ଭୁବନେଶ୍ୱର: ପୁଣି ଅଡୁଆରେ ଛନ୍ଦି ହୋଇଛନ୍ତି ଲୋକପ୍ରିୟ ଓଲିଉଡ କଣ୍ଠଶିଳ୍ପୀ ହ୍ୟୁମାନ ସାଗର । ସେ ଓଡ଼ିଆ ଜଣାଣ ମହାପ୍ରଭୁ ଜଗନ୍ନାଥଙ୍କୁ ଅପମାନ କରିଥିବା ନେଇ ସାଙ୍ଘାତିକ ଅଭିଯୋଗ ଆସିଛି । ଏନେଇ ହ୍ୟୁମାନ ସାଗର ଏବଂ ଗାୟକ ରୁକୁ ସୁନାଙ୍କ ନାଁରେ ମାମଲା ରୁଜୁ ହୋଇଛି । ଉଭୟଙ୍କ ନାଁରେ କ୍ୟାପିଟାଲ ଥାନାରେ ମାମଲା ରୁଜୁ କରିଛନ୍ତି ଇଣ୍ଟରନାସନାଲ ହ୍ୟୁମାନ ରାଇଟ କମିସନ ଏବଂ ତାଙ୍କ ଷ୍ଟୁଡିଓ ବ୍ୟାନ ପାଇଁ ମଧ୍ୟ ଦାବି କରିଛନ୍ତି ।
ବର୍ତ୍ତମାନ ରାଜ୍ୟରେ ରଥଯାତ୍ରା ଧୁମଧାମରେ ପାଳନ କରାଯାଉଥିବା ବେଳେ ଏପରି ସମୟରେ ହ୍ୟୁମାନ ସାଗର ଏବଂ ଗାୟକ ରୁକୁ ସୁନା ମହାବାହୁଙ୍କ ଭଜନକୁ ଅତି କଦର୍ଥ ଭାବରେ ଗାଉଥିବାର ନଜର ଆସିଛନ୍ତି । ଯାହା ଜଗନ୍ନାଥ ପ୍ରେମୀଙ୍କ ଭାବାବେଗକୁ ଆଘାତ ଦେଇଥିବା ଅଭିଯୋଗ ହୋଇଛି । ଯାହାକୁ ବିରୋଧ କରି ଥାନାରେ ଏହି ଦୁହିଁ କଣ୍ଠଶିଳ୍ପୀଙ୍କ ନାଁରେ ଥାନାରେ ଏତଲା ଦେଇଛନ୍ତି ମାନବାଧିକାର କର୍ମୀ ଶିବ ସୁନ୍ଦର ସ୍ୱାଇଁ ।
ମାମଲା କ'ଣ?
ସୂଚନା ଅନୁସାରେ, ରଥଯାତ୍ରା ସମୟରେ ଘରେ ଘରେ ପରିଚିତ ଓଡ଼ିଆ ଭଜନ ତଥା ଜଣାଣ, ଆସ ଆସ ସରାଗ ତରା । ନିମାଇଁ ହରିଚନ୍ଦନଙ୍କ ଏହି ଚର୍ଚ୍ଚିତ ଜଗନ୍ନାଥଙ୍କ ଭଜନକୁ ଉଭୟ ହ୍ୟୁମାନ ସାଗର ଓ ରୁକୁ ସୁନା ଅଶ୍ଳୀଳ ଭାବରେ ଗାଇବା ଶୁଣିବାକୁ ମିଳିଛି । ଏହି ଭିଡିଓରେ ରୁକୁ ସୁନା ଜଗନ୍ନାଥଙ୍କ ଭଜନକୁ ଅଶ୍ଳୀଳ ଭାବରେ ଗାଉଥିବା ବେଳେ ହ୍ୟୁମାନ ହସି ହସି ଗଡ଼ୁଥିବାର ନଜର ଆସିଛନ୍ତି । ତାଙ୍କ ପଛରେ ଥିବା ଲୋକେ ମଧ୍ୟ ହସୁଥିବାର ନଜର ଆସିଛନ୍ତି । ଯାହାର ଭିଡିଓ ଏବେ ଭାଇରାଲ ହେବାରେ ଲାଗିଛି ।
ଦୃଢ କାର୍ଯ୍ୟାନୁଷ୍ଠାନ ଦାବି
ତେବେ ଉଭୟ ଗାୟକଙ୍କ ଏଭଳି କାର୍ଯ୍ୟ ଜଗନ୍ନାଥପ୍ରେମୀଙ୍କୁ ଆଘାତ ଦେଇଛି । ଯାହାକୁ ନେଇ ଇଣ୍ଟରନାସନାଲ ହ୍ୟୁମାନ ରାଇଟ କମିସନ ସଂଘ ପକ୍ଷରୁ ଉଭୟଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି । ଏଥିସହ ଯେଉଁମାନେ ଏହି ଭିଡିଓରେ ଦେଖାଯାଉଛନ୍ତି ସେମାନଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରିବା ଆବଶ୍ୟକ ବୋଲି ଅଭିଯୋଗକାରୀ କହିଛନ୍ତି । ଏଥିସହ ଏହି ଗୀତ ଯେଉଁ ଷ୍ଟୁଡିଓରେ ରେକର୍ଡ କରାଯାଇଛି । ସେହି ଷ୍ଟୁଡିଓକୁ ମଧ୍ୟ ବ୍ୟାନ କରାଯାଉ ବୋଲି ସେ ଦାବି କରିଛନ୍ତି ।
ଏହା ମଧ୍ୟ ପଢନ୍ତୁ: ବିବାଦରେ ହ୍ୟୁମାନ ସାଗର, ଥାନାରେ ଲିଖିତ ଅଭିଯୋଗ କଲେ ଜାପାନୀ ଭାଇ
ମାନବାଧିକାର କର୍ମୀ ଶିବ ସୁନ୍ଦର ସ୍ୱାଇଁଙ୍କ ପ୍ରତିକ୍ରିୟା
ଏତଲା ଦେଇଥିବା ଡକ୍ଟର ଶିବ ପ୍ରସାଦ ସ୍ବାଇଁ କହିଛନ୍ତି, ''ଆମ କର୍ତ୍ତବ୍ୟ ସବୁ ଧର୍ମକୁ ସମ୍ମାନ ଦେବା । ଆମ ଧର୍ମ ହେଉ କି ଯାହାର ଧର୍ମ ହେଉ ତାଙ୍କୁ ସମ୍ମାନ ଦେବା ଉଚିତ । ଯେଉଁମାନେ ଧର୍ମ ବିରୋଧି କାମ କରିବେ ତାଙ୍କୁ ଆଣ୍ଟି ସୋସିଆଲ ଭାବେ ଗଣିତ କରାଯାଏ । ଭଜନକୁ ଭଜନ ଆକାରରେ ଗାଇଲେ ଭଲ ଲାଗେ । କିନ୍ତୁ ପୂର୍ବ ଭଜନକୁ ରିମିକ୍ସ କରିକି କେଳେଙ୍କାରି ରୂପ ଦେଇ ଅପମାନ କରିବା ଯୁକ୍ତିଯୁକ୍ତ ନୁହେଁ । ଆମେ ଏହାକୁ ବିରୋଧ କରୁଛୁ ଏବଂ ଏମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରୁଛୁ ।''
ଭୁବନେଶ୍ୱର, ଇଟିଭି ଭାରତ
