ହାଇଦ୍ରାବାଦ: ଦୀପିକା ପାଦୁକୋନ୍ ଏବଂ ପ୍ରଭାସଙ୍କ ଚଳଚ୍ଚିତ୍ର 'କଲ୍କି 2898 AD' ରିଲିଜ୍ ହେବା ଦିନଠାରୁ ପରଦାରେ ଧମାକା କରୁଛି । ଫିଲ୍ମ ଦିନକୁ ଦିନ କ୍ରେଜ ବଢୁଥିବା ବେଳେ ଥିଏଟରରେ ଭିଡ଼ ଜମୁଛି । ଫଳରେ ବକ୍ସ ଅଫିସରେ ମଧ୍ୟ ଫିଲ୍ମ ଧୂଆଁଧାର କଲେକ୍ସନ କରୁଛି । ଏହିପରି ଫିଲ୍ମ ରିଲିଜର ଏକ ସପ୍ତାହ ମଧ୍ୟ ପୂରିନଥିବା ବେଳେ ଫିଲ୍ମ ନିଜ ବଜେଟର ଅଧା ଟଙ୍କା କଲେକ୍ସନ କରିସାରିଲାଣି । ୬୦୦ କୋଟି ବଜେଟରେ ନିର୍ମିତ ଏହି ଫିଲ୍ମ ବର୍ତ୍ତମାନ ୬ଷ୍ଠ ଦିନରେ ୩୦୦ କୋଟିରୁ ଅଧିକ ଟଙ୍କା ଆୟ କରି ସଫଳତା ହାସଲ କରିଛି ।
ରିଲିଜ୍ ହେବାର ଷଷ୍ଠ ଦିନରେ 'କଲ୍କି 2898 AD' କେତେ ରୋଜଗାର କଲା?
'କଲ୍କି 2898 AD' ହିନ୍ଦୀ ସମେତ ତାମିଲ, ତେଲୁଗୁ, କନ୍ନଡ଼, ମାଲାୟାଲମ ଭଳି ଭାଷାରେ ରିଲିଜ କରିଥିବା ବେଳେ ସମସ୍ତ ଭାଷାରେ ଫିଲ୍ମ ଭଲ ପ୍ରଦର୍ଶନ କରୁଛି । ପ୍ରଥମ ଦିନରେ ୯୫.୩ କୋଟି ଆୟ କରିଥିବା ବେଳେ ବର୍ତ୍ତମାନ ୬ଷ୍ଠ ଦିନରେ ମଧ୍ୟ ଫିଲ୍ମର ଜଲୱା ଦେଖିବାକୁ ମିଳିଛି । ଫିଲ୍ମ ୬ଷ୍ଠ ଦିନରେ ସମସ୍ତ ଭାଷାରେ ୨୭. ୯୫ କୋଟି କଲେକ୍ସନ କରିଥିବା ବେଳେ ମୋଟ ୩୭୧ କୋଟି ଆୟ କରି ସଫଳତା ହାସଲ କରିଛି ।
କଲ୍କି 2898 AD: ବକ୍ସ ଅଫିସ କଲେକ୍ସନ
- ଜୁନ ୨୭, ପ୍ରଥମ ଦିନ- ୯୫.୩ କୋଟି
- ଜୁନ ୨୮, ଦ୍ୱିତୀୟ ଦିନ- ୫୯.୩ କୋଟି
- ଜୁନ ୨୯, ତୃତୀୟ ଦିନ- ୬୬.୨ କୋଟି
- ଜୁନ ୩୦, ଚତୁର୍ଥ ଦିନ- ୮୮.୨ କୋଟି
- ଜୁଲାଇ ୧, ପଞ୍ଚମ ଦିନ- ୩୪.୧୫ କୋଟି
- ଜୁଲାଇ ୨, ୬ଷ୍ଠ ଦିନ- ୨୭. ୯୫ କୋଟି
ଫିଲ୍ମର ମୋଟ କଲେକ୍ସନ ୩୭୧.୧ କୋଟି ଟଙ୍କାକୁ ବୃଦ୍ଧି
'କଲ୍କି' ଏହି ଫିଲ୍ମର ରେକର୍ଡ ଭାଙ୍ଗିଛି
