ମୁମ୍ବାଇ: ଫ୍ୟାନ୍ସଙ୍କ ଅପେକ୍ଷାର ଅନ୍ତ ଘଟିଛି । ଓଟିଟିରେ ପ୍ଲାଟଫର୍ମରେ ରିଲିଜ ହୋଇଯାଇଛି ଚଳଚ୍ଚିତ୍ର 'ଅମର ସିଂ ଚମକିଲା' । ଏହି ଫିଲ୍ମରେ ମୁଖ୍ୟ ଭୂମିକାରେ ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଏବଂ ପଞ୍ଜାବୀ ଗାୟକ ତଥା ଅଭିନେତା ଦିଲଜିତ ଦୋସାଞ୍ଜା ମୁଖ୍ୟ ଭୂମିକାରେ ଅଭିନୟ କରିଛନ୍ତି । ତେବେ ଫିଲ୍ମ ରିଲିଜ ପୂର୍ବରୁ 11 ଏପ୍ରିଲର ଇଦ୍ ରାତିରେ ଫିଲ୍ମର ସ୍କ୍ରିନିଂ ହୋଇଥିଲା । ଯେଉଁଠାରେ ଅନେକ ତାରକାଙ୍କୁ ଦେଖିବାକୁ ମିଳିଥିଲା ।
ଏହି ଫିଲ୍ମ ସ୍କ୍ରିନିଂରେ ଭୁଲ ଭୁଲେୟା 3ର କାର୍ତ୍ତିକ ଆର୍ଯ୍ୟନ ଏବଂ ତୃପ୍ତି ଡିମ୍ରିଙ୍କୁ ଦେଖିବାକୁ ମିଳିଥିଲା । କାର୍ତ୍ତିକ ଆର୍ଯ୍ୟନ କଳା ପ୍ୟାଣ୍ଟ ସହିତ ଏକ କଳା ରଙ୍ଗର ସାର୍ଟ ପିନ୍ଧିଥିଲେ । ସେହିପରି ରଣବୀର କପୁର ଏବଂ ରଶ୍ମିକା ମନ୍ଦନାଙ୍କ ଷ୍ଟାରର ବ୍ଲକବଷ୍ଟର ଫିଲ୍ମ ଆନିମଲ ଅଭିନେତ୍ରୀ ତୃପ୍ତି ଡିମ୍ରି ଏକ କଳା ପ୍ୟାଣ୍ଟ ସୁଟରେ ସ୍କ୍ରିନିଂକୁ ଆସିଥିଲେ । ସେହିପରି ଇମତିୟାଜ ଅଲ୍ଲୀ ଏବଂ ଅମର ସିଂ ଚମକିଲାର ଅଭିନେତା ଦିଲଜିତ ଦୋସାଞ୍ଜା ଏବଂ ପରିଣୀତି ଚୋପ୍ରା ସ୍କ୍ରିନିଂକୁ ଆସୁଥିବା ସମସ୍ତ ଷ୍ଟାର ଅତିଥିଙ୍କୁ ସ୍ୱାଗତ କରିଥିଲେ । କାର୍ତ୍ତିକ ଏବଂ ତୃପ୍ତିଙ୍କ ବ୍ୟତୀତ ମନୀଷ ପଲ, ଭାମିକା ଗାବି ଏବଂ କବୀର ସିଂଙ୍କ ଡାକ୍ତର ଭୂମିକାରେ ନଜର ଆସିଥିବା ଅଭିନେତ୍ରୀ ନିକିତା ଦତ୍ତା ନଜର ଆସିଥିଲେ ।
ଏହା ମଧ୍ୟ ପଢନ୍ତୁ-ଦିଲଜିତ ଦୋସାଞ୍ଜଙ୍କୁ ପ୍ରଶଂସାରେ ପୋତି ପକାଇଲେ ପରିଣୀତି
'ଚମକିଲା' ଫିଲ୍ମ ବିଷୟରେ କହିବାକୁ ଗଲେ, ଏହି ଚଳଚ୍ଚିତ୍ର ପଞ୍ଜାବର ରକଷ୍ଟାର ଅମର ସିଂ ଚମକିଲାଙ୍କ ଜୀବନୀ ଉପରେ ଆଧାରିତ । ଅମର ସିଂ 80 ଦଶକରେ ଦାରିଦ୍ର୍ୟର ଛାୟାରୁ ବାହାରି ନିଜ ସଙ୍ଗୀତରେ ଲୋକପ୍ରିୟତା ସହ ସଫଳତା ହାସଲ କରିଥିଲେ । ତେବେ ଏହି ସମୟରେ ତାଙ୍କୁ ମଧ୍ୟ ଲୋକଙ୍କ ଅସନ୍ତୋଷର ସାମ୍ନା କରିବାକୁ ପଡିଥିଲା । ଯେଉଁ କାରଣରୁ ତାଙ୍କୁ ୨୭ ବର୍ଷ ବୟସରେ ହତ୍ୟା କରାଯାଇଥିଲା । କହିରଖୁଛୁ କି, ଇମତିଆଜ ଅଲିଙ୍କ ନିର୍ଦ୍ଦେଶିତ 'ଚମକିଲା' ଦିଲଜିତ ଦୋସାଞ୍ଜା ଅମର ସିଂ ଭୂମିକାରେ ଅଭିନୟ କରୁଥିବା ବେଳେ ପରିଣୀତି ଚୋପ୍ରା ଅମର ସିଂଙ୍କ ପତ୍ନୀ ଅମରଜୋତ କୌରଙ୍କ ଭୂମିକାରେ ଅଭିନୟ କରିଛନ୍ତି ।
ଏହି ଫିଲ୍ମ ସହ ପରିଣୀତି ଏବଂ ଦିଲଜିତ ପ୍ରଥମ ଥର ପାଇଁ ଏକାଠି ସ୍କ୍ରିନ ସେୟାର କରିଛନ୍ତି । ପରିଣୀତି ନିକଟରେ ତାଙ୍କ ଇନଷ୍ଟାଗ୍ରାମରେ ଫ୍ୟାନ୍ସ ଓ ଫଲୋର୍ସଙ୍କ ପାଇଁ ତାଙ୍କର ବହୁ ପ୍ରତୀକ୍ଷିତ ଫିଲ୍ମ ଅମର ସିଂ ଚମକିଲାର ବିଟିଏସ ଫଟୋ ସେୟାର କରିଥିଲେ । ଏଥିସହ ସେ ତାଙ୍କ କୋଷ୍ଟାର ଦିଲଜିତ ଦୋସାଞ୍ଜ ଓ ଫିଲ୍ମ ନିର୍ଦ୍ଦେଶକ ଇମତିଆଜ ଅଲିଙ୍କ ପ୍ରଶଂସା କରିଥିଲେ ।
