ହାଇଦ୍ରାବାଦ: ସାଉଥ ଲୋକପ୍ରିୟ ଅଭିନେତ୍ରୀ କୀର୍ତ୍ତି ସୁରେଶଙ୍କ ପଡ଼ିଲା ହାତଗଣ୍ଠି । ଦୀର୍ଘ ଦିନର ବୟଫ୍ରେଣ୍ଡ ତଥା ବ୍ୟବସାୟୀ ଆଣ୍ଟୋନି ଥାଟିଲଙ୍କ ବିବାହ କରିଛନ୍ତି କୀର୍ତ୍ତି । ସୋସିଆଲ ମିଡିଆରେ ଆଜି (ନଭେମ୍ୱର 12, ଗୁରୁବାର) କୀର୍ତ୍ତି ବିବାହ ଫଟୋ ସେୟାର କରି ଝଲକ ଦେଖାଇଛନ୍ତି । 15 ବର୍ଷ ଧରି ଉଭୟ ଡେଟିଂ କରୁଥିବା ବେଳେ ବର୍ତ୍ତମାନ ସାତଜନ୍ମର ସାଥୀ ହୋଇଛନ୍ତି । ଉଭୟଙ୍କ ବିବାହ ଫଟୋ ସାମ୍ନାକୁ ଆସିବା ପରେ କପଲଙ୍କୁ ଛୁଟୁଛି ଶୁଭେଚ୍ଛାର ସୁଅ ।
15 ବର୍ଷର ସମ୍ପର୍କରେ ମୋହର ଲଗାଇଲେ କୀର୍ତ୍ତି ସୁରେଶ
ଗୋଆରେ ଏକ ବ୍ୟକ୍ତିଗତ ସମାରୋହରେ ଅଭିନେତ୍ରୀ କିର୍ତ୍ତୀ ସୁରେଶ ଆଣ୍ଟୋନି ଥାଟିଲଙ୍କୁ ବିବାହ କରିଛନ୍ତି । ପରିବାର ଏବଂ ସମ୍ପର୍କୀୟଙ୍କ ଉପସ୍ଥିତିରେ ସାଉଥ ପାରମ୍ପରିକ ରୀତିନୀତିରେ ଉଭୟ ବିବାହ ସମ୍ପର୍ଣ୍ଣ ହୋଇଛି । କିର୍ତ୍ତୀ ତାଙ୍କ ବିବାହର ଫଟୋ ସୋସିଆଲ ମିଡିଆ ଇନଷ୍ଟାଗ୍ରାମରେ ସେୟାର କରିଛନ୍ତି । ଏହି ଫଟୋ ଗୁଡ଼ିକରେ ବିବାହର ଝଲକ ଦେଖିବାକୁ ମିଳିଛି । କୀର୍ତ୍ତି ବରମାଳା ଠାରୁ ମଙ୍ଗଳସୂତ୍ର ପିନ୍ଧିବା ଯାଏଁ ଝଲକ ଦେଖାଇଛନ୍ତି । କିର୍ତ୍ତୀ ସୁରେଶ ତାଙ୍କ ବରମାଳା ସମାରୋହରେ ହଳଦିଆ ଏବଂ ଗ୍ରୀନ ଶାଢୀ ସହ ସାଉଥ ପାରମ୍ପରିକ ଲୁକରେ ନଜର ଆସିଛନ୍ତି । ବରମାଳା ସମୟରେ କିର୍ତ୍ତୀ ଭାବବିହ୍ୱଳ ହୋଇଥିବା ବେଳେ ତାଙ୍କୁ ଆଣ୍ଟୋନି ସମ୍ଭାଳିଥିବାର ନଜର ଆସିଛନ୍ତି । ଏହି ଫଟୋ ସାମ୍ନାକୁ ଆସିବା ପରେ ପ୍ୟାନ୍ସଙ୍କ ଟାରୁ ସେଲିବ୍ରିଟି ପ୍ରତିକ୍ରିୟାରେ ନବ ଦମ୍ପତିଙ୍କୁ ଶୁଭେଚ୍ଛା ଜଣାଇଛନ୍ତି ।
ଆଣ୍ଟୋନି ଥାଟିଲ୍ କିଏ?
