ହାଇଦ୍ରାବାଦ: ପୁନମ ପାଣ୍ଡେଙ୍କ ପାଇଁ ବଢିଲା ଅଡୁଆ । ମିଥ୍ୟା ଖବର ଅପପ୍ରଚାର କରିବା ଅଭିଯୋଗରେ ଅଭିନେତ୍ରୀଙ୍କ ନାଁରେ ମାମଲା ରୁଜୁ ହୋଇଛି । ସୂଚନା ଅନୁସାରେ, ଓକିଲ ଅଲି କାଶିଫ ଖାନ ଦେଶମୁଖ ଅଭିନେତ୍ରୀଙ୍କ ନାଁରେ ପୋଲିସ ନିକଟରେ ମାମଲା ରୁଜୁ କରିଛନ୍ତି । ସେପଟେ ଅଭିନେତ୍ରୀଙ୍କୁ ପବ୍ଲିସିଟି ଷ୍ଟଣ୍ଟ କହି ଲୋକେ ଖୁବ ଟ୍ରୋଲ କରୁଥିବା ବେଳେ ସୋସିଆଲ ମିଡିଆରେ ଏକ ଭିଡିଓ ଜାରି କରି ଏହାକୁ ଖଣ୍ଡନ କରିଛନ୍ତି ଅଭିନେତ୍ରୀ ।
ପୁନମ ପାଣ୍ଡେ ଗର୍ଭାଶୟ କର୍କଟ ରୋଗ ନାଁରେ ସଚେତନତା ସୃଷ୍ଟି କରିବା ଆଳରେ ନିଜର ମିଥ୍ୟା ମୃତ୍ୟୁ ଖବର ପ୍ରସାରିତ କରି ଦେଶର ଲୋକଙ୍କୁ ଧୋକା ଦେଇଥିବା ଅଭିଯୋଗ ହୋଇଛି । ଏଥିସହ ସେ କର୍କଟ ଭଳି ମାରାତ୍ମକ ରୋଗ ବିଷୟରେ ଏଭଳି ପ୍ରୟାସ କରିବା ମଧ୍ୟ ଅନେକ କର୍କଟ ରୋଗୀଙ୍କ ଭାବନାକୁ ଆଘାତ ଦେଇଥିବା ଅଭିଯୋଗ ହେଇଛି । ଏପରି ପରିସ୍ଥିତରେ ଅଭିନେତ୍ରୀଙ୍କୁ ଖୁବ ସମାଲୋଚନା କରାଯିବା ସହ ପବ୍ଲିସିଟି ଷ୍ଟଣ୍ଟ ବୋଲି କୁହାଯାଇଛି । ଅନେକ ଅଭିନେତ୍ରୀଙ୍କ ଉପରେ ବର୍ଷିଥିବା ବେଳେ ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି । ଏପରି ପରିସ୍ଥିତିରେ ଓକିଲ ଅଲି କାଶିଫ ଖାନ ଦେଶମୁଖ ଅଭିନେତ୍ରୀଙ୍କ ନାଁରେ ପୋଲିସ ନିକଟରେ ମାମଲା ରୁଜୁ କରିଛନ୍ତି । ତାଙ୍କ ମ୍ୟାନେଜର ନିକିତା ଶର୍ମା ନାଁରେ ମଧ୍ୟ ମାମଲା ରୁଜୁ କରିବାକୁ ଦାବି କରିଛନ୍ତି ।
ସେପଟେ ପବ୍ଲିସିଟି ଷ୍ଟଣ୍ଟ କହି ଟ୍ରୋଲର ଶିକାର ହେବା ପରେ ପୁନମ ପ୍ରତିକ୍ରିୟା ଦେଇଛନ୍ତି । ଶନିବାର ଅଭିନେତ୍ରୀ ନିଜ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରି ଏହାକୁ ଖଣ୍ଡନ କରିଛନ୍ତି । ସେ କହିଛନ୍ତି, ମୁଁ ପ୍ରଚାର ପାଇଁ ଏହା କରିନାହିଁ କାରଣ ମୋତେ ପ୍ରଚାରର ଆବଶ୍ୟକତା ନାହିଁ । ମୁଁ ଜାଣିଥିଲି ଯେ ତାଙ୍କୁ ଏପରି ପ୍ରତିକ୍ରିୟାର ସାମ୍ନା କରିବାକୁ ପଡିବ କିନ୍ତୁ ମୁଁ ଏହାକୁ ଏକ ଭଲ ଉଦ୍ଦେଶ୍ଯ ନେଇ କରିଥିଲି । ଲୋକମାନେ ମୋ ମୃତ୍ୟୁ ବିଷୟରେ ଜାଣିବା ମାତ୍ରେ ସମସ୍ତେ ଗର୍ଭାଶୟ କର୍କଟ ବିଷୟରେ ଜାଣିବାକୁ ଚାହିଁବେ । ଏଥିସହ ସେ ନିଜ PR ଟିମର ସମ୍ପୃକ୍ତି ନେଇ କହିଛନ୍ତି ଯେ, ଏଥିରେ PR ଟିମର କୌଣସି ସମ୍ପୃକ୍ତି ନାହିଁ ।
ଏହା ମଧ୍ୟ ପଢନ୍ତୁ: ମିଥ୍ୟା ମୃତ୍ୟୁ ଖବର ପ୍ରଚାର କରି ଫସିବେ ପୁନମ ! ଉଠିଲାଣି କାର୍ଯ୍ୟାନୁଷ୍ଠାନ ଦାବି
ସେ କହିଛନ୍ତି, ମୁଁ ଏହି ପ୍ରସଙ୍ଗରେ ଅସମ୍ବେଦନଶୀଳ ନୁହଁ କାରଣ ସେ ତାଙ୍କ ମା'ଙ୍କୁ ଗଳା କର୍କଟରେ ପୀଡିତ ଥିବା ଦେଖିଛି ଏବଂ ଏହା କେତେ କଷ୍ଟକର ତାହା ମଧ୍ୟ ଦେଖିଛି । ମୁଁ ଏକ ଭଲ ଉଦ୍ଦେଶ୍ୟ ନେଇ ଏହାକୁ ପ୍ରୋତ୍ସହିତ କରୁଥିଲି । ଏହା ଏପରି ଏକ କର୍କଟ ରୋଗ ଯାହାକୁ ଆରୋଗ୍ୟ କରାଯାଇପାରିବ, ତଥାପି ଅନେକ ମହିଳା ଏଥିରୁ ମରିଯାଆନ୍ତି । କୌଣସି ଔଷଧ କମ୍ପାନୀ ଏଥିରେ ଜଡିତ ନୁହଁନ୍ତି ଏବଂ ସଚେତନତା ସୃଷ୍ଟି କରିବା ପାଇଁ ମୁଁ ଏହା କରିଛି ଏବଂ ଅନେକ ଲୋକ ବର୍ତ୍ତମାନ ଗର୍ଭାଶୟ କର୍କଟ ବିଷୟରେ କଥା ହେଉଛନ୍ତି । ସେ ଏହା ମଧ୍ୟ କହିଛନ୍ତି ଯେ ଅନେକ ଲୋକ ଗୁଗୁଲରେ ସର୍ଭିକାଲ୍ କ୍ୟାନସର କ’ଣ ଖୋଜୁଛନ୍ତି ଏବଂ ସୋସିଆଲ ମିଡିଆରେ ଅନେକ ମହିଳା ତାଙ୍କୁ କହିଛନ୍ତି ଯେ ସେମାନେ ଏଚପିଭି ଟୀକାକରଣ କରୁଛନ୍ତି ।
