ମୁମ୍ବାଇ: ଖୁବଶୀଘ୍ର 'ବଜରଙ୍ଗୀ ଭାଇଜାନ' ଏବଂ 'ରାଉଡି ରାଠୋର'ର ସିକ୍ୱେଲ ନିର୍ମିତ ହେବାକୁ ଯାଉଛି । ଯାହାର ସୂଚନା ହାଇଦ୍ରାବାଦରେ ଏକ ଫିଲ୍ମର ପ୍ରମୋସନ ବେଳେ ଫିଲ୍ମର ନିର୍ମାତା କେ.କେ ରାଧାମୋହାନ ଦେଇଛନ୍ତି । ସଲମାନ ଖାନଙ୍କ 2015 ରିଲିଜ୍ ହୋଇଥିବା ବ୍ଲକବଷ୍ଟର 'ବଜରଙ୍ଗୀ ଭାଇଜାନ' ଏବଂ ଅକ୍ଷୟ କୁମାରଙ୍କ 2012 ଚଳଚ୍ଚିତ୍ର 'ରାଉଡି ରାଠୋର'ର ବହୁ ପ୍ରତୀକ୍ଷିତ ସିକ୍ୱେଲ ଖୁବଶୀଘ୍ର ନିର୍ମିତ ହେବ । କେ.କେ ରାଧାମୋହାନ କହିଛନ୍ତି ଉଭୟ ଫିଲ୍ମର ସ୍କ୍ରିପ୍ଟ ପ୍ରାୟ ଶେଷ ହୋଇଯାଇଛି ।
ରାଧାମୋହନ କହିଛନ୍ତି ଯେ, ଏହି ଫିଲ୍ମରେ ବିଜୟେନ୍ଦ୍ର ପ୍ରସାଦ କିଛି ନୂଆ ସ୍କ୍ରିପ୍ଟ ଲେଖିଛନ୍ତି । ବିଜୟେନ୍ଦ୍ର ପ୍ରସାଦ ତାଙ୍କ ପାଇଁ ଦୁଇଟି ସ୍କ୍ରିପ୍ଟ ଲେଖିଛନ୍ତି ପ୍ରଥମଟି ବିକ୍ରମାରକୁଡୁ , ଯାହାକି ହିନ୍ଦୀରେ ରାଉଡି ରାଠୋର 2 ଅଟେ । ଯାହାର ସ୍କ୍ରିପ୍ଟ ପ୍ରସ୍ତୁତ ଥିବାବେଳେ ଆମେ ଜଣେ ଭଲ କଳାକାରଙ୍କୁ ଖୋଜୁଛୁ । ଏହା ବ୍ୟତୀତ, ସେ ଆହୁରି ମଧ୍ୟ ପ୍ରକାଶ କରିଛନ୍ତି ଯେ ବଜରଙ୍ଗୀ ଭଜନର ସିକ୍ୱେଲରେ କାମ ଚାଲିଛି । ବଜରଙ୍ଗୀ ଭାଇଜାନ 2ର ସ୍କ୍ରିପ୍ଟ ମଧ୍ୟ ପ୍ରସ୍ତୁତ ଅଛି । ସଲମାନ ଖାନଙ୍କୁ ବହୁତ ଶୀଘ୍ର ସ୍କ୍ରିପ୍ଟ ଶୁଣାଇବୁ । ପରେ ଦେଖିବା ଆଗକୁ କ'ଣ ହେଉଛି ।
2021 ମସିହାରେ, ସଲମାନ ମୁମ୍ବାଇରେ RRR ଫିଲ୍ମର ପ୍ରମୋସନାଲ ଇଭେଣ୍ଟରେ କନଫର୍ମ କରିଥିଲେ ଯେ ବଜରଙ୍ଗୀ ଭାଇଜାନର ସିକ୍ୱେଲରେ କାମ ଚାଲିଛି । ଏସଏସ ରାଜମୌଲିଙ୍କ ବିଷୟରେ କଥା ହେଉ ହେଉ ସଲମାନ କହିଥିଲେ ରାଜମୌଲି ଏବଂ ତାଙ୍କ ବାପାଙ୍କ ସହିତ ମୋର ଭଲ ସମ୍ପର୍କ ରହିଛି । କାରଣ ସେ ବଜରଙ୍ଗୀ ଭାଇଜାନର କାହାଣୀ ଲେଖିଥିଲେ । ଆଉ ବହୁତ ଜଲ୍ଦି ଆମେ ତାର ସିକ୍ୱେଲ ଆରମ୍ଭ କରିବାକୁ ଯାଉଛୁ । ତେବେ ରାଧାମୋହନ ରାଉଡି ରାଠୋର ୨ ପାଇଁ ଅକ୍ଷୟଙ୍କୁ ନେଇ କୌଣସି କନଫର୍ମେସନ ଦେଇନାହାନ୍ତି । ତେଣୁ ରାଉଡି ରାଠୋର ୨ରେ କିଏ ନଜର ଆସିବେ ତାହା କନଫର୍ମ ହୋଇନାହିଁ । 2023 ମସିହାରେ ଚର୍ଚ୍ଚା ଉଠିଥିଲା ସିଦ୍ଧାର୍ଥ ମଲହୋତ୍ରା ଆନିସ୍ ବାଜମିଙ୍କ ନିର୍ଦ୍ଦେଶିତ ଏକ ଚଳଚ୍ଚିତ୍ରରେ କାମ କରିପାରନ୍ତି । ଏକ ସାକ୍ଷାତକାରରେ ସେ କହିଛନ୍ତି ଯେ ଅକ୍ଷୟଙ୍କ ସ୍ଥାନରେ ସିଦ୍ଧାର୍ଥଙ୍କୁ ସିକ୍ୱେଲରେ ନେବାପାଇଁ ଏପର୍ଯ୍ୟନ୍ତ କୌଣସି ଆଲୋଚନା ହୋଇନାହିଁ । ତେବେ ଫିଲ୍ମ ଟିମର କିଛି ଲୋକ ସିଦ୍ଧାର୍ଥଙ୍କୁ ଫିଲ୍ମର ଏକ ଅଂଶ କରିବାକୁ ଚାହୁଁଛନ୍ତି ଏବଂ ତାଙ୍କ ନାମକୁ ନେଇ ଜିଦ୍ ଧରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
