ହାଇଦ୍ରାବାଦ: ବରୁଣ ଧୱନଙ୍କ ଅଭିନୀତ 'ବେବି ଜନ'ର ପ୍ରଥମ ଗୀତ 'ନେନ ମଟକ୍କା' ମୁକ୍ତିଲାଭ କରିଛି। ଏଥିରେ ବରୁଣ ଏବଂ କିର୍ତ୍ତୀ ସୁରେଶଙ୍କ ଡ୍ୟାନ୍ସ ପ୍ରଶଂସକଙ୍କ ହୃଦୟ ଜିତିଛି ।'ନେନ ମଟକ୍କା' ଥମନ ଏସ୍ ରଚନା କରିଛନ୍ତି ଏବଂ ଦିଲଜିତ ଦୋସଞ୍ଜ ଏବଂ ଦୀକ୍ଷିତା ଭେଙ୍କଦସନ ଏହି ଗୀତ ଗାଇଛନ୍ତି। ଦିଲଜିତ ଦୋସାଞ୍ଜଙ୍କ ସ୍ୱର ସାଙ୍ଗକୁ ବରୁଣ ଧୱନ ଏବଂ କିର୍ତ୍ତୀ ସୁରେଶଙ୍କ ସିଜଲିଂ କେମେଷ୍ଟ୍ରିକୁ ଲୋକେ ବେଶ ପସନ୍ଦ କରିଛନ୍ତି ।
ବରୁଣ-କିର୍ତ୍ତୀଙ୍କ କେମେଷ୍ଟ୍ରି ମନ ଜିତିଛି
ବରୁଣ ଧୱନ ଏବଂ କିର୍ତ୍ତୀ ସୁରେଶ ପ୍ରଥମ ଥର ପାଇଁ 'ବେବି ଜନ୍' ରେ ସ୍କ୍ରିନ୍ ସେୟାର କରିବାକୁ ଯାଉଛନ୍ତି । ଫ୍ୟାନ୍ସ ଉଭୟଙ୍କର ଅନ୍-ସ୍କ୍ରିନ୍ କେମେଷ୍ଟ୍ରି ଦେଖିବାକୁ ଉତ୍ସାହିତ ଥଲେ ଏବଂ ବର୍ତ୍ତମାନ ଏହାର ଝଲକ ଦେଖିବାକୁ ମିଳିଛି । କାରଣ 'ବେବି ଜନ୍' ଫିଲ୍ମର ପ୍ରଥମ ଗୀତ ରିଲିଜ୍ ହୋଇଛି ଏବଂ ଏଥିରେ ବରୁଣ-କିର୍ତ୍ତୀ କେମେଷ୍ଟ୍ରି ଏବଂ ଡ୍ୟାନ୍ସ ସମସ୍ତଙ୍କ ମନ ଜିତିଛି । ଏହି ଗୀତ ରିଲିଜ ହେବା ପରେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।
ଏହି ଦିନ ରିଲିଜ ହେବ ଫିଲ୍ମ
କିର୍ତ୍ତୀ ସୁରେଶଙ୍କୁ ବରୁଣ ଧୱନଙ୍କ 'ବେବି ଜନ୍'ରେ ପ୍ରଥମ ଥର ପାଇଁ ଦେଖିବାକୁ ମିଳିବ । ସେ ଏହି ଚଳଚ୍ଚିତ୍ର ସହ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ଏହି ଚଳଚ୍ଚିତ୍ରରେ ସେ ବରୁଣଙ୍କ ପତ୍ନୀ ଭୂମିକାରେ ଅଭିନୟ କରୁଛନ୍ତି । ଏଥିରେ ବରୁଣ ଜଣେ ପୋଲିସ୍ ଭୂମିକାରେ ଅଛନ୍ତି । ଏଥିରେ ଜ୍ୟାକି ଶ୍ରଫ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି । ଖ୍ରୀଷ୍ଟମାସ ଅବସରରେ ଏହି ଫିଲ୍ମ 25 ଡିସେମ୍ବରରେ ମୁକ୍ତିଲାଭ କରିବ । କାର୍ତ୍ତି ଅନେକ ତାମିଲ, ତେଲୁଗୁ ଏବଂ ମାଲାୟାଲମ୍ ଚଳଚ୍ଚିତ୍ରରେ କାମ କରି ହିଟ୍ ଫିଲ୍ମ ଦେବା ସହ ବେଶ ଲୋକପ୍ରିୟତା ହାସଲ କରିଛନ୍ତି ।
ଏହା ମଧ୍ୟ ପଢନ୍ତୁ: ସାଉଥ ହସିନା କୀର୍ତ୍ତି ସୁରେଶଙ୍କୁ ମିଳିଲା ଜୀବନସାଥୀ, ଏହି ଦିନ କରିବେ ବିବାହ
ଡିସେମ୍ୱରରେ ବିବାହ କରିବେ କୀର୍ତ୍ତି !
କହିରଖୁଛୁ କି, ଏହି ଫିଲ୍ମ ସହ କୀର୍ତ୍ତି ଫ୍ୟାନ୍ସଙ୍କୁ ଆଉ ଏକ ସରପ୍ରାଇଜ ଦେବାକୁ ଯାଉଛନ୍ତି । ରିପୋର୍ଟ ଅନୁଯାୟୀ, କିର୍ତ୍ତୀ ସୁରେଶ ବିବାହ କରିବାକୁ ଯାଉଛନ୍ତି । ଆସନ୍ତା ଡିସେମ୍ବର 11 କିମ୍ବା 12 ରେ ବିବାହ କରିବେ ବୋଲି ଚର୍ଚ୍ଚା ହେଉଛି । 15 ବର୍ଷର ଡେଟିଂ ପରେ ବୟଫ୍ରେଣ୍ଡ ଆଣ୍ଟୋନିଙ୍କୁ ତାଙ୍କ ଜୀବନ ସାଥୀ କରିବାକୁ ଯାଉଥିବା କୁହାଯାଉଛି । ତେବେ ବିବାହ ନେଇ କିର୍ତ୍ତୀ କିମ୍ୱା ତାଙ୍କ ପରିବାର ପକ୍ଷରୁ କିଛି ସୂଚନା ମିଳିନଥିବା ବେଳେ ଖୁବ ଶୀଘ୍ର ଏହାର ଅଫିସିଆଲ୍ ଘୋଷଣା କରିପାରନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
