ହାଇଦ୍ରାବାଦ: ବଲିଉଡ ଅଭିନେତ୍ରୀ ଶ୍ରଦ୍ଧା କପୁର ବର୍ତ୍ତମାନ ମୁକ୍ତିଲାଭ କରିଥିବା ହରର କମେଡି ଫିଲ୍ମ 'ସ୍ତ୍ରୀ ୨' ର ସଫଳତାକୁ ଉପଭୋଗ କରୁଛନ୍ତି। ଏହି ଫିଲ୍ମ 15 ଅଗଷ୍ଟରେ ମୁକ୍ତିଲାଭ କରିଥିଲା । ଆଜି 21 ଅଗଷ୍ଟରେ ଫିଲ୍ମ ଏହାର ପ୍ରଥମ ସପ୍ତାହ ଶେଷ କରିବାକୁ ଯାଉଛି । ଏହି ଫିଲ୍ମ ଘରୋଇ ବକ୍ସ ଅଫିସରେ 6 ଦିନରେ 250 କୋଟି ଟଙ୍କା ଅତିକ୍ରମ କରିଛି । 'ସ୍ତ୍ରୀ 2' ର ସଫଳତା ସହ ଶ୍ରଦ୍ଧା କପୁରଙ୍କ ଲୋକପ୍ରିୟତା ଆହୁରି ବଢିବାରେ ଲାଗିଛି ଏବଂ ସୋସିଆଲ ମିଡିଆରେ ଅଭିନେତ୍ରୀଙ୍କ ଫୋଲର୍ସଙ୍କ ସଂଖ୍ୟା ଏତେ ବୃଦ୍ଧି ପାଇଲା ଯେ ଏହି ଅଭିନେତ୍ରୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମଧ୍ୟ ପଛରେ ପକାଇଛନ୍ତି ।
ଫୋଲର୍ସ ରେସରେ ମୋଦିଙ୍କୁ ଟପିଲେ ଶ୍ରଦ୍ଧା
ସ୍ତ୍ରୀ 2 ର ସଫଳତା ମଧ୍ୟରେ ଶ୍ରଦ୍ଧା କପୁର ନିଜ ଇନଷ୍ଟାଗ୍ରାମରେ 91.4 ମିଲିୟନ ଫୋଲର୍ସ ପାଇଛନ୍ତି । ଯେଉଁଠାରେ ପିଏମ ମୋଦୀଙ୍କର 91.3 ମିଲିୟନ ଫୋଲର୍ସ ରହିଥିବା ବେଳେ ମୋଦିଙ୍କୁ ଟପିଲେ ଶ୍ରଦ୍ଧା । ସୂଚନାଥାଉ କି, ପ୍ରଧାନମନ୍ତ୍ରୀ ମୋଦିଙ୍କ ପରେ ଅଭିନେତ୍ରୀମାନଙ୍କ ମଧ୍ୟରେ ପ୍ରିୟଙ୍କା ଚୋପ୍ରାଙ୍କର ଇନଷ୍ଟାଗ୍ରାମରେ ସର୍ବାଧିକ ଫୋଲର୍ସ ରହିଛନ୍ତି । ମୋଦିଙ୍କ ପରେ ଖୁବଶୀଘ୍ର ଶ୍ରଦ୍ଧା ପ୍ରିୟଙ୍କାଙ୍କୁ ପଛରେ ପକାଇବା ସହ ସର୍ବାଧିକ ଫୋଲର୍ସ ଥିବା ଅଭିନେତ୍ରୀ ଭାବେ ବିବେଚନା ହେବେ ।
ଇନଷ୍ଟାଗ୍ରାମରେ କାହାର ସର୍ବାଧିକ ଫୋଲର୍ସ ଅଛନ୍ତି ?
- ପ୍ରିୟଙ୍କା ଚୋପ୍ରା- 91.8 ମିଲିୟନ
- ଶ୍ରଦ୍ଧା କପୁର- 91.4 ମିଲିୟନ
- ନରେନ୍ଦ୍ର ମୋଦୀ- 91.3 ମିଲିୟନ
- ଆଲିଆ ଭଟ୍ଟ- 85.1 ମିଲିୟନ
- କ୍ୟାଟ୍ରିନା କୈଫ- 80.4 ମିଲିୟନ
- ଦୀପିକା ପାଦୁକୋନ- 79.8 ମିଲିୟନ
- ଷ୍ଟାର କ୍ରିକେଟର ବିରାଟ କୋହଲି- 271 ମିଲିୟନ (ଭାରତରେ ସର୍ବାଧିକ)
- ଷ୍ଟାର ଫୁଟବଲ ଖେଳାଳି କ୍ରିଷ୍ଟିଆନୋ ରୋନାଲ୍ଡୋ 636 ମିଲିୟନ (ବିଶ୍ୱରେ ସର୍ବାଧିକ)
ଏହା ମଧ୍ୟ ପଢନ୍ତୁ: ବଢୁଛି କ୍ରେଜ, ବଢୁଛି ଆୟ; 5 ଦିନ ମଧ୍ୟରେ 250କୋଟି କ୍ଲବରେ ଏଣ୍ଟ୍ରି କଲା 'ସ୍ତ୍ରୀ 2'
ସ୍ତ୍ରୀ 2 କଲେକ୍ସନ
ସ୍ତ୍ରୀ 2 ର 6 ଦିନିଆ ବକ୍ସ ଅଫିସ୍ କଲେକ୍ସନ୍ ବିଷୟରେ କହିବାକୁ ଗଲେ, ଫିଲ୍ମ ଭାରତରେ ଖୁବଶୀଘ୍ର 300କୋଟି କ୍ଲବରେ ପହଞ୍ଚିବ। ପ୍ରଥମ ଦିନରେ 51.8 କୋଟି ଆୟ କରିଥିବା ବେଳେ 6ଷ୍ଠ ଦିନରେ ଫିଲ୍ମରେ 25.8 କୋଟି ଆୟ କରିଛି । ବର୍ତ୍ତମାନ 6 ଦିନରେ ଫିଲ୍ମ ମୋଟ 255.35 କୋଟି ଆୟ କରିଛି । ଏହିପରି ଫିଲ୍ମ ଏକାସାଙ୍ଗେ ଗୋଟିଏ ଦିନରେ ରିଲିଜ କରିଥିବା ଅକ୍ଷୟ କୁମାରଙ୍କ ଫିଲ୍ମ 'ଖେଲ ଖେଲ ମେ' ଏବଂ ଜନ ଆବ୍ରାହମଙ୍କ ଫିଲ୍ମ 'ବେଦା' କୁ ପଛରେ ପକାଇଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
