ଇତିହାସ ରଚିଲା 'ପୁଷ୍ପା 2', ପ୍ରଥମ ଦିନର ରୋଜଗାର ସହ ବନିଲା ସବୁଠୁ ବଡ ଓପନର୍ ଫିଲ୍ମ

ଇତିହାସ ରଚିଲା ଅଲୁ ଅର୍ଜୁନଙ୍କ ଫିଲ୍ମ 'ପୁଷ୍ପା ୨' । ପ୍ରଥମ ଦିନରେ ବକ୍ସ ଅଫିସରେ କଲା ଧମାକା । ବମ୍ପର କଲେକ୍ସନ ସହ ବନିଲା ସବୁଠୁ ବଡ ଓପନର୍ ଫିଲ୍ମ ।

ହାଇଦ୍ରାବାଦ: ଅଲ୍ଲୁ ଅର୍ଜୁନଙ୍କ ଫିଲ୍ମ 'ପୁଷ୍ପା ୨: ଦ ରୁଲ' ଇତିହାସ ସୃଷ୍ଟି କରିଛି । ଡିସେମ୍ବର 5(ଗୁରୁବାର) ସାରା ବିଶ୍ୱ ପ୍ରେକ୍ଷାଳୟରେ ମୁକ୍ତିଲାଭ କରିଥିବା 'ପୁଷ୍ପା ୨' ଲୋକଙ୍କ ମନ ଜିତିବା ସହ ବକ୍ସ ଅଫିସରେ ଧମାକା କରିଛି । କେବଳ ଏତିକି ନୁହେଁ 'ପୁଷ୍ପା ୨' ପ୍ରଥମ ଦିନରେ ବମ୍ପର କଲେକ୍ସନ ସହ ସମସ୍ତ ଫିଲ୍ମ ରେକର୍ଡକୁ ଭାଙ୍ଗିଛି ଏବଂ ଏହିପରି ଫିଲ୍ମ ଭାରତରେ ତଥା ବିଶ୍ୱ ବକ୍ସ ଅଫିସରେ ସର୍ବ ବୃହତ ଓପନର ଭାରତୀୟ ଚଳଚ୍ଚିତ୍ର ହୋଇପାରିଛି ।

Evening Occupancy: Pushpa: The Rule - Part 2 Day 1: 62.52%💥 (Hindi) (2D) #PushpaTheRulePart2 link:https://t.co/bQ8BvXPHpG

Pushpa: The Rule - Part 2 Day 1: 85.07%💥 (Telugu) (2D) #PushpaTheRulePart2 link:https://t.co/bQ8BvXPHpG

Pushpa: The Rule - Part 2 Day 1: 56.27%💥…

— Sacnilk Entertainment (@SacnilkEntmt) December 5, 2024

ଓପନିଂ ଦିନ ଏତିକି ଆୟ କଲା 'ପୁଷ୍ପା 2'

'ପୁଷ୍ପା 2' ତେଲୁଗୁ, ହିନ୍ଦୀ, ତାମିଲ, କନ୍ନଡ଼, ମାଲାୟାଲମ ଭାଷାରେ ରିଲିଜ ହୋଇଥିବା ବେଳେ ଫିଲ୍ମ ଦେଖିବାକୁ ପ୍ରଥମ ଦିନରେ ଜମିଥିଲା ଦର୍ଶକଙ୍କ ଭିଡ଼ । ଫିଲ୍ମ ଏହି ଫିଲ୍ମକୁ ଉତ୍ସାହର ସହ ଅପେକ୍ଷା କରିଥିବା ବେଳେ ଫିଲ୍ମ ଦେଖି ମଧ୍ୟ ଦ4ଶକ ଫିଦା ହୋଇଛନ୍ତି । ଅଲ୍ଲୁ ଅର୍ଜୁନ ଏବଂ ନିର୍ଦ୍ଦେଶକଙ୍କୁ ପ୍ରଶଂସାରେ ପୋତି ଫିଲ୍ମକୁ ବ୍ଲକବଷ୍ଟର ଟ୍ୟାଗ ଦେଇଛନ୍ତି । ଫିଲ୍ମର କ୍ରେଜ ଅନୁସାରେ ଫିଲ୍ମ ପ୍ରଥମ ଦିନରେ ଧୂଆଁଧାର କଲେକ୍ସନ ମଧ୍ୟ କରିଛି । ପ୍ରଥମ ଦିନରେ 100 କୋଟି ପାର୍ କରିଛି ଫିଲ୍ମ ।

'ପୁଷ୍ପା 2' ବକ୍ସ ଅଫିସ କେଲକ୍ସନ

ସାକନିକଙ୍କ ରିପୋର୍ଟ ଅନୁଯାୟୀ 'ପୁଷ୍ପା 2' ପ୍ରଥମ ଦିନରେ 175 କୋଟି ଟଙ୍କା କଲେକ୍ସନ କରିଛି। ଏହି ଚଳଚ୍ଚିତ୍ର ପ୍ରଥମ ଦିନରେ 175 କୋଟି ଟଙ୍କା ରୋଜଗାର କରି ଆଜି ପର୍ଯ୍ୟନ୍ତ ଭାରତର ସର୍ବାଧିକ ଆୟ କରିଥିବା ଚଳଚ୍ଚିତ୍ର ହୋଇପାରିଛି। ପ୍ରିମିୟର ସୋରୁ 10.1 କୋଟି ଟଙ୍କା ବ୍ୟବସାୟ କରିଥିଲା ।

