ହାଇଦ୍ରାବାଦ: ଚଳିତ ବର୍ଷ 8 ସେପ୍ଟେମ୍ବରରେ ରଣଭୀର ସିଂ ଏବଂ ଦୀପିକା ପାଦୁକୋନ କନ୍ୟା ସନ୍ତାନର ପିତାମାତା ହୋଇଥିଲେ । ଏଥିସହ ଦୀୱାଲିର ଗୋଟିଏ ଦିନ ପରେ ଅର୍ଥାତ୍ ନଭେମ୍ୱର 2ରେ ଏହି ଦମ୍ପତି ଝିଅର ନାଁ ପ୍ରକାଶ କରିଥିଲେ । ଉଭୟ ଝିଅର ଏକ ଫଟୋ ସେୟାର କରି ତାଙ୍କ ନାଁ ଦୁଆ ପାଦୁକୋନ ସିଂ ରଖିଥିବା କହିଥିଲେ । ଏହି ଫଟୋରେ ଦୁଆଙ୍କ କେବଳ ଗୋଡ଼ ଦେଖିବାକୁ ମିଳିଥିଲା । ତେବେ ସେବେଠାରୁ ରଣଭୀର ଏବଂ ଦୀପିକାଙ୍କ ଫ୍ୟାନ୍ସ ନିଜ ଝିଅ ଦୁଆର ପ୍ରଥମ ଝଲକକୁ ଅପେକ୍ଷା କରିଛନ୍ତି । ଏବେ ଦୀପିକା ପାଦୁକୋନ ପ୍ରଥମ ଥର ପାଇଁ ତାଙ୍କ ଝିଅ ଦୁଆଙ୍କ ସହ ସର୍ବସାଧାରଣରେ ନଜର ଆସିଛନ୍ତି । ଯାହାର ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।
ଝିଅ ସହ ପ୍ରଥମ ଥର ନଜର ଆସିଲେ ଦୀପିକା ପାଦୁକୋନ
ଦୀପିକା ପାଦୁକୋନଙ୍କୁ ଆଜି 8 ନଭେମ୍ବରରେ କଲିନା ବିମାନବନ୍ଦରରେ ଦେଖିବାକୁ ମିଳିଥିଲା । ଏହି ସମୟରେ ଦୀପିକା ଝିଅ ଦୁଆଙ୍କୁ କୋଳରେ ଧରିଥିବାର ନଜର ଆସିଛନ୍ତି । ଦୀପିକା ପାଦୁକୋନ ତାଙ୍କ ଷ୍ଟାର ସ୍ୱାମୀ ରଣଭୀର ସିଂଙ୍କ ସହ ପିଙ୍କ ରଙ୍ଗର ପୋଷାକରେ ନଜର ଆସିଛନ୍ତି । ଏହି ଭିଡିଓ ଭାଇରାଲ ହେଉଥିବା ବେଳେ ଦୀପିକାଙ୍କୁ ତାଙ୍କ ଝିଅ ଦୁଆଙ୍କ ସହ ଦେଖି ତାଙ୍କ ଫ୍ୟାନ୍ସ ଏହାକୁ ପସନ୍ଦ କରିବା ସହ କମେଣ୍ଟ ବର୍ଷା କରୁଛନ୍ତି ।
ଏହା ମଧ୍ୟ ପଢନ୍ତୁ: ଝିଅର ଏହି ନାଁ ରଖିଲେ ଦୀପଭୀର, କ୍ୟୁଟ୍ ଫଟୋ ସେୟାର କରି ଦେଖାଇଲେ ବେବିର ଝଲକ
ବିବାହର ୬ବର୍ଷ ପରେ ପିତାମାତା ହେଲେ ଦୀପିକା-ରଣଭୀର
ବିବାହର ୬ ବର୍ଷ ପରେ ପିତାମାତା ହୋଇଛନ୍ତି ଅଭିନେତ୍ରୀ ଦୀପିକା ପାଦୁକୋନ । ରଣଭୀର ଏବଂ ଦୀପିକା ମଧ୍ୟରେ ପ୍ରେମସମ୍ପର୍କ ୨୦୧୨ରେ ଆରମ୍ଭ ହୋଇଥିଲା । ଦୀର୍ଘ ବର୍ଷର ଡେଟିଂ ପରେ ଏହି ଦମ୍ପତି ନଭେମ୍ୱର 14, ୨୦୧୮ରେ ବିବାହ କରିଥିଲେ । ବିବାହର ୬ବର୍ଷ ପରେ ପିତାମାତା ହୋଇଛନ୍ତି ଦୀପଭୀର । ଉଭୟ ଚଳିତ ଫେବୃଆରୀରେ ପିତାମାତା ହେବା ଖୁସି ଖବର ଫ୍ୟାନ୍ସଙ୍କ ସହ ସେୟାର କରିଥିଲେ । ସେପ୍ଟେମ୍ୱରରେ କୁନି ଅତିଥି ଆସିବେ ବୋଲି ମଧ୍ୟ ଘୋଷଣା କରିଥିଲେ ।
ଏହା ମଧ୍ୟ ପଢନ୍ତୁ: ଦିନ ସାରା କ'ଣ କରୁଛି ଝିଅ ? ଇନଷ୍ଟାଗ୍ରାମରେ ଅପଡେଟ୍ ସେୟାର କଲେ ଦୀପିକା
ଦୀପିକା ଏବଂ ରଣଭୀରଙ୍କ ୱାର୍କପ୍ରଣ୍ଟ ବିଷୟରେ କହିବାକୁ ଗଲେ, ଦୀପଭୀରଙ୍କୁ ନଭେମ୍ୱର 1ରେ ରିଲିଜ ହୋଇଥିବା ଫିଲ୍ମ 'ସିଙ୍ଘମ ଏଗେନ'ରେ ଏକାଠି ଦେଖିବାକୁ ମିଳିଛି । ଉଭୟ ଏଥିରେ ପୋଲିସ ଭୂମିକାରେ ନଜର ଆସିଥିବା ବେଳେ ପ୍ରଶଂସା ସାଉଁଟୁଛନ୍ତି ଉଭୟ । ଫିଲ୍ମ ମଧ୍ୟ ଦର୍ଶକଙ୍କ ମନ ଜିତିବାରେ ସଫଳ ହୋଇଛି । ଫିଲ୍ମ ରିଲିଜ ଦିନରେ ଝିଅର ନାଁ ଖୁଲାସା କରି ଫ୍ୟାନ୍ସଙ୍କୁ ସରପ୍ରାଇଜ କରିଛନ୍ତି ଦୀପଭୀର । ତେବେ ଝିଅ ଜନ୍ମ ହେବା ପରେ ଦୀପିକା ରଣଭୀରଙ୍କ ଏହା ହେଉଛି ପ୍ରଥମ ଫିଲ୍ମ ।
ବ୍ୟୁରୋ ରିପୋର୍ଟ, ଇଟିଭି ଭାରତ
