ମୁମ୍ବାଇ: ନିକଟରେ ଟିଭି ଅଭିନେତ୍ରୀ ଦିଶା ପରମାର ଓ ରାହୁଲ ବୈଦ୍ୟ ପିତାମାତା ହେବାର ସୌଭାଗ୍ୟ ଅର୍ଜନ କରିଛନ୍ତି । ଗତ ସେପ୍ଟେମ୍ବର ମାସରେ ଦିଶା ଏକ କନ୍ୟା ସନ୍ତାନକୁ ଜନ୍ମ ଦେଇଥିଲେ । ରାହୁଲ ନିଜେ ସୋସିଆଲ ମିଡିଆରେ ତାଙ୍କ ପ୍ରଶଂସକଙ୍କୁ ଏହି ଖୁସି ଖବର ଦେଇଥିଲେ। ସେବେଠାରୁ ପ୍ରଶଂସକମାନେ ତାଙ୍କ ଝିଅର ଝଲକକୁ ଅପେକ୍ଷା କରିଥିଲେ । ବର୍ତ୍ତମାନ ରାହୁଲ ଓ ଦିଶା ୪ ମାସ ପରେ ଝିଅର ପ୍ରଥମ ଝଲକ ଦେଖାଇଛନ୍ତି ।
ଫେବୃଆରୀ ୧୨ ତାରିଖ ଦିନ ଦୋହା ଯିବା ପୂର୍ବରୁ ମୁମ୍ବାଇ ଏୟାରପୋର୍ଟରେ ପାପାରାଜି ଏହି କପଲଙ୍କ ସହ ତାଙ୍କ ଝିଅର ମଧ୍ୟ ଫଟୋ କ୍ଲିକ କରିଥିଲେ । ଟେଲି ଇଣ୍ଡଷ୍ଟ୍ରିର ଲୋକପ୍ରିୟ ଯୋଡି ରାହୁଲ ବୈଦ୍ୟ ଓ ଦିଶା ପରମାର ୨୦୨୧ ମସିହାରେ ବିବାହ କରିଥିଲେ । ବିବାହର ଦୁଇବର୍ଷ ପରେ ଦିଶା କନ୍ୟା ସନ୍ତାନକୁ ଜନ୍ମ ଦେଇଥିଲେ । କପଲ ଅନେକ ଦିନ ପର୍ଯ୍ୟନ୍ତ ଝିଅକୁ ଲାଇମଲାଇଟରୁ ଦୂରରେ ରଖିଥିବା ବେଳେ ନିକଟରେ ଝିଅ ନାବ୍ୟାର ପ୍ରଥମ ଝଲକ ଦେଖାଇଛନ୍ତି ।
ଏହା ମଧ୍ୟ ପଢନ୍ତୁ - କନ୍ୟା ସନ୍ତାନର ମାଆ ହେଲେ ଦିଶା ପରମାର, ଫଟୋ ସେୟାର କଲେ ରାହୁଲ
ସୋସିଆଲ ମିଡିଆରେ ରାହୁଲ ଏବଂ ଦିଶାଙ୍କ ଭିଡିଓ ଭାଇରାଲ ହୋଇଛି । ଯେଉଁଥିରେ ସେମାନେ ନିଜ ଝିଅଙ୍କ ସହ ଅଛନ୍ତି ଏବଂ ପାପାରାଜି ପାଇଁ ପୋଜ୍ କରୁଛନ୍ତି। ଫେବୃଆରୀ 12 ସୋମବାର ଦିନ ଦିଶା ଏବଂ ରାହୁଲ ଶେଷରେ ସମସ୍ତଙ୍କ ସାମ୍ନାରେ ନାବ୍ୟାଙ୍କ ମୁହଁ ଦେଖାଇଛନ୍ତି । ଭିଡିଓରେ ରାହୁଲ ନାବ୍ୟାଙ୍କୁ ତାଙ୍କ କୋଳରେ ଧରିଥିବା ଦେଖିବାକୁ ମିଳିଛି । ନାବ୍ୟା ହେୟାବ୍ୟାଣ୍ଡ ସହିତ ଧଳା ଡ୍ରେସରେ କ୍ୟୁଟ ଲାଗୁଛନ୍ତି । ରାହୁଲ ଓ ଦିଶାଙ୍କ ଝିଅ ନାବ୍ୟାଙ୍କ ଜନ୍ମ ୨୦୨୩ ମସିହା ସେପ୍ଟମ୍ବର ୨୦ରେ ହୋଇଥିଲା ।
ବିଗ୍ ବସ୍ରେ କରିଥିଲେ ପ୍ରପୋଜ
ବ୍ୟକ୍ତିଗତ ଜୀବନ ବିଷୟରେ କହିବାକୁ ଗଲେ ରାହୁଲ ଏବଂ ମଡେଲ ତଥା ଅଭିନେତ୍ରୀ ଦିଶା ପରମାର ବିବାହ ପୂର୍ବରୁ ରିଲେସନସିପ୍ ଥିଲେ । ରାହୁଲ 'ବିଗ୍ ବସ୍ 14'ରେ ଥିବା ସମୟରେ ଦିଶାଙ୍କୁ ପ୍ରପୋଜ କରିଥିଲେ । ଦୁହେଁ 2021 ଜୁଲାଇ 16ରେ ବିବାହ କରିଥିଲେ ଏବଂ 2023 ମଇ 18ରେ ସେମାନଙ୍କର ଗର୍ଭଧାରଣ ଘୋଷଣା କରିଥିଲେ ।
