ହାଇଦ୍ରାବାଦ: ବକ୍ସ ଅଫିସରେ ଧମାକା କରୁଛି 'ପୁଷ୍ପା ୨' । ଦିନକୁ ଦିନ ଫିଲ୍ମ ବମ୍ପର କଲେକ୍ସନ ସହ ନୂଆ ସଫଳତା ହାସଲ କରୁଛି ଏବଂ ଅନେକ ଫିଲ୍ମର ରେକର୍ଡ ଭାଙ୍ଗୁଛି । ବର୍ତ୍ତମାନ ଫିଲ୍ମ ରିଲିଜର 12ଦିନରେ ପହଞ୍ଚିବା ବେଳେ ବିଶ୍ୱରେ ଏହି 12 ଦିନରେ 1400 କୋଟିରୁ ଅଧିକ କଲେକ୍ସନ କରିଛି । ଏହି ସମୟରେ, OTT ରେ ପୁଷ୍ପା 2 ର ରିଲିଜ୍ ତାରିଖ ଖବର ଆସିଛି । ସୋସିଆଲ ମିଡିଆରେ କୁହାଯାଉଛି ଯେ ପୁଷ୍ପା 2 ଫିଲ୍ମ ଆସନ୍ତାବର୍ଷ ରିଲିଜ ହେବାକୁ ଯାଉଛି । ତେବେ ଜାଣନ୍ତୁ 'ପୁଷ୍ପା 2' ଚଳଚ୍ଚିତ୍ର ଦ୍ୱାଦଶ ଦିନ ବକ୍ସ ଅଫିସରେ କେତେ ରୋଜଗାର କରିଛି ଏବଂ ଫିଲ୍ମଟି OTT ରେ କେବେ ମୁକ୍ତିଲାଭ କରିବ ।
'ପୁଷ୍ପା 2' ବକ୍ସ ଅଫିସ କଲେକ୍ସନ
'ପୁଷ୍ପା 2' ଏହାର ଦୁଇ ସପ୍ତାହ ପୂରଣ କରିବା ପୂର୍ବରୁ ମଧ୍ୟ 1400 କୋଟିରୁ ଅଧିକ ବ୍ୟବସାୟ କରିଛି । ଏଥି ସହିତ ପୁଷ୍ପା 2 ଚଳଚ୍ଚିତ୍ର ଭାରତରେ ପାଖାପାଖି 1000 କୋଟିରେ ପହଞ୍ଚିଛି । ପୁଷ୍ପା 2 ଚଳଚ୍ଚିତ୍ର ଏହାର ଦ୍ୱିତୀୟ ସୋମବାରରେ ମାତ୍ର 27.75 କୋଟି ଟଙ୍କାର ସର୍ବନିମ୍ନ ବ୍ୟବସାୟ କରିଛି, ଯାହାକି ଚଳଚ୍ଚିତ୍ରର ଆୟରେ 63.77 ପ୍ରତିଶତ ହ୍ରାସ ଘଟିଛି । ଗତ ରବିବାର ଦିନ ଏହି ଫିଲ୍ମ 76.6 କୋଟି ଟଙ୍କା ରୋଜଗାର କରିଥିଲା । ଭାରତରେ ଫିଲ୍ମର ମୋଟ ସଂଗ୍ରହ 930.4 କୋଟିରେ ପହଞ୍ଚିଛି ଏବଂ ସାରା ବିଶ୍ୱରେ ଏହି ଚଳଚ୍ଚିତ୍ର 1409 କୋଟି ଟଙ୍କା ଆୟ କରିଛି ।
'ପୁଷ୍ପା ୨' କଲେକ୍ସନ:
- ପ୍ରିଭ୍ୟୁ ଶୋ'- 10.65 କୋଟି
- ପ୍ରଥମ ଦିନ - 164.25 କୋଟି
- ଦ୍ୱିତୀୟ ଦିନ- 93.8 କୋଟି
- ତୃତୀୟ ଦିନ- 119.25 କୋଟି
- ଚତୁର୍ଥ ଦିନ- 141.5 କୋଟି
- ପଞ୍ଚମ ଦିନ- 64.45 କୋଟି
- ଷଷ୍ଠ ଦିନ- 51.55 କୋଟି
- ସପ୍ତମ ଦିନ- 42 କୋଟି
- ଅଷ୍ଟମ ଦିନ- 37.45 କୋଟି
- ନବମ ଦିନ- 36.3 କୋଟି
- ଦଶମ ଦିନ- 63.3 କୋଟି
- ଏକାଦଶ ଦିନ- 76.6 କୋଟି
- ଦ୍ୱାଦଶ ଦିନ- 27.75 କୋଟି
ମୋଟ କଲେକ୍ସନ- 930.4 କୋଟି
'ପୁଷ୍ପା 2' ଓଟିଟିରେ କେବେ ରିଲିଜ ହେବ ?
ରିପୋର୍ଟ ଅନୁସାରେ, 'ପୁଷ୍ପା 2' ଫିଲ୍ମ ଜାନୁଆରୀ 23 ରେ ନେଟଫ୍ଲିକ୍ସରେ ମୁକ୍ତିଲାଭ କରିବାକୁ ଯାଉଛି । ତେବେ ଏପର୍ଯ୍ୟନ୍ତ କୌଣସି ଅଫିସଆଲ ସୂଚନା ଦିଆଯାଇନାହିଁ । 'ପୁଷ୍ପା ୨' ଏହାର ଡିଜିଟାଲ ଅଧିକାରକୁ କୋଟି ଟଙ୍କାରେ ବିକ୍ରି କରିଥିବା ଜଣାପଡିଛି । ସୂଚନାଯୋଗ୍ୟ ଯେ ପୁଷ୍ପା ୨ ରିଲିଜ୍ ହେବାର ଦୁଇ ମାସ ମଧ୍ୟରେ OTT ରେ ରିଲିଜ୍ ହେବାକୁ ଯାଉଛି ।
ଏହା ମଧ୍ୟ ପଢନ୍ତୁ: ଅଲ୍ଲୁ ଅର୍ଜୁନଙ୍କ ଗିରଫଦାରୀକୁ ସେଲିବ୍ରିଟିଙ୍କ ନିନ୍ଦା, କହିଲେ 'ଆଇନ ସମସ୍ତଙ୍କ ପାଇଁ ସମାନ ହେଉ'
ବ୍ୟୁରୋ ରିପୋର୍ଟ, ଇଟିଭି ଭାରତ
