ମୁମ୍ବାଇ: ବର୍ତ୍ତମାନ ବି-ଟାଉନରେ ବିବାହ ଋତୁ ଚାଲିଛି । ଚଳିତ ମାସରେ ବଲିଉଡ ଅଭିନେତା ପୁଲକିତ ସମ୍ରାଟ ଏବଂ ଅଭିନେତ୍ରୀ କ୍ରିତି ଖରବନ୍ଧା ଚଳିତ ମାସରେ ବିବାହ ବନ୍ଧନରେ ବାନ୍ଧି ହେବେ । ଏହି ଲଭ ବାର୍ଡ ବହୁତ ବର୍ଷ ଧରି ପରସ୍ପରକୁ ଡେଟ କରୁଥିବା ବେଳେ ଚଳିତ ମାସ ୧୬ରେ ବିବାହ କରିବାକୁ ଯାଉଛନ୍ତି । ତେବେ ଏହି ଖବର ଜାଣିବା ପରଠୁ ଫ୍ୟାନ୍ସ ବିବାହକୁ ଉତ୍ସାହର ସହ ଅପେକ୍ଷା କରିଛନ୍ତି । ଏହାରି ମଧ୍ୟରେ କପଲଙ୍କ ବିବାହ ଉତ୍ସବ ୪ ଦିନ ପର୍ଯ୍ୟନ୍ତ ଚାଲିବ ବୋଲି ଖବର ସାମ୍ନାକୁ ଆସିଛି ।
ମିଡିଆ ରିପୋର୍ଟ ମୁତାବକ, ପୁଲକିତ ସମ୍ରାଟ ଏବଂ ଅଭିନେତ୍ରୀ କ୍ରିତି ଖରବନ୍ଧାଙ୍କ ବିବାହ ଦିଲ୍ଲୀରେ ହେବ । ଉଭୟ ଦିଲ୍ଲୀ ବାସିନ୍ଦା ହୋଇଥିବାରୁ ଉଭୟ ନିଜ ବିବାହ ଦିଲ୍ଲୀରେ କରିବାକୁ ମନସ୍ଥ କରିଛନ୍ତି । ବିବାହ ଉତ୍ସବ ୪ ଦିନ ପର୍ଯ୍ୟନ୍ତ ଅର୍ଥାତ ୧୩ ତାରିଖରୁ ଆରମ୍ଭ ହୋଇ ୧୬ ତାରିଖ ପର୍ଯ୍ୟନ୍ତ ଚାଲିବ । ସେହିପରି ଉଭୟ ଉତ୍ସବର ଶେଷ ଦିନ ଅର୍ଥାତ ୧୬ ତାରିଖରେ ବିବାହ ବନ୍ଧନରେ ବାନ୍ଧି ହେବେ ।
ମିଡିଆ ରିପୋର୍ଟରେ ଏହା ମଧ୍ୟ ପ୍ରକାଶ ପାଇଛି ଯେ, ଉଭୟେ ନିଜ ବିବାହକୁ ସରଳ ଭାବରେ କରିବେ । ସେମାନେ କେବଳ ନିଜ ପରିବାର ଏବଂ ଘନିଷ୍ଠ ବନ୍ଧୁଙ୍କ ଉପସ୍ଥିତିରେ ବିବାହ କରିବେ । ଅତିଥି ତାଲିକା ବିଷୟରେ କହିବାକୁ ଗଲେ, ବି-ଟାଉନର ସେଲିବ୍ରିଟି କେହି ତାଙ୍କ ବିବାହରେ ଯୋଗଦେବେ ନାହିଁ । ତଥାପି କିଛି ସେଲିବ୍ରିଟି ଅନ୍ତର୍ଭୁକ୍ତ ହୋଇପାରନ୍ତି ଯେଉଁମାନେ ସେମାନଙ୍କ ପରିବାର ସଦସ୍ୟଙ୍କ ଭାବେ । ବରୁଣ ଶର୍ମାଙ୍କ ସହିତ ଫୁକରେର ଅନ୍ୟ କଳାକାରମାନେ ଆସନ୍ତା ସପ୍ତାହରେ ଦିଲ୍ଲୀ ଯିବେ ।
ଏହା ମଧ୍ୟ ପଢନ୍ତୁ- ମାର୍ଚ୍ଚରେ ବିବାହ କରିବେ ଅଭିନେତା ପୁଲକିତ ଓ କ୍ରିତି
ପୁଲକିତ ସମ୍ରାଟ ଏବଂ କ୍ରିତି ଖରବନ୍ଧାଙ୍କ ବିବାହ ନିମନ୍ତ୍ରଣ କାର୍ଡ ଗତ ମାର୍ଚ୍ଚ 5 ତାରିଖରୁ ସୋସିଆଲ ମିଡିଆରେ ଘୁରି ବୁଲୁଛି । ଯେଉଁ କାର୍ଡରେ ସେମାନଙ୍କ ବିବାହ ଉତ୍ସବର ସମସ୍ତ ବିବରଣୀ ରହିଛି । କାର୍ଡରେ ଲେଖା ଅଛି, 'ଆମ ଟିମ ସହିତ ଉତ୍ସବ ପାଳନ କରିବାକୁ ଅପେକ୍ଷା କରିପାରିବି ନାହିଁ'। ନିକଟରେ ସେମାନଙ୍କର ନିର୍ବନ୍ଧର ଫଟୋ ସାମ୍ନାକୁ ଆସିଥିଲା ।
ସୂଚନା ଥାଉକି, ପୁଲକିତ କ୍ରିତିଙ୍କ ସହ ଦ୍ୱିତୀୟ ବିବାହ କରିବାକୁ ଯାଉଛନ୍ତି । ଏହାପୂର୍ବରୁ ପୁଲକିତ ସଲମାନ ଖାନଙ୍କ ସମ୍ପର୍କୀୟ ଭଉଣୀ ଶ୍ୱେତା ରୋହିରାଙ୍କୁ ବିବାହ କରିଥିଲେ । ଶ୍ୱେତାଙ୍କ ସହ ତାଙ୍କର ସମ୍ପର୍କ ଅଧିକ ଦିନ ତିଷ୍ଠି ନଥିଲା । ବିବାହର ମାତ୍ର ଗୋଟିଏ ବର୍ଷ ପରେ ଦୁହିଁଙ୍କର ଛାଡପତ୍ର ହୋଇଥିଲା ।
