ହାଇଦ୍ରାବାଦ: ବର୍ଷର ଏକାଦଶ ମାସ ଅର୍ଥାତ୍ ନଭେମ୍ବର ଆଜିଠାରୁ ଆରମ୍ଭ ହୋଇଛି । ଏହି ମାସରେ ମନୋରଞ୍ଜନର ଧମାକା ହେବାକୁ ଯାଉଛି । ଏହି ମାସରେ ଆହୁରି ଅନେକ ଫିଲ୍ମ ରିଲିଜ ହେବାର ଅଛି । ଓଡ଼ିଆ ଠାରୁ ଆରମ୍ଭ କରି ହିନ୍ଦୀ ଫିଲ୍ମ ଚଳିତ ମାସରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ପ୍ରସ୍ତୁତ । ବର୍ତ୍ତମାନ ଆଜି ହରର କମେଡି ଫିଲ୍ମ 'ଭୁଲ୍ ଭୁଲେୟା 3' ଏବଂ ଆକ୍ସନ୍ ଥ୍ରୀଲର 'ସିଙ୍ଘମ୍ ଏଗେନ'ରୁ ଏକାସାଙ୍ଗେ ରିଲିଜ ହୋଇଛି । ତେବେ ଆଗାମୀ ଦିନରେ କେବେ ଓ କେଉଁ କେଉଁ ଫିଲ୍ମ ରିଲିଜ ହେବ ? ଜାଣନ୍ତୁ,
- ନଭେମ୍ୱରରେ ରିଲିଜ ଏହି ଦୁଇ ଓଡ଼ିଆ ଫିଲ୍ମ
1. 'ତୁ ମୋ କମଜୋରୀ'-ନଭେମ୍ୱର 15
କାର୍ତ୍ତିକ ପୂର୍ଣ୍ଣିମା ଅର୍ଥାତ୍ ନଭେମ୍ୱର 15ରେ ପରଦାକୁ ଆସିବ ନୂଆ ଓଡ଼ିଆ ଫିଲ୍ମ 'ହାଫ୍ ଲଭ୍ ଷ୍ଟୋରୀ' ଓ 'ତୁ ମୋ କମଜୋରୀ' । 'ତୁ ମୋ କମଜୋରୀ' ଫିଲ୍ମରେ ସିରିଆଲ ଓ ଆଲବମ ଜଗତରେ ବେଶ ଜଣାଶୁଣା ଥିବା ରାକେଶ ଦେଓ ମୁଖ୍ୟ ଚରିତ୍ରରେ ନଜର ଆସିବେ । ସନ୍ତୋଷ ବିଶ୍ୱାଳ ଏହି ଚଳଚିତ୍ରର ନିର୍ଦ୍ଦେଶକ ଥିବା ବେଳେ ରାକେଶଙ୍କ ବ୍ୟତୀତ ଏଥିରେ ଅନୁଭା ଓ ଲିପିକା, ରତନ ମେହେର, ଅଶ୍ରୁମୋଚନ ମହାନ୍ତି, ନଟିଆ, ସଚିନ, ଆଶିଷ, ସୁଶାନ୍ତ, ଯୋଗେଶ ଯୋଜ ପ୍ରମୁଖ ଅଭିନୟ କରିଛନ୍ତି ।
ଏହା ମଧ୍ୟ ପଢନ୍ତୁ: ଓଡ଼ିଆ ଫିଲ୍ମ 'ତୁ ମୋ କମଜୋରୀ' ପୋଷ୍ଟର ଏବଂ ଅଡିଓ ରିଲିଜ, ଏହି ଦିନ ପରଦାରେ କରିବ ଧମାକା
2. 'ହାଫ୍ ଲଭ୍ ଷ୍ଟୋରୀ'-ନଭେମ୍ୱର 15
'ହାଫ୍ ଲଭ୍ ଷ୍ଟୋରୀ' ସିନେମାରେ ମୁଖ୍ୟ ଭୂମିକାରେ ଅଭିନେତା ସୁନୀଲ ଥିବା ବେଳେ ଅଭିନେତ୍ରୀ ଅଛନ୍ତି ମନସ୍ଵିନୀ ଓ କୁକିଜ । ଅନ୍ୟାନ୍ୟ ଚରିତ୍ରରେ ଅସିତ ପତି, ଭୂପତି ତ୍ରିପାଠୀ,ବବି ମିଶ୍ର । ଅଧା ଏକ ପ୍ରେମ କାହାଣୀକୁ ନେଇ ପ୍ରସ୍ତୁତ ଏହି ଫିଲ୍ମ ଅଞ୍ଜନେୟ ମିଡ଼ିଆ ପ୍ରଇଭେଟ ଲିମିଟେଡ଼, ପ୍ରଭାତ କୁମାର ପ୍ରଧାନ ପ୍ରଯୋଜନାରେ ନିର୍ମିତ ହୋଇଛନ୍ତି । ଯାହାର ନିର୍ଦ୍ଦେଶନା ଭାର ସମ୍ଭାଳିଛନ୍ତି ମୃତ୍ୟୁଞ୍ଜୟ ସାହୁ । ଏହି ଫିଲ୍ମ ନଭେମ୍ୱର 15ରେ ରିଲିଜ ହେବ ।
