ହାଇଦ୍ରାବାଦ: ବକ୍ସ ଅଫିସରେ ଭଲ ପ୍ରଦର୍ଶନ କରୁଛି ବଲିଉଡ ଅଭିନେତ୍ରୀ ଶ୍ରଦ୍ଧା କପୁର ଏବଂ ଅଭିନେତା ରାଜ କୁମାର ରାଓଙ୍କ ଅଭିନୀତ ହରର କମେଡି ଚଳଚ୍ଚିତ୍ର 'ସ୍ତ୍ରୀ ୨' । ଏହି ଫିଲ୍ମ ରିଲିଜର ୩ ଦିନ ମଧ୍ୟରେ ବମ୍ପର କଲେକ୍ସନ ସହ ନୂଆ ରେକର୍ଡ କରିଛି । ଯାହା ଆଜି ପର୍ଯ୍ୟନ୍ତ କୌଣସି ହରର କମେଡି ଫିଲ୍ମ କରିପାରିନାହିଁ । ଶ୍ରଦ୍ଧା କପୁର ବକ୍ସ ଅଫିସରେ ଶାହାରୁଖ ଖାନ, ସଲମାନ ଖାନ ଏବଂ ଆମୀର ଖାନଙ୍କ ଭଳି ୩ ଖାନଙ୍କ ଫିଲ୍ମକୁ ପଛରେ ପକାଇଛନ୍ତି । ଏଥି ସହ 'ସ୍ତ୍ରୀ 2' ମଧ୍ୟ ୫୦ କୋଟି ଓପନିଂ କରି ଫିଲ୍ମ 'ପଠାନ'କୁ ପଛରେ ପକାଇଛି । ତେବେ ବର୍ତ୍ତମାନ ଏହି ଚଳଚିତ୍ର କେତେ କଲେକ୍ସନ କରିଛି ? ଜାଣନ୍ତୁ
- 'ସ୍ତ୍ରୀ ୨' କଲେକ୍ସନ:-
ସାକନିକଙ୍କ ରିପୋର୍ଟ ଅନୁସାରେ, ପ୍ରଥମ ଦିନରେ 'ସ୍ତ୍ରୀ ୨' ୬୦.୩ କୋଟି ଟଙ୍କା ଆୟ କରି ଇତିହାସ ରଚିଥିଲା । ଦ୍ୱିତୀୟ ଦିନରେ ଫିଲ୍ମ ୩୧.୪ କୋଟି ଏବଂ ତୃତୀୟ ଦିନ ଅର୍ଥାତ୍ ପ୍ରଥମ ଶନିବାର ଦିନ ୪୪ କୋଟି ଟଙ୍କା ସଂଗ୍ରହ କରିଛି । ଫଳରେ ଫିଲ୍ମର ମୋଟ ଘରୋଇ ବକ୍ସ ଅଫିସ କଲେକ୍ସନ ୧୩୫.୭ କୋଟିରେ ପହଞ୍ଚିଛି । ସେପଟେ ଫିଲ୍ମ 'ସ୍ତ୍ରୀ', 'ବାଲା' ପରେ ନିର୍ଦ୍ଦେଶକ ଅମର କୌଶିକଙ୍କ 'ସ୍ତ୍ରୀ ୨' ହେଉଛି ତୃତୀୟ ଚଳଚ୍ଚିତ୍ର, ଯାହା ୧୦୦କୋଟି ଟଙ୍କାର ପାର୍ କରିଛି।
- ପ୍ରିଭ୍ୟୁ:- ୮.୫ କୋଟି
- ପ୍ରଥମ ଦିନ- ୫୧.୮ କୋଟି
- ଦ୍ୱିତୀୟ ଦିନ- ୩୧.୪ କୋଟି
- ତୃତୀୟ ଦିନ- ୪୪ କୋଟି
- ମୋଟ କଲେକ୍ସନ- ୧୩୫.୭କୋଟି
'ସ୍ତ୍ରୀ ୨' ୨୦୨୪ର ସର୍ବାଧିକ ଆୟ କରିଥିବା ଚଳଚ୍ଚିତ୍ରରେ ସାମିଲ
'ସ୍ତ୍ରୀ ୨' ବର୍ତ୍ତମାନ ଏହାର ତିନିଦିନିଆ ସଂଗ୍ରହ ସହିତ ଏକ ନୂତନ ରେକର୍ଡ ସୃଷ୍ଟି କରିଛି । ଶ୍ରଦ୍ଧା କପୁର ଏବଂ ରାଜକୁମାର ରାଓଙ୍କ ଏହି ହରର କମେଡି ଚଳଚ୍ଚିତ୍ର ଚଳିତ ବର୍ଷର ସର୍ବାଧିକ ଆୟ କରିଥିବା ବଲିଉଡ ଚଳଚ୍ଚିତ୍ରରେ ପରିଣତ ହୋଇଛି । ସୂଚନା ଅନୁସାରେ, ୨୦୨୪ ମସିହାରେ 'ଫାଇଟର୍' ଏବଂ 'ସୈତାନ' ସମେତ ଅନେକ ଚଳଚ୍ଚିତ୍ର ରିଲିଜ କରିଥିଲା, କିନ୍ତୁ ଘରୋଇ ବକ୍ସ ଅଫିସରେ 'ସ୍ତ୍ରୀ 2' ୧୦୦ କୋଟି ପାର୍ କରି ନୂଆ ରେକର୍ଡ ସୃଷ୍ଟି କରିଛି।
