ହାଇଦ୍ରାବାଦ: ଆଜି ଫେବୃଆରୀ ୧୪, ଭାଲେଣ୍ଟାଇନ ଡେ' ଅର୍ଥାତ୍ ପ୍ରେମ ଦିବସ । ଆଜିର ଦିନରେ ପ୍ରେମୀ ଯୁଗଳ ନିଜ ପ୍ରେମର ପରିଭାଷାକୁ ପରିପ୍ରକାଶ କରିଥାନ୍ତି । ତେବେ ଏହି ପରିପ୍ରେକ୍ଷୀରେ ସାଧାରଣ ଲୋକଙ୍କ ସମେତ ସେଲିବ୍ରିଟି ମଧ୍ୟ ଖୁବ ଧମଧାମରେ ନିଜ ସାଥୀଙ୍କ ସହ ଆଜିର ଦିନକୁ ପାଳନ କରିଛନ୍ତି । ଏତିସହ ସୋସିଆଲ ମିଡିଆରେ ଫଟୋ ଏବଂ ଭିଡିଓ ସେୟାର କରି ପରସ୍ପରକୁ ଭାଲେଣ୍ଟାଇନ ଡେ' ଶୁଭେଚ୍ଛା ଜଣାଇଛନ୍ତି ।
ଓଲିଉଡର ନବ ବିବାହିତ ଦମ୍ପତି ତମନ୍ନା ବ୍ୟାସ ଏବଂ ସିଦ୍ଧାର୍ଥ ଅଗ୍ରୱାଲ ବିବାହ ପରେ ପ୍ରଥମ ଭାଲେଣ୍ଟାଇନ ଡେ' ସେଲିବ୍ରେଟ କରିଛନ୍ତି । ଉଭୟ ଗତ ମାସ ଜାନୁଆରୀରେ ବିବାହ ବନ୍ଧନରେ ବାନ୍ଧି ହୋଇଥିଲେ । ତେବେ ଉଭୟ ପ୍ରଥମ ଥର ପାଇଁ ଆଜି ଭାଲେଣ୍ଟାଇନ ଡେ' ପାଳନ କରୁଥିବା ବେଳେ ଇନଷ୍ଟାଗ୍ରାମ ଷ୍ଟୋରୀରେ ତମନ୍ନା ଏକ ଫଟୋ ସେୟାର କରି ସିଦ୍ଧାର୍ଥଙ୍କୁ ଭାଲେଣ୍ଟାଇନ ଶୁଭେଚ୍ଛା ଜଣାଇଛନ୍ତି । ଏହି ଫଟୋରେ ଉଭୟ ଏକାଠି ନଜର ଆସିଛନ୍ତି ।
ସେହିପରି ଓଲିଉଡର ଆଉ ଏକ ଲୋକପ୍ରିୟ ଦମ୍ପତି ସବ୍ୟସାଚୀ ମିଶ୍ର ଏବଂ ଅର୍ଚ୍ଚିତା ସାହୁ ମଧ୍ୟ ଭାଲେଣ୍ଟାଇନ ଡେ' ସେଲିବ୍ରେଟ କରିଛନ୍ତି । ସବ୍ୟସାଚୀ ନିଜ ଇନଷ୍ଟାଗ୍ରାମରେ ଉଭୟଙ୍କ ଏକ ରୋମାଣ୍ଟିକ ଫଟୋ ସେୟାର କରିଛନ୍ତି । ଏହା ସେୟାର କରି ସେ ଅର୍ଚ୍ଚିତାଙ୍କୁ ଭାଲେଣ୍ଟାଇନ ଶୁଭେଚ୍ଛା ଜଣାଇଛନ୍ତି । ଏଥିରେ ପ୍ରତିକ୍ରିୟା ଦେଇ ଅର୍ଚ୍ଚିତା ମଧ୍ୟ ହାର୍ଟ ଇମୋଜି ସେୟାର କରିଛନ୍ତି ।
ସେହିପରି ବି-ଟାଉନର ଲୋକପ୍ରିୟ ଯୋଡି ଶିଳ୍ପା ସେଟ୍ଟୀ ଏବଂ ରାଜ କୁନ୍ଦ୍ରା ଉଭୟ ନିଜ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି । ଏହି ଭିଡିଓରେ ଦମ୍ପତି ନିଜର ପୁରୁଣା ସ୍ମୃତି ମନେ ପକାଇ ପରସ୍ପର ପ୍ରତି ପ୍ରେମବ୍ୟକ୍ତ କରୁଥିବା ନଜର ଆସିଛନ୍ତି । ଏଥିସହ ଉଭୟ ପରସ୍ପରକୁ ଭାଲେଣ୍ଟାଇନ ଡେ' ଶୁଭେଚ୍ଛା ଜଣାଇଛନ୍ତି ।