Tollywood BEATS Bollywood. #Pushpa2 Hindi version with ₹65.35 cr nett BEATS Jawan Hindi day 1 to become the biggest opener of all time. pic.twitter.com/MfNVyoWNFz

— Manobala Vijayabalan (@ManobalaV) December 5, 2024

ଭାଷା ଅନୁଯାୟୀ 'ପୁଷ୍ପା 2' କଲେକ୍ସନ:

• ପ୍ରିମିୟର ସୋ- 10.1 କୋଟି
• ତେଲୁଗୁ: 85 କୋଟି
• ହିନ୍ଦୀ: 67 କୋଟି
• ତାମିଲ: 7 କୋଟି
• କନ୍ନଡ: 1 କୋଟି
• ମାଲାୟାଲମ୍: 5 କୋଟି
• ମୋଟ କେଲକ୍ସନ: 175.1 କୋଟି

ଏହା ମଧ୍ୟ ପଢନ୍ତୁ: 'ପୁଷ୍ପା 2' ବ୍ଲକବ୍ଲଷ୍ଟର ନା ଫ୍ଲପ୍, ଆସିଲା ରିଭ୍ୟୁ

'RRR' କୁ ପଛରେ ପକାଇଲା 'ପୁଷ୍ପା 2'

ଏହିପରି, 'ପୁଷ୍ପା 2' ପ୍ରାୟ 175.1 କୋଟି ଟଙ୍କା ସହ ବକ୍ସ ଅଫିସରେ ଅନେକ ଫିଲ୍ମର ରେକର୍ଡ ଭାଙ୍ଗିଛି। ଏହା ରାମ ଚରଣ, Jr NTR ର ଚଳଚ୍ଚିତ୍ର 'RRR' ଏବଂ ଶାହାରୁଖ ଖାନଙ୍କ 'ଜବାନ'କୁ ପଛରେ ପକାଇଛି । ସାକନିକଙ୍କ ଅନୁଯାୟୀ, RRR ଫିଲ୍ମ ବକ୍ସ ଅଫିସରେ 133 କୋଟି ଓପନିଂ କରିଥିଲା ।

ହିନ୍ଦୀରେ 'ଜବାନ' ରେକର୍ଡ ଭାଙ୍ଗିଲା 'ପୁଷ୍ପା 2'

ସେହିପରି 'ପୁଷ୍ପା ୨' ହିନ୍ଦୀରେ 'ଜବାନ'କୁ ବି ପଛରେ ପକାଇଛି। ସାକନିକଙ୍କ ଅନୁଯାୟୀ, 2023 ମସିହାରେ ମୁକ୍ତିଲାଭ କରିଥିବା କିଙ୍ଗ ଖାନଙ୍କ ଫିଲ୍ମ 'ଜବାନ' ଓପନିଂ ଦିନରେ ସମସ୍ତ ଭାଷାରେ 75 କୋଟି ଟଙ୍କା ଆୟ କରିଥିଲା । ଏଥିମଧ୍ୟରୁ ଫିଲ୍ମଟି କେବଳ ହିନ୍ଦୀ ସଂସ୍କରଣରେ 65.5 କୋଟି ଟଙ୍କା ଆୟ କରିଥିଲା । ଏହାସହ କିଙ୍ଗ ଖାନଙ୍କ ହିନ୍ଦୀରେ ସବୁଠାରୁ ବଡ ଓପନିଂ ଭାରତୀୟ ଚଳଚ୍ଚିତ୍ର ହୋଇଥିଲା । କିନ୍ତୁ ବର୍ତ୍ତମାନ ଅଲ୍ଲୁ ଅର୍ଜୁନଙ୍କ ଫିଲ୍ମ କିଙ୍ଗ ଖାନଙ୍କ ଏହି ରେକର୍ଡ ଭାଙ୍ଗିଛି । ହିନ୍ଦୀ ସଂସ୍କରଣରେ 'ଜବାନ'କୁ ପରାସ୍ତ କରି 'ପୁଷ୍ପା 2' 67 କୋଟି ଟଙ୍କା ରୋଜଗାର କରିଛି। ତେବେ ଆଗାମୀ ଦିନରେ 'ପୁଷ୍ପା ୨' ଆହୁରି ଅନେକ ରେକର୍ଡ ସୃଷ୍ଟି କରିବ ବୋଲି ଆଶା କରାଯାଉଛି।

ଏହା ମଧ୍ୟ ପଢନ୍ତୁ: ଫ୍ୟାନ୍ ମୃତ୍ୟୁ ଘଟଣା, ଅଲ୍ଲୁ ଅର୍ଜୁନଙ୍କ ନାଁରେ ମାମଲା ରୁଜୁ

ବ୍ୟୁରୋ ରିପୋର୍ଟ, ଇଟିଭି ଭାରତ