ହାଇଦ୍ରାବାଦ: ଓଟିଟିରେ ଧମାକା କରିବାକୁ ପ୍ରସ୍ତୁତ ରହିଛନ୍ତି ବଲିଉଡର ଲୋକପ୍ରିୟ ତାରକା ସାରା ଅଲି ଖାନ, କରିସ୍ମା କପୁର ଏବଂ ପଙ୍କଜ ତ୍ରିପାଠୀ । ଆଜି ଫିଲ୍ମର ନିର୍ମାତା ଏହାର ଟିଜର ରିଲିଜ କରିଛନ୍ତି । ଏହି ଫିଲ୍ମରେ ବଲିଉଡର ମଲ୍ଟି ଷ୍ଟାରଙ୍କୁ ଦେଖିବାକୁ ମିଳିଥିବା ବେଳେ ଓଟିଟିରେ ଏହି ଫିଲ୍ମ ରିଲିଜ ହେବ । ମାର୍ଚ୍ଚ ୧୫ରେ ନେଟଫ୍ଲିକ୍ସରେ ଷ୍ଟ୍ରିମିଂ ହେବ ଫିଲ୍ମ ।
ନିର୍ମାତା ଅଫିସିଆଲ ଇନଷ୍ଟାଗ୍ରାମରେ ଏହାର ଟିଜର ରିଲିଜ କରିଛନ୍ତି । ଏହା ସେୟାର କରି ସେ ଲେଖିଛନ୍ତି, "ଅନେକ ରଙ୍ଗୀନ ଚରିତ୍ର ଏବଂ ଏମାନେ ସମସ୍ତେ ଆପଣଙ୍କୁ ଶୁଭେଚ୍ଛା ଜଣାଇବାକୁ ଆସିଛନ୍ତି । ମର୍ଡର ମୁବାରକ । ୧୫ ମାର୍ଚ୍ଚରେ ଆସୁଛି, କେବଳ ନେଟଫ୍ଲିକ୍ସରେ ।" ଏହା ସେୟାର ହେବା ମାତ୍ରେ ଫ୍ୟାନ୍ସ ଏହାକୁ ଦେଖିବାକୁ ବେଶ ଉତ୍ସାହିତ ରହିଛନ୍ତି । କହିରଖୁଛୁ କି, ମର୍ଡର ମୁବାରକ ଫିଲ୍ମ ଅନୁଜା ଚୌହାନଙ୍କ ପୁସ୍ତକ 'କ୍ଲବ ୟୁ ଟୁ ଡେଥ' ଏକ ସ୍କ୍ରିନ୍ ଆଡାପ୍ଟେସନ୍ ।
- " class="align-text-top noRightClick twitterSection" data="">
ମର୍ଡର ମୁବାରକର ନିର୍ଦ୍ଦେଶନା ଦେଇଛନ୍ତି ନିର୍ଦ୍ଦେଶକ ହୋମି ଅଦଜାନିଆ । ଏହା ଏକ କମେଡି ମର୍ଡର ମିଷ୍ଟ୍ରି ଫିଲ୍ମ ହୋଇଥିବା ବେଳେ ସାରା ଅଲ୍ଲୀ ଖାନ, କରିସ୍ମା କପୁର, ବିଜୟ ଭର୍ମା, ଡିମ୍ପଲ୍ କାପାଡିଆ, ସଞ୍ଜୟ କପୁର, ଟିସ୍କା ଚୋପ୍ରା ଏବଂ ପଙ୍କଜ ତ୍ରିପାଠୀ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ରିଲିଜ ହୋଇଥିବା ୧.୨୭ ସେକେଣ୍ଡର ଏହି ଟିଜରରେ ସମସ୍ତ ତାରକାଙ୍କ ପ୍ରଥମ ଝଲକ ମଧ୍ୟ ଦେଖିବାକୁ ମିଳିଛି । ପ୍ରଥମ ଥର ପାଇଁ କରିସ୍ମା, ସାର ଏବଂ ପଙ୍କଜଙ୍କୁ ଏକାଠି ଦେଖିବାକୁ ମିଳିବ ।
ଏହା ମଧ୍ୟ ପଢନ୍ତୁ: ଓଟିଟିରେ 'ଆନିମଲ' ରିଲିଜ କନଫର୍ମ, ଏହି ଦିନ ହେବ ଷ୍ଟ୍ରିମିଂ
ଏହି ଚଳଚ୍ଚିତ୍ର ବିଷୟରେ ନିର୍ଦ୍ଦେଶକ ହୋମି କହିଛନ୍ତି ଯେ ମର୍ଡର ମୁବାରକ ବିଭିନ୍ନ ପୀଢିର କଳାକାରଙ୍କୁ ଏକାଠି କରିଛି, ଯାହାକୁ ଦର୍ଶକମାନେ ବିଭିନ୍ନ ଚଳଚ୍ଚିତ୍ରରେ ଦେଖିଛନ୍ତି । ଏହି ଫିଲ୍ମରେ ସମସ୍ତ ଚରିତ୍ରର ପାଗଳାମି କାହାଣୀ ଏକ ଭିନ୍ନ ମୋଡ଼ ଦେଖିବାକୁ ମିଳିବ । ଏହା ଏକ କମେଡି ମର୍ଡର ରହସ୍ୟ ଫିଲ୍ମ, ଲୋକେ ଏହାକୁ ବେଶ ପସନ୍ଦ କରିବେ । ନିର୍ମାତା ଦୀନେଶ ଭିଜନ ଏବଂ ହୋମି ଅଦଜାନିଆଙ୍କ ଏହା ହେଉଛି ଷଷ୍ଠ ଚଳଚ୍ଚିତ୍ର । ଚଳିତ ବର୍ଷ ମାର୍ଚ୍ଚ ୧୫ରେ ନେଟଫ୍ଲିକ୍ସରେ ଷ୍ଟ୍ରିମିଂ ହେବ ଫିଲ୍ମ ।
ଏହା ମଧ୍ୟ ପଢନ୍ତୁ: 'ମେଁ ଅଟଲ୍ ହୁଁ'ର ଟ୍ରେଲର ରିଲିଜ, ଅଟଳ ବିହାରୀ ବାଜପେୟୀଙ୍କ ଭୂମିକାରେ ପଙ୍କଜ ତ୍ରିପାଠୀ