ସେହିପରି ଦିଶା ପାଟାନୀ ମଧ୍ୟ ଆଜିର ଦିନକୁ ସେଲିବ୍ରେଟ କରିଛନ୍ତି । ଫଟୋରେ ସେ ଗୋଲାପ ପୁଷ୍ପଗୁଚ୍ଛ ଧରିଥିବା ନଜର ଆସିଛନ୍ତି । ଏହି ଫଟୋ ସେୟାର କରି ସେ ଲାଲ ହାର୍ଟି ଇମୋଜି ସେୟାର କରିଛନ୍ତି । ତେବେ ସେ ନିଜ ସାଥୀଙ୍କ ଖୁଲାସା କରିନାହାନ୍ତି । କିନ୍ତୁ ଦିଶାଙ୍କ ନାଁ ପୂର୍ବରୁ ଟାଇଗର ଶ୍ରଫ ଏବଂ ପରେ ଆଲେକ୍ସଜାଣାରଙ୍କ ସହ ଯୋଡା ଯାଇଥିଲା ।
ସେପଟେ ମାଧୁରୀ ଦୀକ୍ଷିତଙ୍କ ସ୍ୱାମୀ ଶ୍ରୀରାମ ନେନି ନିଜ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରି ମାଧୁରୀଙ୍କୁ ଭାଲେଣ୍ଟାଇନ ଡେ' ଶୁଭେଚ୍ଛା ଜଣାଇଛନ୍ତି । ଏହି ଫଟୋରେ ମାଧୁରୀ ନିଜ ଦୁଇ ପୁଅଙ୍କ ସହ ନଜର ଆସିଛନ୍ତି । ଫଟୋ ସେୟାର କରି ସେ ଲେଖିଛନ୍ତି, ମୋର ସବୁଦିନର ଭାଲେଣ୍ଟାଇନ । ସେହିପରି କରଣ ଗୋରଭର ଏବଂ ବିପାଶା ବାସୁ ମଧ୍ୟ ପ୍ରେମ ଦିବସ ପାଳନ କରିଛନ୍ତି । ଉଭୟ ନିଜ ଇନଷ୍ଟାଗ୍ରମରେ କ୍ୟୁଟ ଫଟୋ ସେୟାର କରି ପରସ୍ପରକୁ ଏହି ଦିବସର ଶୁଭକାମନା ଜଣାଇଛନ୍ତି ।
କେବଳ ବଲିଉଡରେ ନୁହଁ ସାଉଥ ତାରକାମାନେ ମଧ୍ୟ ଆଜିର ଦିନକୁ ସେଲିବ୍ରେଟ କରିଛନ୍ତି । ସାଉଥ ଲୋକପ୍ରିୟ ତାରକା ରାମ ଚରଣ ଏବଂ ଉପାସନା ଭାଲେଣ୍ଟାଇନ ଡେ' ନିଜ ଝିଅ କଲିନ କିଆରା ସହ ପାଳନ କରିଛନ୍ତି । ଆଜିର ଦିନରେ ଉପାସନା ନିଜ ଝିଅର ସୁନ୍ଦର ଫଟୋ ସେୟାର କରିଛନ୍ତି । ଫଟୋରେ ଉପାସନା, ରାମ ଚରଣ ଏବଂ କଲିନ କିଆରାଙ୍କ ହାତ ଦେଖିବାକୁ ମିଳିଛି । ଏହା ସେୟାର କରି ଲାଲ ହାର୍ଟ ଇମୋଜି ଦେଇଛନ୍ତି ।
ଏହା ମଧ୍ୟ ପଢନ୍ତୁ: 'ତେରି ବାତୋଁ ମେ ଏସା ଉଲଝା ଜିଆ'; ପ୍ରେମ ସପ୍ତାହରେ ଲଭବାର୍ଡଙ୍କୁ ଭେଟି, ଗୋଟିଏରେ ଗୋଟିଏ ଟିକେଟ୍ ଫ୍ରି'
