ଭୁବନେଶ୍ୱର: ଖୁବଶୀଘ୍ର ପରଦାକୁ ଆସିବାକୁ ଯାଉଛି ଆଉ ଏକ ନୂଆ ଓଡ଼ିଆ ଫିଲ୍ମ 'ତୁ ମୋ କମଜୋରୀ' । ବୁଧବାର ସନ୍ଧ୍ୟାରେ ଆୟୋଜିତ ଭୁବନେଶ୍ୱର ରେ ଏକ ରଙ୍ଗାରଙ୍ଗ କାର୍ଯ୍ୟକ୍ରମରେ ଏହି ଫିଲ୍ମର ପୋଷ୍ଟର ଏବଂ ଅଡିଓ ରିଲିଜ ହୋଇଛି । ତ୍ରୀକୋଣୀୟ ପ୍ରେମ କାହାଣୀକୁ ନେଇ ଏହି ଚଳଚିତ୍ର ପ୍ରସ୍ତୁତ ହୋଇଥିବା ବେଳେ ଏକ ଭିନ୍ନ ପ୍ରେମ କାହାଣୀ ଦେଖିବେ ଦର୍ଶକ । ଏହି ସମୟରେ ନିର୍ମାତା ଫିଲ୍ମ ରିଲିଜ ମଧ୍ୟ ପ୍ରକାଶ କରିଛନ୍ତି । ତେବେ କେବେ ଫିଲ୍ମ ରିଲିଜ ହେବ ? ଜାଣନ୍ତୁ,
'ତୁ ମୋ କମଜୋରୀ' ପୋଷ୍ଟର ଏବଂ ଅଡିଓ ରିଲିଜ
ଲଭ, ରୋମାନ୍ସ ଓ ପାରିବାରିକ କାହାଣୀକୁ ନେଇ ଫିଲ୍ମଟି ଗିତିଶିଳ ହୋଇଥିବା ବେଳେ ବେଶସୁନ୍ଦର ଶବ୍ଦ ସଂଯୋଜନାର ୬ଟି ଗୀତ ରହିଛି । ବୁଧବାର ଏହାର ଅଡିଓ ରିଲିଜ ଥିବା ବେଳେ ସଂଗୀତ ନିର୍ଦ୍ଦେଶନା ପ୍ରେମ ଆନନ୍ଦ ଦେଇଛନ୍ତି। ଏଥିରେ ଥିବା 4ଟି ଗୀତରେ ସୁଗାୟିକା ଦୀପ୍ତିରେଖା, ହ୍ୟୁମାନ ସାଗର, ସବିଶେଷ, ଆଶୁତୋଷ, ଅନନ୍ୟା ଶ୍ରୀତମ ନନ୍ଦ ପ୍ରମୁଖ କଣ୍ଠଦାନ କରିବା ସହିତ ଏହି ଅଡିଓ ରିଲିଜ କାର୍ଯ୍ୟକ୍ରମରେ ଯୋଗ ଦେଇଥିଲେ । ଗୀତ ଗୁଡିକୁ ରଚନା କରିଛନ୍ତି ବସନ୍ତ ରାଜ ସାମଲ, ସୁବ୍ରତ ସ୍ୱାଇଁ ଏବଂ ନିର୍ମଳ ନାୟକ । ନୃତ୍ୟ କୋରିଓଗ୍ରାଫର ଅଛନ୍ତି ରାକେଶ ଦେଓ, ଏଡିଟର ରଞ୍ଜନ ଖାଟଇ । ଏହି କାର୍ଯ୍ୟକ୍ରମରେ ଅତିଥି ଭାବେ ଓଡ଼ିଶାର ବିଶିଷ୍ଟ ଅଭିନେତା ଓ ନିର୍ଦେଶକ ଶ୍ରୀତମ ଦାଶ, ବିଶିଷ୍ଟ ଲେଖକ ଶଙ୍କର ତ୍ରିପାଠୀ, କ୍ରିଏଟିଭ ପବ୍ଲିସିଟି ନିର୍ଦ୍ଦେଶକ ଏବଂ ଲେଖକ ଶ୍ୟାମା ପ୍ରସାଦ ମିଶ୍ର ପ୍ରମୁଖ ଯୋଗ ଦେଇଥିଲେ ।
ଏହି ଦିନ ରିଲିଜ ହେବ ଫିଲ୍ମ
ସିରିଆଲ ଓ ଆଲବମ ଜଗତରେ ବେଶ ଜଣାଶୁଣା ଥିବା ରାକେଶ ଦେଓ ମୁଖ୍ୟ ଚରିତ୍ରରେ ନଜର ଆସିବେ । ଯାହା ଫିଲ୍ମରେ ବେଶ ମନୋରଞ୍ଜନର ଖୋରାକ ଯୋଗାଇବା ଦର୍ଶକଙ୍କୁ ବୋଲି ମତବ୍ୟକ୍ତ କରିଛ ପ୍ରଯୋଜନା ସଂସ୍ଥା । ତେବେ ଫିଲ୍ମଟି ସୁପ୍ରିମ ଏଣ୍ଟରଟେନମେଣ୍ଟ ବ୍ୟାନରରେ ରିଲିଜ ହୋଇଥିବା ବେଳେ ମୌଳିକ କାହାଣୀ ଉପରେ ଏକ ଭିନ୍ନ ସ୍ୱାଦର ପ୍ରେମ କାହାଣୀ ଅଟେ । ଏହି ଚଳଚିତ୍ରର କାହାଣୀ ଆଶୁତୋଷ ତ୍ରିପାଠୀ ଲେଖିଥିବା ନିର୍ମଳ ନାୟକ ସଂଳାପ ରଚନା କରିଛନ୍ତି । ପ୍ରଯୋଜକ ଅଛନ୍ତି ସୁରେଶ ସାହୁ ଏବଂ ସହ ପ୍ରଯୋଜକ ଅଛନ୍ତି ଭାର୍ଗବୀ ତ୍ରିପାଠୀ । ସନ୍ତୋଷ ବିଶ୍ୱାଳ ଏହି ଚଳଚିତ୍ରର ନିର୍ଦ୍ଦେଶକ ଥିବା ବେଳେ ରାକେଶଙ୍କ ବ୍ୟତୀତ ଏଥିରେ ଅନୁଭା ଓ ଲିପିକା .ଅନ୍ୟ ମାନଙ୍କ ମଧ୍ୟରେ ରତନ ମେହେର ,ଅଶ୍ରୁମୋଚନ ମହାନ୍ତି, ନଟିଆ, ସଚିନ, ଆଶିଷ, ସୁଶାନ୍ତ, ଯୋଗେଶ ଯୋଜ ପ୍ରମୁଖ ଅଭିନୟ କରିଛନ୍ତି । ତେବେ ଫିଲ୍ମ ଆସନ୍ତା ନଭେମ୍ୱର 15ରେ ରିଲିଜ ହେବ ।
ଏହା ମଧ୍ୟ ପଢନ୍ତୁ: ଓଡ଼ିଆ ଚଳଚ୍ଚିତ୍ର 'ନିର୍ଣ୍ଣୟ'ର ଅଡିଓ ରିଲିଜ, ୨୬ ଏପ୍ରିଲରେ ଶୁଭମୁକ୍ତି
ଇଟିଭି ଭାରତ, ଭୁବନେଶ୍ୱର
