ହାଇଦ୍ରାବାଦ: 'କେସରିଆ', 'ସତରଙ୍ଗା', 'ଏ ଦିଲ ହେ ମୁସକିଲ' ଏବଂ 'ଚନ୍ନା ମେରେୟା' ଭଳି ଅଗଣିତ ଗୀତରେ ସ୍ୱର ଦେଇଥିବା ଗାୟକ ଅରିଜିତ ସିଂ ଆଜି ଇଣ୍ଡଷ୍ଟ୍ରିରେ ଏକ ଜଣାଶୁଣା ନାମ । ତାଙ୍କୁ ବଲିଉଡର ଶ୍ରେଷ୍ଠ ଗାୟକ ବା ସଙ୍ଗୀତ ଦୁନିଆର ବାଦଶାହା କହିଲେ ଅତ୍ୟୁକ୍ତି ହେବ ନାହିଁ । ଅରିଜିତଙ୍କ ଫ୍ୟାନ୍ କେବଳ ଦେଶରେ ନୁହେଁ, ବିଦେଶରେ ମଧ୍ୟ ରହିଛନ୍ତି । ଆଜି ଏପ୍ରିଲ ୨୫ରେ ଗାୟକ ତାଙ୍କର ୩୭ତମ ଜନ୍ମଦିନ ପାଳନ କରୁଛନ୍ତି । ଏହି ଅବସରରେ ତାଙ୍କୁ ପାଖକୁ ଛୁଟୁଛି ଶୁଭେଚ୍ଛାର ସୁ୍ଅ । ଅରଜିତ ସିଂ ଆଜି ତାଙ୍କର କଠିନ ପରିଶ୍ରମ କରି ଏହି ସଫଳତା ହାସଲ କରିଛନ୍ତି । ତେବେ ତାଙ୍କ ଜନ୍ମଦିନରେ ତାଙ୍କ ଜୀବନ ସହ ଜଡିତ କିଛି ରୋଚକ କଥା ବିଷୟରେ ଜାଣନ୍ତୁ,
ରିଆଲିଟି ଶୋ'ରୁ ହୋଇଥିଲେ ବିଦା
ପଶ୍ଚିମବଙ୍ଗର ମୁର୍ସିଦାବାଦ ଜିଲ୍ଲାର ଜିଆଗଞ୍ଜରେ ୨୫ ଏପ୍ରିଲ ୧୯୮୭ରେ ଜନ୍ମଗ୍ରହଣ କରିଥିବା ଅରିଜିତ ସିଂ ପିଲାଦିନରୁ ସଙ୍ଗୀତକୁ ଭଲ ପାଉଥିଲେ । ସେ ଛୋଟବେଳୁ ହିଁ ସଙ୍ଗୀତ ଶିକ୍ଷା ଗ୍ରହଣ କରିବା ଆରମ୍ଭ କରିଥିଲେ । ପରେ, ସେ ୨୦୦୫ରେ ଗୀତ ରିଆଲିଟି ଶୋ' 'ଫେମ୍ ଗୁରୁକୁଲ'ରେ ଭାଗ ନେଇଥିଲେ । ଏହି ଶୋ’ରେ ସେ ତାଙ୍କ ଗୀତ ସହ ଜଜ ମାନଙ୍କ ହୃଦୟ ଜିତିଥିଲେ, କିନ୍ତୁ ସେ ଲୋକଙ୍କଠାରୁ କମ୍ ଭୋଟ୍ ପାଇଥିଲେ । ଫଳରେ ତାଙ୍କୁ ଶୋ'ରୁ ବିଦା ବାହାରିବାକୁ ପଡିଥିଲା ।
- " class="align-text-top noRightClick twitterSection" data="">
ସଞ୍ଜୟ ଲୀଲା ବଂଶାଲୀଙ୍କ ଠାରୁ ଅଫର ପାଇଥିଲେ
ଯଦିଓ ଅରିଜିତ ସିଂ ସେହି ରିଆଲିଟି ଶୋ'ର ବିଜେତା ହୋଇପାରିନଥିଲେ, ସେତେବେଳେ ତାଙ୍କୁ ବଲିଉଡର ସବୁଠାରୁ ବଡ ନିର୍ଦ୍ଦେଶକ ସଞ୍ଜୟ ଲୀଲା ବଂଶାଲୀଙ୍କ ଦ୍ୱାରା ଏକ ଗୀତ ପ୍ରଦାନ କରାଯାଇଥିଲା । ବଂଶାଲୀ ଅରିଜିତ ସିଂଙ୍କୁ ଫିଲ୍ମ 'ସାୱାରିଆ'ରୁ' ୟୁ ଶବନମୀ 'ଗୀତ ଗାଇବାକୁ କହିଥିଲେ, କିନ୍ତୁ ପରେ ସ୍କ୍ରିପ୍ଟ ବଦଳିଯିବା ପରେ ତାଙ୍କ ସଂସ୍କରଣ ହଟାଇଦିଆଯାଇଥିଲା ।