ଏହା ମଧ୍ୟ ପଢନ୍ତୁ: ଅଧା ଏକ ପ୍ରେମ କାହାଣୀକୁ ନେଇ ପ୍ରସ୍ତୁତ ନୂଆ ଓଡ଼ିଆ ଫିଲ୍ମ 'ହାଫ୍ ଲଭ୍ ଷ୍ଟୋରୀ', ରିଲିଜ ହେଲା ଅଡ଼ିଓ
- ନଭେମ୍ୱର ମାସରେ ରିଲିଜ ଏହି ହିନ୍ଦୀ ଫିଲ୍ମ
1. ସିଙ୍ଘମ ଏଗେନ- ନଭେମ୍ୱର 1
ନିର୍ଦ୍ଦେଶକ ରୋହିତ ଶେଟ୍ଟୀଙ୍କ ନିର୍ଦ୍ଦେଶିତ ଆକ୍ସନ୍ ଥ୍ରୀଲର ଚଳଚ୍ଚିତ୍ର 'ସିଙ୍ଘମ ଏଗେନ' ଆଜିଠାରୁ ବଡ ପରଦାରେ ରିଲିଜ ହୋଇଛି । ଅଜୟ ଦେବଗନ୍, ଅକ୍ଷୟ କୁମାର, କରୀନା କପୁର, ଅର୍ଜୁନ କପୁର, ଟାଇଗର ଶ୍ରଫ, ଦୀପିକା ପାଦୁକୋନ ଏବଂ ରଣଭୀର ସିଂ ଏହି ଚଳଚ୍ଚିତ୍ରରେ ନଜର ଆସିଛନ୍ତି । ଏଥିସହ ସଲମାନ ଖାନଙ୍କୁ ମଧ୍ୟ ଏଥିରେ କ୍ୟାମିଓ ରୋଲରେ ଦେଖିବାକୁ ମିଳିଛି । ଫିଲ୍ମରେ ଅର୍ଜୁନ କପୁର ଏଥିରେ ଭିଲେନ ଭୂମିକାରେ ନଜର ଆସିଥିବା ବେଳେ ଅଜୟଙ୍କ ସ୍ତ୍ରୀ ଭୂମିକାରେ କରୀନା ଏବଂ ଦୀପିକା ପାଦୁକୋନ ଲେଡି ସିଙ୍ଘମ ଭୂମିକାରେ ନଜର ଆସିଛନ୍ତି ।
2. ଭୁଲ ଭୁଲେୟା 3- ନଭେମ୍ୱର 1
'ଭୁଲ ଭୁଲେୟା' ପ୍ରାଞ୍ଚାଇଜର ତୃତୀୟ ଭାଗ 'ଭୁଲ ଭୁଲେୟା 3' । ପ୍ରଥମ ଭାଗ ପ୍ରିୟଦର୍ଶନଙ୍କ ଦ୍ୱାରା ନିର୍ଦ୍ଦେଶିତ ହୋଇଥିଲା, ଯେଉଁଥିରେ ବିଦ୍ୟା ବାଲାନଙ୍କ ସହିତ ଅକ୍ଷୟ କୁମାର ଅଭିନୟ କରିଥିଲେ । ଦ୍ୱିତୀୟ ଭାଗରେ କାର୍ତ୍ତିକ, ତବୁ ଏବଂ କିଆରା ଆଡଭାନୀଙ୍କ ସହ ସ୍କ୍ରିନ ସେୟାର କରିଥିଲେ । ତୃତୀୟ ଭାଗ ବା ଏହି ହିଟ୍ ଫ୍ରାଞ୍ଚାଇଜ ଫିଲ୍ମରେ କାର୍ତ୍ତିକ, ତିପ୍ତୀ ଡିମ୍ରି ଏବଂ ବିଦ୍ୟା ବାଲାନ ଅଭିନୟ କରିଛନ୍ତି । ଏଥିସହ ଏଥିରେ ମାଧୁରୀ ଦୀକ୍ଷିତ ମଧ୍ୟ ନଜର ଆସିଛନ୍ତି । ଏହି ଚଳଚ୍ଚିତ୍ରଟି