ହାଇଦ୍ରାବାଦ: ଭାରତୀୟ କ୍ରିକେଟର କେ.ଏଲ ରାହୁଲ ଆଜି ତାଙ୍କ ୩୨ତମ ଜନ୍ମଦିନ ପାଳନ କରୁଛନ୍ତି । ଏହି ବିଶେଷ ଅବସରରେ ଜ୍ୱାଇଁ ରାହୁଲଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି ଶ୍ୱଶୁର ତଥା ବଲିଉଡ ଅଭିନେତା ସୁନୀଲ ଶେଟ୍ଟୀ । ସୋସିଆଲ ମିଡିଆରେ ଖୁବ ସୁନ୍ଦର ଫଟୋ ସେୟାର କରି ଖାସ୍ ନୋଟ୍ ସହ ରାହୁଲଙ୍କୁ ଶୁଭକାମନା ଜଣାଇଛନ୍ତି ସୁନୀଲ ।
ଗୁରୁବାର ସକାଳେ ସୁନୀଲ ଶେଟ୍ଟୀ ତାଙ୍କ ଅଫିସିଆଲ ଇନଷ୍ଟାଗ୍ରାମରେ ଏକ ଫଟୋ ପୋଷ୍ଟ କରିଛନ୍ତି । ଯେଉଁଥିରେ ସୁନୀଲ ଶେଟ୍ଟୀ, ପୁଅ ଅହାନ ଏବଂ ଜ୍ୱାଇଁ ରାହୁଲଙ୍କୁ ଏକାଠି ଏକ ସୋଫାରେ ଆରାମ କରୁଥିବା ଦେଖିବାକୁ ମିଳିଛି । ଏହି ଫଟୋ ସେୟାର କରି ସେ କ୍ୟାପସନରେ ଲେଖିଛନ୍ତି, ''ଅନେକ କହନ୍ତି ଯେ, ଆମ ଜୀବନରେ କ'ଣ ଅଛି, ତାହା ମୁଖ୍ୟ ନୁହେଁ କିଏ ଆମ ସହ ଅଛି ତାହା ମୁଖ୍ୟ ଅଟେ । ତୁମକୁ ନିଜ ସହ ପାଇ ମୁଁ ଧନ୍ୟ ମନେ କରୁଛି । କାରଣ ଏହା ଏକ ଏମିତି ବନ୍ଧନ ଯାହା ମୁଁ ବୁଝେଇ ପାରିବିନି । ହାପି ବର୍ଥ ଡେ ରାହୁଲ । ମୁଁ ତୁମକୁ ଭଲ ପାଏ ।''
ସେହିପରି ଅହାନ ଶେଟ୍ଟୀ ମଧ୍ୟ ନିଜ ଇନଷ୍ଟାଗ୍ରାମ ଷ୍ଟୋରୀରେ କେ.ଏଲ୍ ରାହୁଲଙ୍କ ସହ ଷ୍ଟାଇଲିସ୍ ଲୁକର ଫଟୋ ସେୟାର କରିଛନ୍ତି ଏବଂ କ୍ୟାପସନରେ ବ୍ଲାକ ହାର୍ଟ ଇମୋଜି ସହ 'ଶୁଭ ଜନ୍ମଦିନ ଭାଇ' ଲେଖିଛନ୍ତି । ଫଟୋରେ ଉଭୟ ଲାଇଟ ରଙ୍ଗର ଟି-ସାର୍ଟ ଏବଂ ବ୍ଲୁ ଡେନିମ ଜିନ୍ସରେ ଦେଖିବାକୁ ମିଳିଛି । ସୂଚନାଥାଉ କି, ୨୦୨୩ ବର୍ଷ ଜାନୁୟାରୀ ୨୩ ତାରିଖରେ ଆଥିଆ ଶେଟ୍ଟୀ ଏବଂ କେ.ଏଲ୍ ରାହୁଲ ବିବାହ ବନ୍ଧନରେ ବାନ୍ଧି ହୋଇଥିଲେ । ପାରମ୍ପରିକ ରୀତିନୀତିରେ ଖଣ୍ଡଲା ସ୍ଥିତ ଫାର୍ମ ହାଉସରେ ପରିବାର, ସମ୍ପର୍କୀୟ ଏବଂ ସାଙ୍ଗସାଥୀଙ୍କ ଉପସ୍ଥିତିରେ ବିବାହ ସମ୍ପନ୍ନ ହୋଇଥିଲା ।
ଏହା ମଧ୍ୟ ପଢନ୍ତୁ: ସୁନୀଲ ଶେଟ୍ଟୀ ସେୟାର କଲେ ଏମିତି ଫଟୋ, କମେଣ୍ଟ ଦେଲେ ଝିଅ ଆଥିଆ
ସୁନୀଲ ଶେଟ୍ଟୀଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ ସୁନୀଲ ଶେଟ୍ଟୀଙ୍କ ପାଖରେ ଅନେକ ରୋମାଞ୍ଚକର ପ୍ରୋଜେକ୍ଟ ଅଛି । ନିର୍ଦ୍ଦେଶକ ସ୍ବରୂପ ରାଜ ମୈଦାରାର ଆଗାମୀ ପାରିବାରିକ ନାଟକ 'ଉଜ ଜା ନନେ ଦିଲ'ରେ ସେ ଗୌରବ କାମ୍ବଲେ ଏବଂ ସୁରେନ୍ଦ୍ର ପାଲଙ୍କ ସହ ସ୍କ୍ରିନ୍ ସେୟାର କରୁଥିବା ନଜର ଆସିବେ । ଏହାବ୍ୟତୀତ ତାଙ୍କୁ ଆଗାମୀ ଆକ୍ସନ୍ ଫିଲ୍ମ କୋଡ୍ ଏଆଇରେ ମଧ୍ୟ ଦେଖିବାକୁ ମିଳିବ। 'ହେରା ଫେରି' ,'ଆୱାରା ପାଗଲ ଦୀୱାନା ୨', 'ୱେଲକମ ଟୁ ଜଙ୍ଗଲ', 'ସୁଟଆଉଟ୍ ଏଟ ବାୟକୁଲା' ଭଳି ଫିଲ୍ମରେ ସେ ନଜର ଆସିବେ ।