- 'ପଠାନ' ସମେତ ଏହି ଫିଲ୍ମର ରେକର୍ଡ ଭାଙ୍ଗିଲା 'ସ୍ତ୍ରୀ ୨'
ବଲିଉଡର ସବୁଠାରୁ ବଡ ଓପନିଂ ଫିଲ୍ମ ଶାହାରୁଖ ଖାନଙ୍କ 'ଜବାନ' ଅଟେ । ଯାହା ପ୍ରଥମ ଦିନରେ 65.50 କୋଟି ଟଙ୍କା ଆୟ କରିଥିଲା । ଏପରି ସମୟରେ ବର୍ତ୍ତମାନ 'ସ୍ତ୍ରୀ ୨' ପ୍ରଥମ ଦିନରେ ୬୦.୩ କୋଟି ଟଙ୍କା ସହ ଓପନିଂ କରି 'ପଠାନ' ସମେତ ଅନେକ ଫିଲ୍ମର ଓପନିଂ ରେକର୍ଡ ଭାଙ୍ଗିଛି । 'ପଠାନ' (୫୫ କୋଟି ଟଙ୍କା), 'ଆନିମଲ' (୫୪.୭୫ କୋଟି ଟଙ୍କା), 'କେଜିଏଫ 2' (୫୩.୯୫ କୋଟି) ଆୟ କରିଥିବା ବେଳେ ଶ୍ରଦ୍ଧା କପୁରଙ୍କ ଫଇଲ୍ମ ଏମାନଙ୍କ ରେକର୍ଡ ଭାଙ୍ଗିଛି ।
ଏହି ବଲିଉଡ ଫିଲ୍ମର ଓପନିଂ ରେକର୍ଡ ଭାଙ୍ଗିଲା 'ସ୍ତ୍ରୀ ୨'
- ପଠାନ (୫୫ କୋଟି ଟଙ୍କା)
- ଆନିମଲ (୫୪.୭୫ କୋଟି ଟଙ୍କା)
- କେଜିଏଫ 2 (୫୩.୯୫ କୋଟି ଟଙ୍କା)
- ଟାଇଗର ୩ (୪୩ କୋଟି ଟଙ୍କା)
- ବାହୁବଲୀ ୨ (୪୧ କୋଟି ଟଙ୍କା)
- ଗଦର 2 (୪୦.୧୦ କୋଟି ଟଙ୍କା)
- ଆଦିପୁରୁଷ(୩୭.୨୫କୋଟି ଟଙ୍କା)
- ସୁଲତାନ (୩୭.୫୪ କୋଟି ଟଙ୍କା)
- ସଞ୍ଜୁ (୩୪.୭୫ କୋଟି ଟଙ୍କା)
- ବ୍ରହ୍ମାସ୍ତ୍ର- (୩୨ କୋଟି ଟଙ୍କା)
- ଡଙ୍କି- (୨୯.୨ କୋଟି ଟଙ୍କା)
- ଦଙ୍ଗଲ- (୨୯.୧୯ କୋଟି)
- 'ସ୍ତ୍ରୀ ୨' ଷ୍ଟାରକାଷ୍ଟ
ଦୀନେଶ ଭାଇଜାନ ଏବଂ ଜ୍ୟୋତି ଦେଶପାଣ୍ଡେ ଏକାଠି ଏହି ଚଳଚ୍ଚିତ୍ର ନିର୍ମାଣ କରୁଥିବା ବେଳେ ଫିଲ୍ମର ନିର୍ଦ୍ଦେଶନା ଦେଇଛନ୍ତି ଅମର କୌଶିକ । ଫିଲ୍ମର କାହାଣୀ ନିରେନ ଭଟ୍ଟ ଲେଖିଛନ୍ତି । ଏଥର ମଧ୍ୟ 'ସ୍ତ୍ରୀ ୨'ରେ ଶ୍ରଦ୍ଧା କପୁର ଏବଂ ରାଜକୁମାର ରାଓ ନଜର ଆସିଛନ୍ତି । ଏମାନଙ୍କ ବ୍ୟତୀତ ପଙ୍କଜ ତ୍ରିପାଠୀ, ଅପରକ୍ଷୀ ଖୁରାନା ଏବଂ ଅଭିଷେକ ବାନାର୍ଜୀ ମଧ୍ୟ ନଜର ଆସିଛନ୍ତି । 'ସ୍ତ୍ରୀ ୨' ସ୍ୱାଧୀନତା ଦିବସ ଅର୍ଥାତ୍ ଅଗଷ୍ଟ ୧୫ରେ ମୁକ୍ତିଲାଭ କରିଥିଲା ।
ଏହା ମଧ୍ୟ ପଢନ୍ତୁ: ବକ୍ସ ଅଫିସରେ କଡା ଟକ୍କର; ଜନ-ଅକ୍ଷୟଙ୍କୁ ପଛରେ ପକାଇଲେ ଶ୍ରଦ୍ଧା, ଫାଷ୍ଟ ଶୋ’ରେ ଏତିକି ଆୟ କଲା 'ସ୍ତ୍ରୀ ୨-ବେଦା-ଖେଲ ଖେଲ ମେଁ'
ବ୍ୟୁରୋ ରିପୋର୍ଟ, ଇଟିଭି ଭାରତ