ଟି-ସିରିଜ୍ ଫିଲ୍ମସ୍ ଏବଂ ସିନେ 1 ଷ୍ଟୁଡିଓ ଦ୍ୱାରା ମିଳିତ ଭାବେ ପ୍ରସ୍ତୁତ କରାଯାଇଛି ଏବଂ ଏହାକୁ ଆନିସ୍ ବାଜମି ନିର୍ଦ୍ଦେଶନା ଦେଇଛନ୍ତି । କହିରଖୁଛୁ କି, ବିଦ୍ୟା ବାଲାନ ପ୍ରଥମ ଭାଗରେ ନଜର ଆସିଥିବା ବେଳେ ପୁଣି ତୃତୀୟ ଭାଗରେ ମାଧୁରୀଙ୍କ ସହ ଲୋକଙ୍କୁ ଡରାଇବାକୁ ପ୍ରସ୍ତୁତ ।
3. କଙ୍ଗୁୱା- 14 ନଭେମ୍ବର
ସାଉଥ ସିନେମାର ଚଳିତ ବର୍ଷର ବହୁ ପ୍ରତୀକ୍ଷିତ ଚଳଚ୍ଚିତ୍ର କଙ୍ଗୁୱା ମଧ୍ୟ ଚଳିତ ମାସ 14 ରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ଏହି ଫିଲ୍ମ ତାମିଲ, ତେଲୁଗୁ, ମାଲାୟାଲମ୍, କନ୍ନଡ, ହିନ୍ଦୀ ଏବଂ ଇଂରାଜୀ ସହିତ 10 ଟି ଭାଷାରେ 3Dରେ ରିଲିଜ କରିବ । ସିରୁଥାଇ ସିଭାଙ୍କ ଦ୍ୱାରା ନିର୍ଦ୍ଦେଶିତ 'କଙ୍ଗୁୱା' ଏକ ମନୋରଞ୍ଜନ ଭରପୁର ଫିଲ୍ମ ବୋଲି କୁହାଯାଉଛି । ସୁପରଷ୍ଟାର ସୂରିୟା ଶିବକୁମାରଙ୍କ ଫିଲ୍ମରେ ବଲିଉଡ ଅଭିନେତା ବବି ଦେଓଲ, ଅଭିନେତ୍ରୀ ଦିଶା ପାଟାନି, ଯୋଗୀ ବାବୁ, କିଙ୍ଗସଲି, କୋଭାଇ ସରଲା, ଆନନ୍ଦ ରାଜଙ୍କ ପରି ଷ୍ଟାରମାନେ ନଜର ଆସିବେ ।
4. ଦ ସାବରମତି ରିପୋର୍ଟ- 15 ନଭେମ୍ବର
ବିକ୍ରାନ୍ତ ମାସି ଷ୍ଟାରର୍ ଚଳଚ୍ଚିତ୍ର ଦ ସାବରମତି ରିପୋର୍ଟ 15 ନଭେମ୍ବରରେ ବଡ ପରଦାରେ ମୁକ୍ତିଲାଭ କରିବ । ଏହି ଚଳଚ୍ଚିତ୍ରଟି ଏକ ପ୍ରକୃତ ଘଟଣା ଦ୍ୱାରା ଅନୁପ୍ରାଣିତ। ଏଥିରେ ରାଶି ଖାନ୍ନା ଏବଂ ରିଦ୍ଧି ଡୋଗ୍ରାଙ୍କ ପରି କଳାକାରମାନେ ମଧ୍ୟ ନଜର ଆସିବେ ।
5. I Want To Talk- 22 ନଭେମ୍ବର
ଦୀର୍ଘ ସମୟ ପରେ ଅଭିନେତା ଅଭିଷେକ ବଚ୍ଚନ ବଡ ପରଦାରେ ପ୍ରତ୍ୟାବର୍ତ୍ତନ କରିବାକୁ ଯାଉଛନ୍ତି । ହି ଫିଲ୍ମର ନିର୍ଦ୍ଦେଶନା ସୁଜିତ ସରକାର ଦେଇଥିବା ବେଳେ ନଭେମ୍ବର 22 ରେ ପ୍ରେକ୍ଷାଳୟରେ ମୁକ୍ତିଲାଭ କରିବ ।
6. ଧଡକ 2- 22 ନଭେମ୍ବର
