ହାଇଦ୍ରାବାଦ: ସାଉଥ ସୁପରଷ୍ଟାର ତଥା ଜନସେବା ପାର୍ଟି ମୁଖ୍ୟ ପୱନ କଲ୍ୟାଣ ବର୍ତ୍ତମାନ ଆନ୍ଧ୍ରପ୍ରଦେଶରେ ଐତିହାସିକ ରାଜନୈତିକ ବିଜୟ ହାସଲ କରିଛନ୍ତି । ସୁପରଷ୍ଟାର ପାର୍ଟି ଲୋକସଭାରେ ୨ ଟି ଆସନ ପାଇବାରେ ସଫଳ ହୋଇଛି ଏବଂ ତାଙ୍କ ଦଳ ବିଧାନସଭାରେ ୨୧ଟି ଆସନ ପାଇଛି । ସେ ନିଜେ ଆନ୍ଧ୍ରପ୍ରଦେଶ ପୀଠାପୁରମରୁ ଜିତିଛନ୍ତି । ତେବେ ଏହି ବିଜୟ ପରେ ପୱନ କଲ୍ୟାଣ ଦିଲ୍ଲୀରେ ଏଡିଏ ମିଳିତ ମଞ୍ଚର ବୈଠକରେ ସାମିଲ ହେବା ପରେ ହାଇଦ୍ରାବାଦ ପହଞ୍ଚିଥିଲେ । ଯେଉଁଠି ତାଙ୍କ ପରିବାର ଅର୍ଥାତ୍ ତାଙ୍କ ବଡ଼ ଭାଇ ଚିରଞ୍ଜୀବୀଙ୍କ ଘରେ ଭବ୍ୟ ସ୍ୱାଗତ କରାଯାଇଛି । ଏହି ସମୟରେ ପୱନ ମଧ୍ୟ ଭାଇ ଚିରଞ୍ଜୀବୀ ଏବଂ ଭାଉଜଙ୍କ ପାଦ ଛୁଇଁ ଆଶୀର୍ବାଦ ନେଉଥିବା ନଜର ଆସିଛନ୍ତି । ଯାହାର ଭିଡିଓ ଚିରଞ୍ଜୀବୀ ନିଜେ ସୋସିଆଲ ମିଡିଆରେ ସେୟାର କରି ଝଲକ ଦେଖାଇଛନ୍ତି ।
ଦିଲ୍ଲୀରେ ଅନୁଷ୍ଠିତ ଏନଡିଏ ମିଳିତ ବୈଠକରେ ଯୋଗଦେବା ପରେ ପୱନ ଘରେ ପହଞ୍ଚିଥିଲେ, ସେତେବେଳେ ତାଙ୍କୁ ପୁଷ୍ପ ବର୍ଷା ସହ ଭବ୍ୟ ସ୍ୱାଗତ କରାଯାଇଥିଲା । ଏହା ପରେ ସେ ନିଜ ପରିବାର ସହ କେକ ମଧ୍ୟ କାଟିଥିଲେ। ଚିରଞ୍ଜୀବୀ, ରାମଚରଣ, ପୱନ କଲ୍ୟାଣ ଏବଂ ପରିବାରର ଅନ୍ୟ ସଦସ୍ୟମାନେ ତାଙ୍କ ସହ ଫଟୋ କ୍ଲିକ କରିଥିଲେ । ପୱନ ଏହି ସମୟରେ ଭାଇ ଚିରଞ୍ଜୀବୀ ଏବଂ ତାଙ୍କ ପତ୍ନୀ ସୁରେଖାଙ୍କ ପାଦ ଛୁଇଁ ଆଶୀର୍ବାଦ ନେଇଛନ୍ତି । ଏହି ଭିଡିଓ ସେୟାର କରି ଚିରଞ୍ଜୀବୀ କ୍ୟାପସନରେ ଲେଖିଛନ୍ତି, 'ମୋର ପ୍ରିୟ ଭାଇ, ଏକ ପ୍ରକୃତ ଜୀବନ 'ପାୱାର ଷ୍ଟାର' ପାଇଁ ଏକ ଭାବପ୍ରବଣ ସ୍ୱାଗତ । ଜଣେ ହିରୋଙ୍କ ଘର ବାହୁଡା । ଭଗବାନ ଆପଣଙ୍କ ମଙ୍ଗଳ କରନ୍ତୁ !'
ଜନସେନା ପାର୍ଟି ଏତେ ସଂଖ୍ୟକ ଆସନ ପାଇଥିଲା
ସୂଚନା ଥାଉ କି, ପୱନ କଲ୍ୟାଣଙ୍କ ଜନସେନା ପାର୍ଟି ଆନ୍ଧ୍ରପ୍ରଦେଶ ବିଧାନସଭାରେ ଦ୍ୱିତୀୟ ବୃହତ୍ତମ ଦଳ ଭାବେ ପରିଚିତ ହୋଇଛି । ଏନଡିଏ ସହଯୋଗୀ ଦଳର ଜନସେନା ପାର୍ଟି ମଧ୍ୟ ଲୋକସଭାର ଦୁଇଟି ଆସନରେ ପ୍ରାର୍ଥୀ କରି ଉଭୟ ଜିତିଛି । ବିଧାନସଭାରେ୨୧ଟି ଆସନ ଜିତିଛି। ଏହି ଅନୁଯାୟୀ ଦଳ ଶତପ୍ରତିଶତ ସଫଳତା ହାସଲ କରିଛି । ପୱନ କଲ୍ୟାଣଙ୍କ ବିଷୟରେ କଥାବାର୍ତ୍ତା କରି ସେ ନିଜେ ପୀଠାପୁରମ ଆସନରୁ ନିର୍ବାଚନରେ ଭାଗ ନେଇଥିଲେ ଏବଂ ସେ ୭୦୨୭୯ ଭୋଟରେ ପ୍ରତିଦ୍ୱନ୍ଦ୍ୱୀ ପ୍ରାର୍ଥୀଙ୍କୁ ହରାଇ ବିଜୟ ହାସଲ କରିଛନ୍ତି । ସେ ମୋଟ ୧୩୪୩୯୪ ଭୋଟ ପାଇଛନ୍ତି ।
ଏହା ମଧ୍ୟ ପଢନ୍ତୁ: ଜନାଦେଶ ୨୦୨୪: ହ୍ୟାଟ୍ରିକ ମାରିଲେ ହେମା, ଜିତିଲେ ରାମ, କେରଳରେ ପଦ୍ମ ଫୁଠାଇଲେ ସୁରେଶ ଗୋପୀ
ବ୍ୟୁରୋ ରିପୋର୍ଟ, ଇଟିଭି ଭାରତ