- " class="align-text-top noRightClick twitterSection" data="">
ଦ୍ୱିତୀୟ ରିଆଲିଟି ଶୋ' ଜିତିଥିଲେ
'ଫେମ ଗୁରୁକୁଲ' ପରେ ଅରିଜିତ ରିଆଲିଟି ଶୋ' '10 କେ 10 ଲେ ଗାଏ ଦିଲ'ରେ ଅଂଶଗ୍ରହଣ କରିଥିଲେ ଏବଂ ଏହି ଶୋ'ର ବିଜେତା ମଧ୍ୟ ହୋଇଥିଲେ । ଏହି ବିଜୟ ପରେ ତାଙ୍କୁ ୧୦ ଲକ୍ଷ ଟଙ୍କା ପୁରସ୍କାର ରାଶି ମିଳିଥିଲା, ଯାହା ସହିତ ସେ ଏକ ମ୍ୟୁଜିକ୍ ଷ୍ଟୁଡିଓ ଆରମ୍ଭ କରି ସଙ୍ଗୀତ ନିର୍ମାତା ହୋଇଥିଲେ । ଏହା ପରେ ସେ ବିଜ୍ଞାପନ, ନ୍ୟୁଜ୍ ଚ୍ୟାନେଲ ଏବଂ ରେଡିଓ ଷ୍ଟେସନ୍ ପାଇଁ ସଂଗୀତ ରଚନା ଏବଂ ଗୀତ ଗାଇବା ଆରମ୍ଭ କଲେ । ଅରିଜିତ ସିଂ ତାଙ୍କର ପ୍ରାରମ୍ଭିକ ସଙ୍ଗୀତ କ୍ୟାରିୟର ଶଙ୍କର-ଏହସାନ-ଲୟ, ବିଶାଲ-ଶେଖର, ମଣ୍ଟି ଶର୍ମା ଏବଂ ପ୍ରୀତମଙ୍କ ପରି ସଙ୍ଗୀତ ନିର୍ଦ୍ଦେଶକଙ୍କ ପାଇଁ ଏକ ସଙ୍ଗୀତ ପ୍ରୋଗ୍ରାମର ତଥା ସଙ୍ଗୀତ ନିର୍ମାତା ଭାବରେ କାମ କରିଥିଲେ ।
ଏହା ମଧ୍ୟ ପଢନ୍ତୁ: ସଲମାନ-ଅରଜିତଙ୍କ ବିବାଦରେ ପୂର୍ଣ୍ଣଚ୍ଛେଦ, ଭାଇଜାନଙ୍କ ପାଇଁ ଗାଇଲେ ଗୀତ
ଏହି ଗୀତ ବଦଳାଇଲା ଭାଗ୍ୟ
- " class="align-text-top noRightClick twitterSection" data="">
୨୦୧୧ ଚଳଚ୍ଚିତ୍ର 'ମର୍ଡର ୨' ସହିତ ଗାୟକ ଭାବରେ ଅରିଜିତ ସିଂ ବଲିଉଡରେ ଡେବ୍ୟୁ କରିଥିଲେ । ସେ ଏହି ଚଳଚ୍ଚିତ୍ରର 'ଫିର ମୋହବତ' ଗୀତର ସ୍ୱର ଦେଇଥିଲେ । ଲୋକମାନେ ଏହି ଗୀତକୁ ବହୁତ ପସନ୍ଦ କରିଥିଲେ, କିନ୍ତୁ 'ଆଶିକି 2' ତାଙ୍କୁ ସ୍ୱତନ୍ତ୍ର ପରିଚୟ ଦେଇଥିଲା । ସେ ଏହି ଚଳଚ୍ଚିତ୍ରର 'ମେରୀ ଆଶିକୀ ତୁମ୍ ହି ହୋ' ଗୀତର ସ୍ୱର ଦେଇଥିଲେ ଏବଂ ଏଠାରୁ ତାଙ୍କ ଭାଗ୍ୟ ବଦଳିଯାଇଥିଲା ଏବଂ ଏହା ପରେ ଗାୟକ ଆଉ ପଛକୁ ନଚାହିଁ ବଲିଉଡରେ ଅନେକ ହିଟ ଗୀତ ଦର୍ଶକଙ୍କୁ ଭେଟି ଦେଇଛନ୍ତି । ଆଉ ଆଜି ଦର୍ଶକ ବି ଅରଜିତ ସିଂଙ୍କ ଗୀତ ଶୁଣିବାକୁ ଦିୱାନା ହେଉଛନ୍ତି ।
