ହାଇଦ୍ରାବାଦ: ଫ୍ୟାନ୍ସଙ୍କ ପାଇଁ ଖୁସି ଖବର । ନୂଆ ଫିଲ୍ମ ସହ ପୁଣିଥରେ ଧମାକା କରିବାକୁ ଯାଉଛନ୍ତି ରଜନୀକାନ୍ତ । ମାଷ୍ଟର, ବିକ୍ରମ ଏବଂ କଏଦୀ ଭଳି ହିଟ୍ ଚଳଚ୍ଚିତ୍ର ଦେଇଥିବା ଲୋକପ୍ରିୟ ଚଳଚ୍ଚିତ୍ର ନିର୍ମାତା ଲୋକେଶ କାନାଗରାଜଙ୍କ ସହିତ ପ୍ରଥମ ଥର କାମ କରିବେ ରଜନୀକାନ୍ତ । ଲେ ଲୋକେଶଙ୍କ ସହ ଫିଲ୍ମ 'ଥଲାଇବର ୧୭୧' କରିବାକୁ ଯାଉଛନ୍ତି । ବର୍ତ୍ତମାନ ଅଭିନେତା ତାଙ୍କ ଫିଲ୍ମ 'ବେଟିୟାନ'ର ସୁଟିଂରେ ବ୍ୟସ୍ତ ଅଛନ୍ତି । ଆଉ ଏହାରି ମଧ୍ୟରେ ତାଙ୍କର ଆଗାମୀ ଫିଲ୍ମ 'ଥଲାଇବର ୧୭୧'ର ସୁଟିଂ କେବେ ଆରମ୍ଭ ହେବ ସାମ୍ନାକୁ ଆସିଛି ।
ଫିଲ୍ମ ନିର୍ଦ୍ଦେଶକ ଏକ ସାକ୍ଷାତକାରରେ 'ଥଲାଇବର ୧୭୧' ସୁଟିଂ କେବେ ଆରମ୍ଭ ହେବ କହିଛନ୍ତି । ଫିଲ୍ମର ପ୍ରି-ପ୍ରଡକ୍ସନ କାମ ଚାଲିଛି । ଆଉ ଫିଲ୍ମ ସୁଟିଂ ଚଳିତ ବର୍ଷ ଜୁନ ମାସରେ ଆରମ୍ଭ ହେବାକୁ ଯାଉଛି । ସୁଟିଂ ଆରମ୍ଭ ହେବା ନେଇ ଅଫିସିଆଲ ନୋଟିସ ଆସିବାକୁ ବାକି ଅଛି ବୋଲି କହିଛନ୍ତି । କୁହାଯାଉଛି ଯେ ଏହି ଫିଲ୍ମର ଟିଜର ଓ ଟାଇଟଲ ଆସନ୍ତା ମାସ ଅର୍ଥାତ ଏପ୍ରିଲ ମାସରେ ସାମ୍ନାକୁ ଆସିବ । ସେହିପରି ମାର୍ଚ୍ଚ 25ରେ ଲୋକେଶ ଅଭିନେତ୍ରୀ ଶ୍ରୁତି ହାସନଙ୍କ ମ୍ୟୁଜିକ୍ ଭିଡିଓ 'ଇନାମେଲ'କୁ ପ୍ରମୋଟ୍ କରିଥିଲେ । ଏହି ସମୟ ନିର୍ଦ୍ଦେଶକ ଥଲାଇବାର୍ 171 ଏବଂ କଏଦୀ 2ର ଅପଡେଟ୍ ସେୟାର କରିଥିଲେ |
ଏହା ମଧ୍ୟ ପଢନ୍ତୁ-୨୫ ବର୍ଷ ପରେ ପୁଣି ଏକାଠି ନଜର ଆସିବେ ଏଆର ରେହମାନ-ପ୍ରଭୁ ଦେବା
ନିର୍ଦ୍ଦେଶକ ଆହୁରି ମଧ୍ୟ କହିଛନ୍ତି ଯେ, ଫିଲ୍ମର ପ୍ରି-ପ୍ରଡକ୍ସନ୍ କାମ ଚାଲିଛି ଏବଂ ସୁଟିଂ ଜୁନ୍ ମାସରେ ଆରମ୍ଭ ହେବାକୁ ଯାଉଛି । ଏହି ପୁରା ପ୍ରକ୍ରିୟା ପାଇଁ ବର୍ଷେରୁ ଦେଢ ବର୍ଷ ସମୟ ଲାଗିବ । ଥଲାଇବାର ସୁଟିଂ ସାରିବା ପରେ କଏଦୀ ୨ ସୁଟିଂ ଆରମ୍ଭ କରିବା ନେଇ କହିଛନ୍ତି । ପ୍ରକାଶ ଥାଉକି, ସୁପରଷ୍ଟାର ବିଜୟ, କମଲ ହାସନଙ୍କ ପରେ ବର୍ତ୍ତମାନ ପ୍ରଥମ ଥର ପାଇଁ ସୁପରଷ୍ଟାର ରଜନୀକାନ୍ତଙ୍କ ସହ କାମ କରିବାକୁ ଯାଉଛନ୍ତି ନିର୍ମାତା ଲୋକେଶ କାନାଗରାଜ । ସନ୍ ପିକ୍ଚର୍ସ ଏହି ଚଳଚ୍ଚିତ୍ର ନିର୍ମାଣ କରୁଛି ଏବଂ ଫିଲ୍ମ ସେପ୍ଟେମ୍ବର 2023ରେ ଘୋଷଣା କରାଯାଇଥିଲା ।
