ହାଇଦ୍ରାବାଦ: ମିସ୍ ୟୁନିଭର୍ସ ଇଣ୍ଡିଆ 2024 ଟାଇଟଲ ହାତେଇଛନ୍ତି ରିୟା ସିଂଘା । ରବିବାର(ସେପ୍ଟେମ୍ୱର 22) ରାଜସ୍ଥାନର ଜୟପୁରରେ ମିସ୍ ୟୁନିଭର୍ସ ଇଣ୍ଡିଆ 2024 ର ଗ୍ରାଣ୍ଡ ଫାଇନାଲ୍ ଅନୁଷ୍ଠିତ ହୋଇଥିଲା । ଏଥିରେ ସମସ୍ତ ପ୍ରତିଯୋଗୀଙ୍କୁ ପଛରେ ପକାଇ ରିୟା ସିଂଘା ମିସ୍ ୟୁନିଭର୍ସ ଇଣ୍ଡିଆ 2024 ର ବିଜେତା ହୋଇଛନ୍ତି । ବଲିଉଡ ଅଭିନେତ୍ରୀ ତଥା 2015 ମିସ ୟୁନିଭର୍ସ ଇଣ୍ଡିଆ ଉର୍ବଶୀ ରୌତେଲା ତାଙ୍କୁ ମୁକୁଟ ପିନ୍ଧାଇଛନ୍ତି ।
ସଫଳତା ହାସଲ କରିବା ପରେ ରିୟା ସିଂଘା ଖୁସିବ୍ୟକ୍ତ କରିଛନ୍ତି । ସେ କହିଛନ୍ତି, ''ଆଜି ମୁଁ ମିସ୍ ୟୁନିଭର୍ସ ଇଣ୍ଡିଆ 2024 ଟାଇଟଲ୍ ଜିତିଛି । ମୁଁ ବହୁତ କୃତଜ୍ଞ ମୁଁ ଏଠାରେ ପହଞ୍ଚିବା ପାଇଁ ବହୁତ କଠିନ ପରିଶ୍ରମ କରିଛି ଯେଉଁଠାରେ ମୁଁ ନିଜକୁ ଏହି ମୁକୁଟ ପାଇଁ ଯୋଗ୍ୟ ବିବେଚନା କରିପାରିବି । ପୂର୍ବ ବିଜେତାମାନଙ୍କ ଦ୍ୱାରା ମୁଁ ବହୁତ ଅନୁପ୍ରାଣିତ । ସେପଟେ 2015ରେ ମିସ୍ ୟୁନିଭର୍ସ ଇଣ୍ଡିଆ ଟାଇଟଲ ହାତେଇଥିବା ଉର୍ବଶୀ କହିଛନ୍ତି, "ମୁଁ ଅନୁଭବ କରୁଛି ଯେ ସମସ୍ତ ଝିଅ କ’ଣ ଅନୁଭବ କରୁଛନ୍ତି । ବିଜେତା ବହୁତ ସାନଦାର। ସେ ମିସ୍ ୟୁନିଭର୍ସର ବିଶ୍ୱସ୍ତରୀୟ ପ୍ଲାଟଫର୍ମରେ ଆମ ଦେଶକୁ ବହୁତ ଭଲ ପ୍ରତିନିଧିତ୍ୱ କରିବେ । ମୋର ସମ୍ପୂର୍ଣ୍ଣ ଆଶା ଅଛି ଯେ ଭାରତ ଚଳିତ ବର୍ଷ ପୁନର୍ବାର ମିସ୍ ୟୁନିଭର୍ସ ମୁକୁଟ ପାଇବ । ସମସ୍ତ ଝିଅ ବହୁତ ପରିଶ୍ରମୀ, ଉତ୍ସର୍ଗୀକୃତ ଏବଂ ଅତ୍ୟନ୍ତ ସୁନ୍ଦର ।"
ଏହା ମଧ୍ୟ ପଢନ୍ତୁ: କାନ୍ସରେ କୁମ୍ଭୀର ନେକ୍ଲେସ୍କୁ ନେଇ ଟ୍ରୋଲ, ପ୍ରତିକ୍ରିୟା ରଖିଲେ ଉର୍ବଶୀ
ରିୟା ସିଂଘା କିଏ ?
ରିୟା ସିଂଘା ଗୁଜୁରାଟର ଅହମ୍ମଦାବାଦର 19 ବର୍ଷ ବୟସ୍କ ଭାରତୀୟ ଅଭିନେତ୍ରୀ, ମଡେଲ ଏବଂ ବ୍ୟୁଟି କୁଇନ । ସେ ରୀତା ସିଂଘା ଏବଂ ବ୍ରିଜେଶ ସିଂଘାଙ୍କ ଝିଅ, ଯିଏ କି ଜଣେ ଉଦ୍ୟୋଗୀ ଏବଂ ଇଷ୍ଟୋର କାରଖାନାର ଡାଇରେକ୍ଟର । ସେ 2020 ରେ 16 ବର୍ଷ ବୟସରେ ମଡେଲିଂ ଆରମ୍ଭ କରିଥିଲେ ଏବଂ ସେ ମିସ୍ ଟିନ୍ ଗୁଜୁରାଟର ଆଖ୍ୟା ଅର୍ଜନ କରିଥିଲେ । ଫେବୃଆରୀ 28, 2023 ରେ, ରିୟା ସ୍ପେନର ମାଡ୍ରିଡରେ ମିସ୍ ଟିନ୍ ୟୁନିଭର୍ସ 2023 ରେ ଭାରତର ପ୍ରତିନିଧିତ୍ୱ କରିଥିଲେ, ଯେଉଁଥିରେ ତାଙ୍କ ସହ 25 ଜଣ ପ୍ରତିଯୋଗୀ ଥିଲେ । ସେ ସମସ୍ତଙ୍କୁ ପଛରେ ପକାଇ ଟପ୍ 6 ରେ ସ୍ଥାନ ପାଇଥିଲେ।
ଏହା ମଧ୍ୟ ପଢନ୍ତୁ: 21 ବର୍ଷ ପରେ ଭାରତକୁ ମିସ୍ ୟୁନିଭର୍ସ ତାଜ, ହରନାଜ ବ୍ରହ୍ମାଣ୍ଡ ସୁନ୍ଦରୀ
ବ୍ୟୁରୋ ରିପୋର୍ଟ, ଇଟିଭି ଭାରତ
