ହାଇଦ୍ରାବାଦ: ଜଣାଶୁଣା ବି-ଟାଉନ୍ ଅଭିନେତ୍ରୀ ଉର୍ବଶୀ ରୌତେଲା ଆଜି ୩୦ ବର୍ଷରେ ପଦାର୍ପଣ କରିଛନ୍ତି । ଉର୍ବଶୀ ସବୁବେଳେ ନିଜ ଫ୍ୟାଶନ ପାଇଁ ଲାଇମଲାଇଟରେ ରହୁଥିବା ବେଳେ ବର୍ତ୍ତମାନ ଜନ୍ମଦିନ କେକ ପାଇଁ ଗଣମାଧ୍ୟମର ଶିରୋନାମାରେ ରହିଛନ୍ତି । ଉବର୍ଶୀ ୨୪ କ୍ୟାରେଟ୍ ସୁନାରେ ନିର୍ମିତ କେକ୍ କାଟି ତାଙ୍କ ଜନ୍ମଦିନ ଧୁମଧାମରେ ପାଳନ କରିଛନ୍ତି । ସୋସିଆଲ ମିଡିଆରେ ଅଭିନେତ୍ରୀ ନିଜ ଜନ୍ମଦିନର ଝଲକ ଦେଖାଇଛନ୍ତି । ଯାହା ଏବେ ବେଶ ଭାଇରାଲ ହେବାରେ ଲାଗିଛି ।
ଉର୍ବଶୀ ନିଜ ଜନ୍ମଦିନ 'ଲଭ୍ ଡୋଜ୍ 2'ର ସେଟରେ ହନ୍ନି ସିଂଙ୍କ ସହ ତାଙ୍କ ଜନ୍ମଦିନ ପାଳନ କରିଛନ୍ତି । ସେ ତାଙ୍କ ଜନ୍ମଦିନ ଉତ୍ସବର ଫଟୋ ଏବଂ ଭିଡିଓ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଫଟୋରେ ଅଭିନେତ୍ରୀ ହନ୍ନି ସିଂଙ୍କ ସହ ତାଙ୍କ ଜନ୍ମଦିନ ପାଳନ କରୁଥିବା ଦେଖିବାକୁ ମିଳିଛି । ସେ ୨୪ କ୍ୟାରେଟ ପ୍ରକୃତ ସୁନାର କେକ୍ କାଟିଥିବାର ନଜର ଆସିଛନ୍ତି । ତାଙ୍କ ଜନ୍ମଦିନରେ ଉର୍ବଶୀ ଏକ ଲାଲ ଆଉଟଫିଟରେ ନଜର ଆସିଛନ୍ତି ।
ଫଟୋ ସେୟାର କରି ଉର୍ବଶୀ କ୍ୟାପସନରେ ଲେଖିଛନ୍ତି, "ଲଭ୍ ଡୋଜର ସେଟରେ ଜନ୍ମଦିନ ସମାରୋହ । ହନ୍ନି ସିଂଙ୍କୁ ଅନେକ ଅନେକ ଧନ୍ୟବାଦ । ଏହା ମୋ କ୍ୟାରିୟରରେ ଏକ ଚମତ୍କାର ଅଧ୍ୟାୟ ସୃଷ୍ଟି କରିଛି । ତୁମ ପାଇଁ ମୋ ପାଖରେ କିଛି ଶଦ୍ଦ ନାହିଁ । ଧନ୍ୟବାଦ ।" ତେବେ ଏହି ଫଟୋ ଭାଇରାଲ ହେବା ପରେ ଫ୍ୟାନ୍ସ ସମେତ ସେଲିବ୍ରିଟି ତାଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି ।
ଏହା ମଧ୍ୟ ପଢନ୍ତୁ: ପ୍ୟାରିସରେ ବିଶ୍ୱକପ୍ ଟ୍ରଫି ଉନ୍ମୋଚନ କଲେ ଉର୍ବଶୀ, ପ୍ରଥମ ସେଲିବ୍ରିଟି ଭାବେ ଉପଲବ୍ଧି
ଉର୍ବଶୀଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ଉର୍ବଶୀ ଏବଂ ହନ୍ନି ସିଂ ଖୁବଶୀଘ୍ର 'ଲଭ୍ ଡୋଜ୍ 2' ସହ ଫେରୁଛନ୍ତି । ଉଭୟଙ୍କ ଅଭିନୀତ ୨୦୧୪ରେ ମୁକ୍ତିଲାଭ କରିଥିବା ହନ୍ନି ସିଂଙ୍କ ଅନ୍ତର୍ଜାତୀୟ ଭିଡିଓ ଆଲବମ୍ ‘ଲଭ୍ ଡୋଜ୍’ ବେଶ ଲୋକପ୍ରିୟତା ସାଉଁଟିଥିଲା । ବର୍ତ୍ତମାନ ଏହି ଯୋଡି 'ଲଭ୍ ଡୋଜ୍ 2' ପୁଣି ଲୋକଙ୍କ ମନ ଜିତିବାକୁ ପ୍ରସ୍ତୁତ । ଏଥିସହ ଉର୍ବଶୀଙ୍କର ପାଇପଲାଇନରେ ଅନେକ ପ୍ରକଳ୍ପ ରହିଛି, ଯେଉଁଥିରେ ଅକ୍ଷୟ କୁମାରଙ୍କ ସହ 'ୱେଲକମ 3', 'NBK109' ରହିଛି । ଏହି ଫିଲ୍ମରେ ବବି ଦେଓଲ, ଦୁଲେକର ସଲମାନ, ନନ୍ଦାମୁରି ବାଲକ୍ରିଷ୍ଣାଙ୍କ ସହ ନଜର ଆସିବେ । ଏଥିସହ ସନ୍ନି ଦେଓଲ ଏବଂ ସଂଜୟ ଦତ୍ତଙ୍କ ଫିଲ୍ମ 'ବାପ' ରେ ବି ସେ ନଜର ଆସିବେ ।