ଧର୍ମ ପ୍ରଡକ୍ସନ୍ସର ସଫଳ ଚଳଚ୍ଚିତ୍ର 'ଧଡକ'ର ସିକ୍ୱେଲ୍ ମଧ୍ୟ ଚଳିତ ବର୍ଷ ପରଦାରେ ଆସିବାକୁ ଯାଉଛି । ଯାହାକି କିଛି ସମୟ ପୂର୍ବରୁ ନିର୍ମାତାମାନଙ୍କ ଦ୍ୱାରା ଘୋଷଣା କରାଯାଇଥିଲା । ଏହି ଚଳଚ୍ଚିତ୍ରଟି ନଭେମ୍ବର 22 ରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ଏଥିରେ ସିଦ୍ଧାନ୍ତ ଚତୁର୍ବେଦୀ ଏବଂ ତିପ୍ତି ଡିମ୍ରି ନଜର ଆସିବେ ।
7. ନାମ- 22 ନଭେମ୍ବର
ସିଙ୍ଘମ ଏଗେନ ପରେ ଅଜୟ ଦେବଗନ ଫିଲ୍ମ 'ନାମ'ରେ ନଜର ଆସିବେ । ନଭେମ୍ବର 22 ରେ ଅଭିନେତା ଅଜୟ ଦେବଗନଙ୍କ ଏହି ଫିଲ୍ମ ମୁକ୍ତିଲାଭ କରିବ । ଏହାକୁ ନିର୍ଦ୍ଦେଶକ ଅନିସ୍ ବାଜମି ନିର୍ଦ୍ଦେଶନା ଦେଇଛନ୍ତି । ହଲଚଲ୍, ପ୍ୟାର୍ ତୋ ହୋନା ହି ଥା ଏବଂ ଦେୱାଙ୍ଗି ପରେ ଅଜୟଙ୍କ ସହ ଏହା ବାଜମିଙ୍କର ଚତୁର୍ଥ ଚଳଚ୍ଚିତ୍ର ହେବ ।
#MetroInDino gets a new release date. This anthology of heartwarming stories will now release on 13th September 2024. #AdityaRoyKapur @SaraAliKhan@AnupamPKher @Neenagupta001 @TripathiiPankaj @konkonas @alifazal9 @fattysanashaikh @basuanurag @ipritamofficial @TSeries pic.twitter.com/7c1zdiYqXa
— T-Series (@TSeries) January 11, 2024
8. ମେଟ୍ରୋ ଇନ ଦିନୋ- 29 ନଭେମ୍ବର
ନିର୍ଦ୍ଦେଶକ ଅନୁରାଗ ବସୁଙ୍କ ଚଳଚ୍ଚିତ୍ର 'ମେଟ୍ରୋ ଇନ ଦିନୋ' ବିଷୟରେ ବହୁ ଚର୍ଚ୍ଚିତ ନଭେମ୍ବର ମାସ ଶେଷ ସୁଦ୍ଧା ଏହି ଦିନ ମୁକ୍ତିଲାଭ କରିବ । ସାରା ଅଲି ଖାନ ଏବଂ ଆଦିତ୍ୟ ରୟ କପୁରଙ୍କ ପରି ଅନେକ ଭେଟେରାନ ଅଭିନେତାଙ୍କ ଅଭିନୀତ ଏହି ରୋମାଣ୍ଟିକ ଥ୍ରୀଲର 29 ନଭେମ୍ବରରେ ବଡ ପରଦାରେ ରିଲିଜ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
