ହାଇଦ୍ରାବାଦ: ଫ୍ୟାନ୍ସଙ୍କ ପାଇଁ ଖୁସି ଖବର । ରଜନୀକାନ୍ତ ପୁଣି ଥରେ ବଲିଉଡରେ ଧମାକା କରିବାକୁ ଯାଉଛନ୍ତି । ଜୁଡୱା, ମୁଝସେ ସାଦି କରୋଗି, ହେ ବେବି, ହାଉସଫୁଲ୍ ସିରିଜ୍, ହିରୋପନ୍ତି, କିକ୍, ବାଗୀ, ଚିଛୋରେ, ସୁପର 30, ସତ୍ୟପ୍ରେମ କି କଥା ଭଳି ହିଟ୍ ଚଳଚ୍ଚିତ୍ର ଦେଇଥିବା ଲୋକପ୍ରିୟ ଚଳଚ୍ଚିତ୍ର ନିର୍ମାତା ସାଜିଦ ନାଦିଆୱାଲା ସହ କାମ କରିବେ ରଜନୀକାନ୍ତ । ସାଜିଦ ନାଦିଆୱାଲା ପ୍ରଥମ ଥର ପାଇଁ ଏକ ଚଳଚ୍ଚିତ୍ର ପାଇଁ ସାଉଥ ସୁପରଷ୍ଟାର ରଜନୀକାନ୍ତଙ୍କ ସହ ଫିଲ୍ମ କରିବାକୁ ଯାଉଛନ୍ତି । ନିର୍ମାତା ସୋସିଆଲ ମିଡିଆରେ ତାଙ୍କ ପ୍ରଶଂସକଙ୍କୁ ଏହି ଖୁସି ଖବର ଦେଇଛନ୍ତି ।
ଆଜି ୨୭ ଫେବୃଆରୀରେ ନିର୍ମାତା ସୋସିଆଲ ମିଡିଆ ଆକାଉଣ୍ଟ ଇନଷ୍ଟାଗ୍ରାମରେ 'ଥଲାଇଭା'ଙ୍କ ସହିତ ଏକ ଫଟୋ ସେୟାର କରିଛନ୍ତି । ଏହି ଫଟୋରେ ରଜନୀକାନ୍ତ ହ୍ୱାଇଟ କୁର୍ତ୍ତା ପାଇଜାମାରେ ଏବଂ ନିର୍ମାତା ଏକ ବ୍ଲାକ ଟି-ସାର୍ଟ ସହ ଡେନିମ ପ୍ୟାଣ୍ଟରେ ନଜର ଆସିଛନ୍ତି । ଏହି ପୋଷ୍ଟର ସେୟାର କରି ନିର୍ମାତା ଲେଖିଛନ୍ତି, 'କିମ୍ବଦନ୍ତୀ ରଜନୀକାନ୍ତ ସାରଙ୍କ ସହ ଫିଲ୍ମ କରିବା ଆମ ପାଇଁ ଗୌରବର ବିଷୟ । ଆମେ ଆମର ନୂଆ ପ୍ରକଳ୍ପ ତାଙ୍କ ସହ କରିବା ନେଇ ବେଶ ଉତ୍ସାହିତ ।
ରଜନୀକାନ୍ତ ଏହି ବଲିଉଡ ଫିଲ୍ମରେ କାମ କରିଛନ୍ତି
କହିରଖୁଛୁ ଯେ, ରଜନୀକାନ୍ତ ୧୯୮୨ ମସିହାରେ ଫିଲ୍ମ 'ଅନ୍ଧା କାନୁନ' ସହ ବଲିଉଡରେ ପାଦ ଦେଇଥିଲେ । ଏହା ପରେ ୧୯୮୩ ରେ 'ଜିତ ହମାରି' ଓ 'ମେରି ଅଦାଲତ', 'ଗାଙ୍ଗଭା', 'ମହାଗୁରୁ','ଇନସାଫ କୋନ କରେଗା', 'ଇନସାନିଆତ କା ଦେବତା'ଭଳି ଅନେକ ହିନ୍ଦୀ ଫିଲ୍ମରେ ଦେଖିବାକୁ ମିଳିଥିଲା । ଶେଷ ଥର ପାଇଁ ରଜନୀକାନ୍ତଙ୍କୁ ୨୦୧୧ ରେ ଶାହାରୁଖ ଖାନଙ୍କ ଫିଲ୍ମ 'ରା.ୱାନ'ରେ ଦେଖିବାକୁ ମିଳିଥିଲା ।
ଏହା ମଧ୍ୟ ପଢନ୍ତୁ: ଥଲାଇଭା 170ରେ ପୋଲିସ ଭୂମିକାରେ ନଜର ଆସିବେ ରଜନୀକାନ୍ତ
ରଜନୀକାନ୍ତଙ୍କ ଆଗାମୀ ଫିଲ୍ମ, ବର୍ତ୍ତମାନ ରଜନୀକାନ୍ତ ବର୍ତ୍ତମାନ ତାଙ୍କ ଝିଅ ଐଶ୍ୱର୍ଯ୍ୟା ରଜନୀକାନ୍ତଙ୍କ ନିର୍ଦ୍ଦେଶନାରେ ନିର୍ମିତ ଫିଲ୍ମ 'ଲାଲ ସଲାମ'ରେ ନଜର ଆସିଛନ୍ତି । ଏଥିସହ ଆଗାମୀ ଦିନରେ ରଜନୀକାନ୍ତଙ୍କୁ ଆଗାମୀ ଆକ୍ସନ୍ ଡ୍ରାମା ତାମିଲ ଚଳଚ୍ଚିତ୍ର 'ଭେଟ୍ଟିଆନ୍'ରେ ଦେଖିବାକୁ ମିଳିବ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଉଛନ୍ତି ଟିଜେ ଜିଆନେଭାଲ। ସୂଚନାଯୋଗ୍ୟ ଯେ ଏହି ଫିଲ୍ମରେ ମେଗାଷ୍ଟାର ଅମିତାଭ ବଚ୍ଚନ ମଧ୍ୟ ନଜର ଆସିବେ । ଏଥିସହ 'ଲିଓ' ନିର୍ଦ୍ଦେଶକ ଲୋକେଶ କନଗରାଜଙ୍କ ସହ ରଜନୀକାନ୍ତଙ୍କ ପରବର୍ତ୍ତୀ ଫିଲ୍ମ 'ଥଲାଇଭର 171'ରେ ମଧ୍ୟ ନଜର ଆସିବେ ।