'କଲ୍କି' ରିଲିଜ୍ ହେବାର ଷଷ୍ଠ ଦିନରେ ମଧ୍ୟ 27.85 କୋଟି ଟଙ୍କା ଆୟ କରି ଚଳଚ୍ଚିତ୍ରଟି ଆନିମଲ, ବାହୁବଲୀ ୨, ପଠାନ, ଧୁମ 3 ଏବଂ ଜବାନର ଷଷ୍ଠ ଦିନର ରୋଜଗାରର ରେକର୍ଡ ଭାଙ୍ଗିଛି ।
- ଷଷ୍ଠ ଦିନରେ 'ଆନିମଲ' ୨୭.୮ କୋଟି ଟଙ୍କା ଆୟ କରିଥିଲା
- 'ବାହୁବଲୀ ୨' ଷଷ୍ଠ ଦିନରେ ୨୬ କୋଟି ଟଙ୍କା ରୋଜଗାର କରିଥିଲା
- ଷଷ୍ଠ ଦିନରେ 'ପଠାନ' ୨୫.୫ କୋଟି ଟଙ୍କା ଆୟ କରିଥିଲା।
- ରିଲିଜର ଷଷ୍ଠ ଦିନରେ 'ଧୁମ୍ ୩' ର ଆୟ ୨୪.୫୭ କୋଟି ଟଙ୍କା ଥିଲା
- ଷଷ୍ଠ ଦିନରେ ଜବାନ ୨୪ କୋଟି ଟଙ୍କା ଆୟ କରିଥିଲା
ଏହା ମଧ୍ୟ ପଢନ୍ତୁ: ଓଡ଼ିଶାରେ 'କଲ୍କି' କ୍ରେଜ; ଭୁବନେଶ୍ୱର-ବ୍ରହ୍ମପୁରରେ ଶୋ' ହାଉସଫୁଲ, ଶ୍ରେଷ୍ଠ ଫିଲ୍ମ ଟ୍ୟାଗ ଦେଲେ ଦର୍ଶକ
ଖୁବଶୀଘ୍ର ବଜେଟ ମୂଲ୍ୟ ଆୟ କରିପାରେ 'କଲ୍କି'
‘କଲ୍କି 2898 AD’ 600 କୋଟି ଟଙ୍କା ବଜେଟ୍ ସହିତ ନିର୍ମିତ ଏକ ଚଳଚ୍ଚିତ୍ର । ଏହି ଚଳଚ୍ଚିତ୍ର ରିଲିଜ୍ ହେବାର ୬ ଦିନରେ ୩୭୦ କୋଟି ଆୟ କରି ଏହାର ବଜେଟ ମୂଲ୍ୟର ଅଧାରୁ ଅଧିକ ଆୟ କରିଛି । ତେବେ ଯଦି ଚଳଚ୍ଚିତ୍ରଟି ଯେଉଁ ଦୈନିକ ୨୦କୋଟିରୁ ଅଧିକ ଟଙ୍କା ରୋଜଗାର କରୁଛି ତାହା ହେଲେ ଫିଲ୍ମ ଖୁବଶୀଘ୍ର ନିଜ ବଜେଟ ମୂଲ୍ୟ ଆୟ କରିପାରିବ । କଲ୍କି 2898ADର ନିର୍ଦ୍ଦେଶନା ଲୋକପ୍ରିୟ ନିର୍ଦ୍ଦେଶକ ନାଗା ଅଶ୍ୱିନ ଦେଇଥିବା ବେଳେ ବୈଜନ୍ତୀ ମୁଭିଜ ଦ୍ବାରା ଏହା ନିର୍ମାଣ ହୋଇଛି । ଏହି ଫିଲ୍ମରେ ସାଉଥ ସୁପରଷ୍ଟାର ପ୍ରଭାସଙ୍କ ସମେତ ଅଭିନେତା କମଲ ହାସନ, ବଲିଉଡ ସୁପରଷ୍ଟାର ଅମିତାଭ ବଚ୍ଚନ ଏବଂ ଅଭିନେତ୍ରୀ ଦୀପିକା ପାଦୁକୋନ, ଦିଶା ପାଟାନୀଙ୍କୁ ଦେଖିବାକୁ ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
