ହାଇଦ୍ରାବାଦ: ଗ୍ୟାଙ୍ଗଷ୍ଟାର ଲରେନ୍ସ ବିଷ୍ଣୋଇ ଆଜିକାଲି ଚର୍ଚ୍ଚାରେ ରହିଛି । ସଲମାନ ଖାନ ହୁଅନ୍ତୁ ଅବା ଏପି ଧିଲନଙ୍କ ଘର ବାହାରେ ଗୁଳିମାଡ଼ ଘଟଣା, ଏଥିରେ ଲରେନ୍ସ ବିଷ୍ଣୋଇଙ୍କ ଗ୍ୟାଙ୍ଗର ହାତ ଥିବା ଜଣାପଡିଥିଲା । ଏହା ପରେ ବର୍ତ୍ତମାନ ସଲମାନ ଖାନଙ୍କ ପିତା ସଲିମ ଖାନଙ୍କୁ ଧମକ ମିଳିଛି । ସଲିମ ଖାନଙ୍କୁ ବୁଧବାର ଲରେନ୍ସ ଗ୍ୟାଙ୍ଗଙ୍କ ନାଁରେ ଏହି ଧମକ ମିଳିଛି । ସୂଚନା ଅନୁସାରେ, ସଲିମ ଖାନ ମର୍ଣ୍ଣିୱାକରେ ଯିବା ସମୟରେ ଜଣେ ମହିଳାଙ୍କ ଠାରୁ ଧମକ ପାଇଛନ୍ତି । ମହିଳା ଜଣକ ତାଙ୍କୁ ଲରେନ୍ସ ବିଷ୍ଣୋଇକୁ ପଠେଇବି କି କହିଛନ୍ତି । ଯାହା ପରେ ତୁରନ୍ତ ସଲିମ ଖାନ ପୋଲିସ ନିକଟରେ ଘଟଣା ନେଇ ଅଭିଯୋଗ କରିବା ସହ ମାମଲା ରୁଜୁ କରିଛନ୍ତି ।
ଳରେନ୍ସ ବିଷ୍ଣୋଇ ନାଁରେ ସଲିମ ଖାନଙ୍କୁ ଧମକ
ଏହି ପ୍ରସଙ୍ଗରେ ସଲିମ ଖାନ ବାନ୍ଦ୍ରା ପୋଲିସ ଷ୍ଟେସନରେ ଅଭିଯୋଗ କରିଥିଲେ । ମୁମ୍ବାଇ ପୋଲିସ ଧାରା 353 (2) ଏବଂ 292 ଅନୁଯାୟୀ ପୋଲିସ ଏକ ମାମଲା ରୁଜୁ କରିଛି । ଏହା ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଥିଲା । ପୋଲିସ ସିସିଟିଭି ଫୁଟେଜ ଯାଞ୍ଚ କରି ଅଭିଯୁକ୍ତଙ୍କ ଧରିବାରେ ସଫଳ ହୋଇଛି । ପରେ ପୋଲିସ ଘଟଣାରେ ଦୁଇ ଜଣଙ୍କୁ ଅଟକ ରଖିଛି । ଅଟକ ଥିବା ବ୍ୟକ୍ତି କହିଛନ୍ତି ଯେ, ସେମାନେ ସଲିମଙ୍କ ସହ ଥଟ୍ଟା କରୁଥିଲେ । ଏଥିସହିତ ଉଭୟଙ୍କ କୌଣସି ଅପରାଧିକ ପୃଷ୍ଠଭୂମି ନାହିଁ ବୋଲି ଅନୁସନ୍ଧାନରୁ ଜଣାପଡିଛି । ଯଦିଓ ସେମାନେ ଉପହାସ କରୁଥିଲେ ହେଲେ ପୂର୍ବ ଆକ୍ରମଣକୁ ଦୃଷ୍ଟିରେ ରଖି ଏହି ଘଟଣା ସହ ଲରେନ୍ସ ବିଷ୍ଣୌଇଙ୍କ ନାଁ ଜଡିତ ହେବା ଖାନ ପରିବାରର ନିରାପତ୍ତାକୁ ନେଇ ଚିନ୍ତା ବଢାଇଛି ।
ଏହା ମଧ୍ୟ ପଢନ୍ତୁ: ସଲମାନଙ୍କ ଘର ବାହାରେ ଫୁଟିଲା ଗୁଳି, ବାଇକରେ ଆସିଥିଲେ ଦୁର୍ବୃତ୍ତ
ସଲମାନଙ୍କ ପରିବାରକୁ ବାରମ୍ୱାର ମିଳୁଛି ଧମକ
ସଲମାନ ଖାନଙ୍କ ଘରେ ଆକ୍ରମଣର କିଛି ମାସ ପରେ ଏହି ଘଟଣା ଘଟିଛି । ଚଳିତ ବର୍ଷ ଏପ୍ରିଲରେ ମୁମ୍ବାଇର ବାନ୍ଦ୍ରା ଅଞ୍ଚଳରେ ଖାନଙ୍କ ଗାଲାକ୍ସି ଆପାର୍ଟମେଣ୍ଟ ବାହାରେ ଗୁଳିମାଡ଼ ହୋଇଥିଲା। ପରେ ଏହା ଜଣାପଡିଥିଲା ଯେ ଏହା ପଛରେ ଲରେନ୍ସ ବିଷ୍ଣୋଇ ଗ୍ୟାଙ୍ଗ ଅଛନ୍ତି । ଗ୍ୟାଙ୍ଗଷ୍ଟରର ଭାଇ ଅନମୋଲ ବିଷ୍ଣୋଇ ଫେସବୁକରେ ପୋଷ୍ଟ କରି ଗୁଳିମାଡ଼ ପାଇଁ ନିଜକୁ ଦାୟୀ କରିଥିଲେ । ବର୍ତ୍ତମାନ ଯାଏଁ ଘଟଣାର ତଦନ୍ତ ଜାରି ରହିଛି । ଏହା ପୂର୍ବରୁ ମଧ୍ୟ ସଲମାନ ଏବଂ ପରିବାରକୁ ଅନେକ ଧମକ ମିଳିସାରିଛି ।
ଏହା ମଧ୍ୟ ପଢନ୍ତୁ: ଭାଇଜାନଙ୍କୁ ହତ୍ୟା ଧମକ, ଲୁକ୍ ଆଉଟ୍ ନୋଟିସ ଜାରି କଲା ମୁମ୍ବାଇ ପୋଲିସ
ବ୍ୟୁରୋ ରିପୋର୍ଟ, ଇଟିଭି ଭାରତ
