବେଳେ ତରୁଣ ମନସୁଖାନି ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଉଛନ୍ତି ।
