ହାଇଦ୍ରାବାଦ: ବଲିଉଡ ମେଗାଷ୍ଟାର ଅମିତାଭ ବଚ୍ଚନ କେବଳ ବଡ ପରଦାରେ ନୁହଁ ସୋସିଆଲ ମିଡିଆ ମାଧ୍ୟମରେ ତାଙ୍କ ପ୍ରଶଂସକଙ୍କୁ ମନୋରଞ୍ଜନ କରାଇଥାନ୍ତି । ନିଜ ମଜାଳିଆ ପୋଷ୍ଟ ମାଧ୍ୟମରେ ଫ୍ୟାନ୍ସଙ୍କ ମନ ଜିତିଥାନ୍ତି ବିଗ ବି । ତେବେ ବର୍ତ୍ତମାନ ସେ ଏକ ମଜାଦାର ଫଟୋ ସେୟାର କରିଛନ୍ତି । ଯାହା ଏବେ ସୋସିଆଲ ମିଡିଆରେ ଭାଇରାଲ ହେବା ସହ ଫ୍ୟାନ୍ସ ଏନେଇ ପ୍ରତିକ୍ରିୟା ରଖିଛନ୍ତି ।
ବିଗ ବି ନିଜ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି । ପୋଷ୍ଟରେ ଅମିତାଭ ବଚ୍ଚନଙ୍କୁ ମଜାଳିଆ ଢଙ୍ଗରେ ପୋଜ ଦେଇଥିବାର ଦେଖିବାକୁ ମିଳିଛି । ଏହି ପୋଷ୍ଟ ସେୟାର କରି ସେ ଲେଖିଛନ୍ତି, ଦୟାକରି କେହି ଏହି ପୋଷ୍ଟ ପାଇଁ ଶବ୍ଦ ପରାମର୍ଶ କରିପାରିବେ କି ? ଅମିତାଭ ଏହି ପୋଷ୍ଟ ସେୟାର କରିବା ମାତ୍ରେ ପ୍ରଶଂସକମାନେ ଏହାକୁ ଲାଇକ୍ କରିବା ସହ ପ୍ରତିକ୍ରିୟା ଦେଇଛନ୍ତି । ଅନେକ ଫ୍ୟାନ୍ ତାଙ୍କର ଏହି ପୋଷ୍ଟକୁ 'ଖଇକେ ପାନ ବନାରସ ୱାଲା' ଯୁଗ ଫେରିଥିବା ନେଇ ତୁଳନା କରିଥିବା ବେଳେ ଅନ୍ୟ କେତେକ ମଜାଳିଆ କମେଣ୍ଟ ଦେଇଥିବା ଦେଖିବାକୁ ମିଳିଛି ।
ଜଣେ ଫ୍ୟାନ 'ଖଇକେ ପାନ ବନାରସ ୱାଲା' ଲେଖିଥିବା ବେଳେ ଅନ୍ୟ ଜଣେ 'ୱାହ ସାର୍ ପାନ ବନାରସ ୱାଲା' ବୋଲି କହିଛନ୍ତି । ଆଉ ଜଣେ ଲେଖିଛନ୍ତି, ଯେତେବେଳେ ସିଧା ମୁହଁରେ କାମ ହୁଏନି ସେତେବେଳେ ମୁହଁ ବଙ୍କା କରିବାକୁ ପଡେ । ଅନ୍ୟ ଜଣେ ଲେଖିଛନ୍ତି, 'ଟେଡା ହେ ପର ମେରା ହେ' । ଆଉ ଜଣେ ଲେଖିଛନ୍ତି, 'ଯେବେ ଆପଣଙ୍କ ଦାନ୍ତରେ ଯନ୍ତ୍ରଣା ଥିବ ସେତେବେଳେ ଆପଣ ବ୍ରସ କରିବେ ଆଉ କହିବେ, ପୁରୁଷକୁ ଯନ୍ତ୍ରଣା ହେଉନି ।' ଆଉ ଜଣେ ଲେଖିଛନ୍ତି, 'ଶଙ୍କି ଚାଚା'।
ଏହା ମଧ୍ୟ ପଢନ୍ତୁ: ଅଯୋଧ୍ୟାରେ ଜାଗା କିଣିଲେ ଅମିତାଭ ବଚ୍ଚନ, ଦାମ୍ ଜାଣିଲେ ଉଡିଯିବ ହୋସ୍
ବିଗ ବିଙ୍କ ୱାର୍କଫ୍ରଣ୍ଟ କଥା କହିବାକୁ ଗଲେ, ତାଙ୍କୁ ଶେଷ ଥର ପାଇଁ 'ଗଣପଥ'ରେ ଦେଖିବାକୁ ମିଳିଥିଲା । ବର୍ତ୍ତମାନ ତାଙ୍କୁ 'କଲ୍ଲି ୨୮୯୮AD' ରେ ଦେଖିବାକୁ ମିଳିବ । ଏହି ଫିଲ୍ମରେ ଅମିତାଭଙ୍କ ସମେତ ସାଉଥ ଷ୍ଟାର ପ୍ରଭାସ, କମଲ ହାସନ, ବଲିଉଡ ଅଭିନେତ୍ରୀ ଦୀପିକା ପାଦୁକୋନ ଏବଂ ଦିଶା ପାଟାନୀଙ୍କୁ ଦେଖିବାକୁ ମିଳିବ । ଏହି ଫିଲ୍ମ ମେ ୯ରେ ରିଲିଜ ହେବ । ଏଥିସହ ଅମିତାଭ ବଚ୍ଚନଙ୍କ ଫିଲ୍ମ 'ସେକ୍ସନ ୮୪' ଏବଂ ରଜନୀକାନ୍ତଙ୍କ ସହ 'ଥଲାଇୱର୍ 170' ମଧ୍ୟ ରହିଛି ।
