ହାଇଦ୍ରାବାଦ: ଚଳିତ ବର୍ଷ ବଲିଉଡରେ ଧୁମଧାମରେ ଇଦ ପାଳନ କରିଛନ୍ତି ସେଲିବ୍ରିଟି । ଏହି ଅବସରରେ ଭାଇଜାନ ଏବଂ କିଙ୍ଗ ଖାନ ପ୍ରତିବର୍ଷ ପରି ଏଥର ମଧ୍ୟ ନିଜ ଘର ବାହାରେ ଫ୍ୟାନ୍ସଙ୍କୁ ଇଦର ଶୁଭେଚ୍ଛା ଜଣାଇଛନ୍ତି । ଏହି ସମୟରେ ଏକ ଅଭାବନୀୟ ଘଟଣା ମଧ୍ୟ ସାମ୍ନାକୁ ଆସିଛି । ଏହି ଅବସରରେ ସଲମାନଙ୍କ ଫ୍ୟାନ୍ସ ଉପରକୁ ପୋଲିସ ଲାଠିଚାର୍ଜ କରିଥିବା ଅଭିଯୋଗ ହୋଇଛି । ଯାହାର ଭିଡିଓ ଏବେ ଖୁବ ଭାଇରାଲ ହେଉଛି । ସେପଟେ ସଲମାନ ଖାନ ଏବଂ ତାଙ୍କ ପରିବାର ବଲିଉଡ ତାରକାଙ୍କ ପାଇଁ ଇଦ ପାର୍ଟିର ମଧ୍ୟ ଆୟୋଜନ କରିଥିଲେ । ଯେଉଁଥିରେ ଅନେକ ଆଲିଆ ଭଟ୍ଟ, ରଣବୀର କପୁର, ପ୍ରୀତି ଜିଣ୍ଟା ଭଳି ଅନେକ ତାରକା ଏଥିରେ ସାମିଲ ହୋଇଥିଲେ ।
ଫ୍ୟାନ୍ସ ଉପରେ ଲାଠିଚାର୍ଜ
ସୋସିଆଲ ମିଡିଆରେ ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ସଲମାନ ଖାନଙ୍କ ଫ୍ୟାନ୍ସ ଇଦରେ ତାଙ୍କର ଏକ ଝଲକ ଦେଖିବାକୁ ଘର ବାହାରେ ଭିଡ଼ ଜମାଇଛନ୍ତି । ଏହି ସମୟରେ ସଲମାନଙ୍କୁ ଅପେକ୍ଷା କରିଥିବା ଫ୍ୟାନ୍ସଙ୍କ ଭିଡ଼ ଏତେ ବୃଦ୍ଧି ପାଇଥିଲା । ଯାହା ଫଳରେ ଭିଡ଼କୁ ନିୟନ୍ତ୍ରଣ କରିବା ପାଇଁ ପୋଲିସ ସେମାନଙ୍କ ଉପରେ ଲାଠିଚାର୍ଜ କରିଥିଲା । ପରେ ସଲମାନ ଖାନ ନିଜ ଗ୍ୟାଲେକ୍ସିରେ ଆସି ଫ୍ୟାନ୍ସଙ୍କୁ ଅଭିବାଦନ ଜଣାଇଥିଲେ । ଏହି ସମୟରେ ସେ ହ୍ୱାଇଟ ରଙ୍ଗର କୁର୍ତ୍ତା, ପାଇଜାମା ସହ ପଠାନୀ ଲୁକରେ ନଜର ଆସିଥିଲେ । ସୂଚନା ଥାଉ କି, ଗତ ବର୍ଷ ସୁପରଷ୍ଟାରଙ୍କୁ ମୃତ୍ୟୁ ଧମକ ମିଳିଥିଲା । ଏପରି ପରିସ୍ଥିତିରେ ବର୍ତ୍ତମାନ ସଲମାନଙ୍କ ସୁରକ୍ଷା କଡାକଡି ହୋଇଥିବା ବେଳେ ଏହାକୁ ଦୃଷ୍ଟିରେ ରଖି ପୋଲିସ ସତର୍କତା ଅବଲମ୍ୱନ କରିଥିବା ଜଣାପଡିଛି ।
ଏହା ମଧ୍ୟ ପଢନ୍ତୁ: ଇଦରେ ଫ୍ୟାନ୍ସଙ୍କୁ ଭେଟି, ନୂଆ ଫିଲ୍ମ ଟାଇଟଲ୍ ଘୋଷଣା କଲେ ଭାଇଜାନ
ଖାନ ପରିବାରର ଇଦ ପାର୍ଟିରେ ଜମିଲା ତାରକାଙ୍କ ମେଳି
ଇଦ୍ ଅବସରରେ ସଲମାନଙ୍କ ଭାଇ ତଥା ଅଭିନେତା ଏବଂ ନିର୍ମାତା ସୋହିଲ ଖାନ ଗତକାଲି ରାତିରେ ତାଙ୍କ ମୁମ୍ବାଇ ଘରେ ଏକ ପାର୍ଟିର ଆୟୋଜନ କରିଥିଲେ । ସୋହିଲଙ୍କ ଭାଇ ସଲମାନ ଏବଂ ଅରବାଜଙ୍କ ଠାରୁ ଆରମ୍ଭ କରି ପରିବାର ସମେତ ଆନିମଲ ଷ୍ଟାର ରଣବୀର କପୁର, ବବି ଦେଓଲ ପର୍ଯ୍ୟନ୍ତ ଅନେକ ବଲିଉଡ ସେଲିବ୍ରିଟି ପାର୍ଟିରେ ନଜର ଆସିଥିଲେ । ଏକ ପ୍ରିଣ୍ଟେଡ ପ୍ୟାଣ୍ଟ ସହ ବ୍ଲାକ ସାର୍ଟରେ ଭାଇଜାନ ନଜର ଆସିଥିବା ବେଳେ ଏଥିରେ ପତ୍ନୀ ତାନିଆଙ୍କ ସହ ବବି ଦେଓଲ, ରଣବୀର କପୁର, ଆଲିଆ ଭଟ୍ଟ, ସୁନୀଲ ସେଟ୍ଟୀ, ଜେନିଲିଆ ଦେଶମୁଖ, ସ୍ୱାମୀଙ୍କ ସହ ପ୍ରୀତି ଜିଣ୍ଟା ଏହି ଇଦ ପାର୍ଟିରେ ସାମିଲ ହୋଇ ଚାରଚାନ୍ଦ ଲଗାଇଛଥିଲେ ।
