ମୁମ୍ବାଇ: ଫିଲ୍ମ 'ଲଭ ସେକ୍ସ ଔର ଧୋକା-2' ରେ ନଜର ଆସିପାରନ୍ତି କ୍ୟାରି ମିନାଟୀ । ଏହି ଫିଲ୍ମ ବିଷୟରେ ଅଧିକ ସୂଚନା ଦିଆଯାଇନାହିଁ । ହେଲେ କୁହାଯାଉଛି ଏହି ଫିଲ୍ମର କାହାଣୀ ଜଣେ ଗେମର ବା ଖେଳାଳି ଉପରେ ପର୍ଯ୍ୟବେସିତ । ଆଉ କ୍ୟାରିମିନାଟି ସେହି ଗେମର ଚରିତ୍ରରେ ଅଭିନୟ କରିବେ । ସବୁଠୁ ବଡ଼ କଥା ହେଉଛି, ଇଣ୍ଟରନେଟ୍ ସେନସେସନ ଅଜୟ ନାଗର (କ୍ୟାରି ମିନାଟୀ)ଙ୍କୁ ଷ୍ଟାର କାଷ୍ଟ କରିବାକୁ ପ୍ଲାନିଂ କରୁଛନ୍ତି ନିର୍ମାତା ।
ଏହି 'ଲଭ ସେକ୍ସ ଔର ଧୋକା-2' ଚଳଚ୍ଚିତ୍ରଟି ଦୁଇ ଜଣଙ୍କ ସମ୍ପର୍କକୁ କେନ୍ଦ୍ର କରି କରାଯିବ । ଆଜିର ଇଣ୍ଟରନେଟ୍ ଯୁଗରେ କିଭଳି ପ୍ରକୃତ ପ୍ରେମ ହଜିଯିବାକୁ ବସିଛି ତାହା ଦର୍ଶାଯିବ । ଡିଜିଟାଲ ଜମାନାରେ ସୋସିଆଲ ମିଡିଆରେ ବନ୍ଧୁତା ହୁଏ । ପରେ ଧୀରେ ଧୀରେ ସମ୍ପର୍କ ଘନିଷ୍ଠ ହୁଏ । ଆଉ ତା'ପରେ କିଭଳି ବିଚ୍ଛେଦ ହୁଏ ଏଭଳି ତମାମ ଘଟଣାବଳୀକୁ ନେଇ ଆଧାରିତ ଏହି ଫିଲ୍ମ । ଯାହାର ନିର୍ଦ୍ଦେଶନା ଦେଇଛନ୍ତି ଦିବାକର ବାନାର୍ଜୀ । ଏହି ଫିଲ୍ମଟି ଆସନ୍ତା ଏପ୍ରିଲ ମାସ 19 ତାରିଖରେ ରିଲିଜ ହେବ ବୋଲି କୁହାଯାଉଛି ।
ବାଲାଜୀ ମୋସନ ପିକ୍ଚର୍ସ, ବାଲାଜୀ ଟେଲିଫିଲ୍ମସ ଏବଂ କଲ୍ଟ ମୁଭିଜର ଡିଭିଜନ, ଦିବାକର ବାନାର୍ଜୀ ପ୍ରଡକ୍ସନ ମିଳିତ ଭାବେ ଏହି 'ଲଭ ସେକ୍ସ ଔର ଧୋକା-2' ଚଳଚ୍ଚିତ୍ରକୁ ପ୍ରସ୍ତୁତ କରୁଛନ୍ତି । ଫିଲ୍ମରେ କଳାକାରଙ୍କ ଧମାକାଦାର ଅଭିନୟ କାହାଣୀକୁ ଆହୁରି ଖୋରାକ ଯୋଗାଇବ । ପ୍ରେମ, ପ୍ରତାରଣାକୁ ନେଇ ପର୍ଯ୍ୟବେସିତ ଏହି ଫିଲ୍ମରେ ଟେକ୍ନୋଲୋଜିକୁ ନେଇ ଚାଲୁଥିବା ଦୁନିଆରେ ପ୍ରେମର ବାସ୍ତବତା ଉପରେ ଆଲୋକପାତ କରାଯିବ ।
ଏହା ମଧ୍ୟ ପଢନ୍ତୁ...'ସୈତାନ' ଟ୍ରେଲର ରିଲିଜ; କଳା ଯାଦୁର କାହାଣୀ କହିବ ଫିଲ୍ମ
ଏହା ମଧ୍ୟ ପଢନ୍ତୁ...ରିଲିଜର ପ୍ରଥମ ଦିନରେ ଧମାକା କଲା ଆର୍ଟିକିଲ 370, କାଟିଲା ଦ କାଶ୍ମୀର ଫାଇଲ୍ସ ରେକର୍ଡ
ଏହା ମଧ୍ୟ ପଢନ୍ତୁ...ଏକ୍ସରେ ଗୋଟିଏ ଭିଡିଓ ପୋଷ୍ଟ କରି ରୋଜଗାର କଲେ ଅଢେଇ ଲକ୍ଷ, ଜାଣନ୍ତୁ କିଏ ଏହି ୟୁଜର
ଜଣାଶୁଣା ୟୁଟବର କ୍ୟାରି ମିନାଟୀଙ୍କର ଏହା ଦ୍ବିତୀୟ ଫିଲ୍ମ ହେବ। ପୂର୍ବରୁ ସେ ଅଜୟ ଦେବଗନ, ରକୁଲପ୍ରୀତ ସିଂ ଏବଂ ଅମିତାଭ ବଚ୍ଚନ ଷ୍ଟାରର୍ ଫିଲ୍ମ (ରନୱେ 34)ରେ ନଜର ଆସିଥିଲେ। 2022 ରେ ସେ ବଲିଉଡରେ ଏଣ୍ଟ୍ରି କରିଥିଲେ। ତେବେ ଅଜୟ ନାଗର (କ୍ୟାରି ମିନାଟୀ) 1999 ମସିହା 12 ଜୁନରେ ଜନ୍ମଗ୍ରହଣ କରିଛନ୍ତି । ହରିୟାଣାର ଫରିଦାବାଦ ହେଉଛି ତାଙ୍କ ଜନ୍ମସ୍ଥାନ। ସେ ଜଣେ ଖୁବ ଜଣାଶୁଣା ୟୁଟ୍ୟୁବର। ମଜାଦାର କମେଣ୍ଟ୍ରି, ରୋଷ୍ଟିଂ ଭିଡିଓ ଏବଂ ସାମାଜିକ ବିଷୟବସ୍ତୁ ଉପରେ ମତାମତ ରଖି ଚର୍ଚ୍ଚାକୁ ଆସିଛନ୍ତି।