କିର୍ତ୍ତୀ ସୁରେଶ ଏବଂ ଆଣ୍ଟୋନି 15 ବର୍ଷ ଧରି ପରସ୍ପରକୁ ଡେଟ୍ କରୁଥିଲେ । ବର୍ତ୍ତମାନ 15 ବର୍ଷ ଡେଟିଂ ପରେ ଉଭୟ ବିବାହ କରିଛନ୍ତି । ଖବର ଅନୁଯାୟୀ, କିର୍ତ୍ତୀ ସୁରେଶ ସେହି ସମୟରେ ଉଚ୍ଚ ବିଦ୍ୟାଳୟରେ ପଢୁଥିଲେ ଏବଂ ଆଣ୍ଟୋନି କୋଚିରେ ଗ୍ରାଜୁଏସନ କରୁଥିଲେ । ଉଭୟ ଯୁବା ଅବସ୍ଥାରେ ସାକ୍ଷାତ ହୋଇଥିଲେ । ବର୍ତ୍ତମାନ ଆଣ୍ଟୋନି ଦୁବାଇରେ ଅଛନ୍ତି ଏବଂ ଜଣେ ବ୍ୟବସାୟୀ । ତାଙ୍କ ପରିବାର ଏବଂ ପୃଷ୍ଠଭୂମି ବିଷୟରେ ଅଧିକ ସୂଚନା ପ୍ରକାଶ କରାଯାଇ ନାହିଁ । ଇନଷ୍ଟାଗ୍ରାମରେ ଆଣ୍ଟୋନି ଥାଟିଲଙ୍କର 548 ଫୋଲର୍ସ ଅଛନ୍ତି ।
ଏହା ମଧ୍ୟ ପଢନ୍ତୁ: ଚର୍ଚ୍ଚାରେ ପୂର୍ଣ୍ଣଚ୍ଛେଦ, 15 ବର୍ଷ ସମ୍ପର୍କରେ ମୋହର ଲଗାଇଲେ କୀର୍ତ୍ତି ସୁରେଶ
ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ, କାର୍ତ୍ତି ଅନେକ ତାମିଲ, ତେଲୁଗୁ ଏବଂ ମାଲାୟାଲମ୍ ଚଳଚ୍ଚିତ୍ରରେ କାମ କରି ହିଟ୍ ଫିଲ୍ମ ଦେବା ସହ ବେଶ ଲୋକପ୍ରିୟତା ହାସଲ କରିଛନ୍ତି । ବର୍ତ୍ତମାନ କୀର୍ତ୍ତି ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ବରୁଣ ଧୱନଙ୍କ 'ବେବି ଜନ୍' ରେ ତାଙ୍କୁ ଦେଖିବାକୁ ମିଳିବ । ସେ ଏହି ଚଳଚ୍ଚିତ୍ର ସହିତ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ଏହି ଚଳଚ୍ଚିତ୍ରରେ ସେ ବରୁଣଙ୍କ ପତ୍ନୀ ଭୂମିକାରେ ଅଭିନୟ କରୁଛନ୍ତି । ଏଥିରେ ବରୁଣ ଜଣେ ପୋଲିସ୍ ଭୂମିକାରେ ଅଛନ୍ତି । ଏଥିରେ ଜ୍ୟାକି ଶ୍ରଫ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି । ଖ୍ରୀଷ୍ଟମାସ ଅବସରରେ ଏହି ଫିଲ୍ମ 25 ଡିସେମ୍ବରରେ ମୁକ୍ତିଲାଭ କରିବ ।
ଏହା ମଧ୍ୟ ପଢନ୍ତୁ: 'ବେବି ଜନ' ପ୍ରଥମ ଗୀତ 'ନେନ ମଟକ୍କା' ରିଲିଜ; ବରୁଣ-କୀର୍ତ୍ତିଙ୍କ କେମେଷ୍ଟ୍ରି ଦେଖି ଫିଦା ଫ୍ୟାନ୍ସ
ବ୍ୟୁରୋ ରିପୋର୍ଟ, ଇଟିଭି ଭାରତ
