ହାଇଦ୍ରାବାଦ: ଗିରଫ ହେଲେ ବଲିଉଡ ଅଭିନେତ୍ରୀ ନର୍ଗିସ ଫାଖରିଙ୍କ ଭଉଣୀ ଆଲିଆ ଫାଖରି । ଆଲିଆଙ୍କ ନାଁରେ ହତ୍ୟା ଅଭିଯୋଗ । ଆଲିଆ ତାଙ୍କ ପୂର୍ବତନ ପ୍ରେମିକ ଏଡୱାର୍ଡ ଯାଦବ ଏବଂ ତାଙ୍କ ସାଙ୍ଗ ଆନାସ୍ଥାସିଆ ଏଟିନିଙ୍କୁ ହତ୍ୟା କରିଥିବା ଅଭିଯୋଗ ହୋଇଛି । ଯାହା ପରେ ପୋଲିସ ତାଙ୍କୁ ଗିରଫ କରିଛି । ଏହି ଘଟଣା ଉଭୟ ଫାଖରି ପରିବାର ଏବଂ ସାଧାରଣ ଜନତାଙ୍କୁ ଚକିତ କରିଛି ।
ଆଲିଆ ଫାଖରି କିଭଳି କରିଥିଲେ ହତ୍ୟା ?
ମିଡିଆ ରିପୋର୍ଟ ଅନୁସାରେ, ଆଲିଆ ନ୍ୟୁୟର୍କର କୁଇନ୍ସରେ ଥିବା ଦୁଇ ମହଲା ବିଶିଷ୍ଟ ଗ୍ୟାରେଜରେ ନିଆଁ ଲଗାଇଥିଲେ । ସକାଳ 6.20 ସମୟରେ ପୂର୍ବତନ ପ୍ରେମିକ ଏଡୱାର୍ଡ ଜେକ୍ସ ଏବଂ ତାଙ୍କ ମହିଳା ବନ୍ଧୁ ଦୁଇଜଣ ଶୋଇଥିବା ଅବସ୍ଥାରେ ନିଆଁ ଲଗାଇଥିଲେ ଆଲିଆ । ନିଆଁ ଲାଗିବା ଫଳରେ ପ୍ରବଳ ଧୂଆଁରେ ଶ୍ୱାସରୁଦ୍ଧ ସହ ଥର୍ମାଲ ଆଘାତ ଲାଗି ଉଭୟଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଏହି ମାମଲାରେ ଆଲିଆଙ୍କୁ ଗିରଫ କରାଯାଇଛି ।
ପୁଅର ମୃତ୍ୟୁରେ କ'ଣ କହିଲେ ମାଆ ?
ସୂତ୍ରରୁ ପ୍ରକାଶ ଯେ ଘଟଣାର ପ୍ରାୟ ଏକ ବର୍ଷ ପୂର୍ବରୁ ଜେକ୍ସ ଆଲିଆଙ୍କ ସହ ତାଙ୍କର ସମ୍ପର୍କ ସମାପ୍ତ କରିଥିଲେ, କିନ୍ତୁ ସେ ଆଗକୁ ବଢି ପାରିନଥିଲେ ଏବଂ ତାଙ୍କ ପିଛା କରୁଥିଲେ। ଜେକ୍ସଙ୍କ ମାଆ ଗଣମାଧ୍ୟମକୁ ଦେଇଥିବା ଏକ ସାକ୍ଷାତକାରରେ ପ୍ରକାଶ କରିଥିଲେ ଯେ ଜେକ୍ସ ଆଲିଆଙ୍କୁ ସ୍ପଷ୍ଟ କରିଥିଲେ ଯେ ଏହି ସମ୍ପର୍କ ଭାଙ୍ଗିସାରିଛି । କିନ୍ତୁ ଏହାକୁ ଗ୍ରହଣ କରିପାରିନଥିଲେ ଆଲିଆ ।
ଆଲିଆ ଫାଖରିଙ୍କୁ ନିର୍ଦ୍ଦୋଷ କହିଲେ ମାଆ
ଏହି ଘଟଣାରେ ନର୍ଗିସ୍ ଫାଖରି ସର୍ବସାଧାରଣରେ ମନ୍ତବ୍ୟ ଦେଇ ନ ଥିବାବେଳେ ତାଙ୍କ ମାଆ ଆଲିଆଙ୍କୁ ଏପରି ହିଂସା କରିବାର ସମ୍ଭାବନାକୁ ଅସ୍ୱୀକାର କରିଛନ୍ତି ଏବଂ ତାଙ୍କୁ ଅନ୍ୟମାନଙ୍କୁ ସାହାଯ୍ୟ କରିବାକୁ ଚେଷ୍ଟା କରୁଥିବା ଜଣେ ଯତ୍ନଶୀଳ ବ୍ୟକ୍ତି ବୋଲି କହି ସେ ନିର୍ଦ୍ଦୋଷ ବୋଲି କହିଛନ୍ତି । ଆଲିଆ ଫାଖରିଙ୍କୁ ଯଦି ଦୋଷୀ ସାବ୍ୟସ୍ତ ହୁଅନ୍ତି ତେବେ ତାଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇପାରେ। ଡିସେମ୍ବର 9 ରେ ସେ ପୁଣି କୋର୍ଟରେ ହାଜର ହେବାର କାର୍ଯ୍ୟକ୍ରମ ରହିଛି ।
ଏହା ମଧ୍ୟ ପଢନ୍ତୁ: ଏହି କାରଣ ପାଇଁ ଫିଲ୍ମ ଇଣ୍ଡଷ୍ଟ୍ରି ଦୂରେଇ ଗଲେ ରକଷ୍ଟାର ଫେମ୍ ନର୍ଗିସ୍ ଫାଖରି
ନର୍ଗିସ୍ ଫାଖରିଙ୍କ ୱାର୍କପ୍ରଣ୍ଟ ବିଷୟରେ କହିବାକୁ ଗଲେ, ନର୍ଗିସ୍ ଫାଖରି ଜଣେ ବଲିଉଡର ଜଣେ ପ୍ରସିଦ୍ଧ ଅଭିନେତ୍ରୀ । ଯିଏ 2011 ରିଲିଜ ଫିଲ୍ମ 'ରକଷ୍ଟାର'ରେ ରଣବୀର କପୁରଙ୍କ ସହ ନଜର ଆସିଥିଲେ ଏବଂ ନିଜ ଭୂମିକା ପାଇଁ ବେଶ ପ୍ରଶଂସା ସହ ଖ୍ୟାତି ଅର୍ଜନ କରିଥିଲେ । ଏହା ପରେ ସେ ଅନେକ ହିଟ୍ ଫିଲ୍ମରେ ଅଭିନୟ କରିଥିଲେ । ବର୍ତ୍ତମାନ ନର୍ଗିସ୍ 'ହରି ହର ଭୀରା ମଲ୍ଲୁ' ଏବଂ 'ହାଉସଫୁଲ୍ 5' ରେ ନଜର ଆସିବାକୁ ଯାଉଛନ୍ତି ।
ଏହା ମଧ୍ୟ ପଢନ୍ତୁ: ଯାତ୍ରା ମଞ୍ଚରେ ଖାଇଲେ ଜୀଅନ୍ତା ଘୁଷୁରୀ, ବନ୍ଧା ହେଲେ କଳାକାର-ନିର୍ଦ୍ଦେଶକ
ବ୍ୟୁରୋ ରିପୋର୍ଟ, ଇଟିଭି ଭାରତ
