ହାଇଦ୍ରାବାଦ: ଭାରତୀୟ ସିନେମାରେ 'ପୁଷ୍ପା ୨' ସର୍ବାଧିକ ଆୟ କରିଥିବା ଚଳଚ୍ଚିତ୍ର ହୋଇପାରିଛି। 'ପୁଷ୍ପା ୨' ଘରୋଇ ବକ୍ସ ଅଫିସରେ ସର୍ବାଧିକ ଆୟ କରିଥିବା ଚଳଚ୍ଚିତ୍ର ହୋଇପାରିଛି। ଅଲ୍ଲୁ ଅର୍ଜୁନ ଏବଂ ରଶ୍ମିକା ମନ୍ଦନାଙ୍କ ଅଭିନୀତ ଚଳଚ୍ଚିତ୍ର 'ପୁଷ୍ପା ୨' ବକ୍ସ ଅଫିସରେ ପ୍ରାୟ ସମସ୍ତ ଚଳଚ୍ଚିତ୍ରକୁ ପଛରେ ପକାଇଛି । 'ପୁଷ୍ପା ୨' ବକ୍ସ ଅଫିସରେ ଦୁଇଟି ଦମଦାର ସପ୍ତାହ ସମାପ୍ତ କରିଛି । ବର୍ତ୍ତମାନ ଫିଲ୍ମ କେତେ କଲେକ୍ସନ କରିଛି ?ଜାଣନ୍ତୁ,
ଅଷ୍ଟ୍ରେଲିଆରେ ଇତିହାସ ରଚିଛି 'ପୁଷ୍ପା 2'
'ପୁଷ୍ପା 2' ବିଶ୍ୱରେ 1500 କୋଟି ପାଖାପାଖି ଆୟ କରିସାରିଲାଣି ଏବଂ ଏହି ଫିଲ୍ମ ଖୁବ ଶୀଘ୍ର ଭାରତରେ 1000 କୋଟି କ୍ଲବରେ ସାମିଲ ହେବାକୁ ଯାଉଛି । ଏହା ନିଶ୍ଚିତ ଯେ 'ପୁଷ୍ପା 2' ଆଜି 15 ତମ ଦିନର ରୋଜଗାର ସହ ଘରୋଇ ବକ୍ସ ଅଫିସରେ 1000 କୋଟି ଟଙ୍କା ଛାପିବାରେ ସଫଳ ହେବ । ସେପଟେ 'ପୁଷ୍ପା 2' 2024 ମସିହାରେ ଅଷ୍ଟ୍ରେଲିଆରେ ସର୍ବାଧିକ ଆୟ କରିଥିବା ଚଳଚ୍ଚିତ୍ର ହୋଇପାରିଛି । ଅଷ୍ଟ୍ରେଲିଆରେ ଫିଲ୍ମ 4 ମିଲିୟନ ଡଲାରରୁ ଅଧିକ ରୋଜଗାର କରି ଇତିହାସ ସୃଷ୍ଟି କରିଛି ।
ଭାରତରେ କଲେକ୍ସନ
ଯଦି ଆମେ 14 ଦିନରେ 'ପୁଷ୍ପା 2' ର ରୋଜଗାର ବିଷୟରେ କଥା ହେବା, ଫିଲ୍ମର ବ୍ୟବସାୟରେ ପୁଣି ଥରେ ହ୍ରାସ ଘଟିଛି । ସାକନିକଙ୍କ ଅନୁଯାୟୀ, 14 ଦିନରେ 'ପୁଷ୍ପା 2' ର ରୋଜଗାରରେ 10.92 ପ୍ରତିଶତ ହ୍ରାସ ଘଟିଛି। ଚଳଚ୍ଚିତ୍ର 14 ତମ ଦିନରେ ଭାରତରେ 20.8 କୋଟି ଟଙ୍କା ଆୟ କରିଛି। ଏହା ସହିତ ଘରୋଇ ବକ୍ସ ଅଫିସରେ ପୁଷ୍ପା 2 ର ମୋଟ କଲେକ୍ସନ 973.65 କୋଟି ଟଙ୍କା ହୋଇଛି ।
'ପୁଷ୍ପା ୨' କଲେକ୍ସନ:
- ପ୍ରିଭ୍ୟୁ ଶୋ'- 10.65 କୋଟି
- ପ୍ରଥମ ଦିନ - 164.25 କୋଟି
- ଦ୍ୱିତୀୟ ଦିନ- 93.8 କୋଟି
- ତୃତୀୟ ଦିନ- 119.25 କୋଟି
- ଚତୁର୍ଥ ଦିନ- 141.5 କୋଟି
- ପଞ୍ଚମ ଦିନ- 64.45 କୋଟି
- ଷଷ୍ଠ ଦିନ- 51.55 କୋଟି
- ସପ୍ତମ ଦିନ- 42 କୋଟି
- ଅଷ୍ଟମ ଦିନ- 37.45 କୋଟି
- ନବମ ଦିନ- 36.3 କୋଟି
- ଦଶମ ଦିନ- 63.3 କୋଟି
- ଏକାଦଶ ଦିନ- 76.6 କୋଟି
- ଦ୍ୱାଦଶ ଦିନ- 26.95 କୋଟି
- ତ୍ରୟୋଦଶ ଦିନ: 24.25 କୋଟି
- ଚତୁର୍ଦ୍ଦଶ ଦିନ- 20.8 କୋଟି
ମୋଟ କଲେକ୍ସନ- 973.65 କୋଟି
ନିର୍ଦ୍ଦେଶକ ସୁକୁମାରଙ୍କ 'ପୁଷ୍ପା ୨: ଦ ରୁଲ' 'ପୁଷ୍ପା: ଦ ରାଇଜ'ର ସିକ୍ବେଲ ଅଟେ । ଯାହା 2021 ଡିସେମ୍ବରରେ ମୁକ୍ତିଲାଭ କରିବା ପରେ ବକ୍ସ ଅଫିସ୍ରେ ଧମାକା କରିଥିଲା । ତେବେ ପ୍ରଥମ ଭାଗ ପରି 2ୟ ଭାଗ ମଧ୍ୟ ବକ୍ଲବ୍ଲଷ୍ଟର ହୋଇଛି । ଓପନିଂ ଦିନ ଠାରୁ ଫିଲ୍ମ ଜୋରଦାର କଲେକ୍ସନ କରିଛି । ଫିଲ୍ମରେ ଅଲ୍ଲୁ ଅର୍ଜୁନ, ରଶ୍ମିକା ମନ୍ଦାନା, ଫାହାଦ୍ ଫାସିଲ, ସୁନୀଲ, ଅଜୟ, ରାଓ ରମେଶ, ଅନାସୁୟା ଏବଂ ଅନ୍ୟ କଳାକାର ନଜର ଆସିଛନ୍ତି ।
ଏହା ମଧ୍ୟ ପଢନ୍ତୁ: ଜେଲରୁ ମୁକୁଳିବା ପରେ ଅଲ୍ଲୁ ଅର୍ଜୁନଙ୍କ ପ୍ରତିକ୍ରିୟା, 'ଯାହା ଘଟିଲା ତାହା ପାଇଁ...'
ବ୍ୟୁରୋ ରିପୋର୍ଟ, ଇଟିଭି ଭାରତ
