କନେଷ୍ଟବଳ ଚାକିରି ଚାହୁଁଛନ୍ତି ସନି ଲିଓନି ! ଆଡମିଟ୍ କାର୍ଡ ଫଟୋ ଭାଇରାଲ

Sunny Leone Admit Card: ଭାଇରାଲ ହେଉଛି ଆଇଟମ ଗାର୍ଲ ସନି ଲିଓନିଙ୍କ ନାଁରେ ଆସିଥିବା ଆଡମିଟ୍ କାର୍ଡ । ଯାହା ଦେଖିବା ପରେ ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି । ଅଧିକ ପଢନ୍ତୁ

ଲକ୍ଷ୍ନୌ: ଭାଇରାଲ ହେଉଛି ଆଇଟମ ଗାର୍ଲ ସନି ଲିଓନିଙ୍କ ନାଁରେ ଆସିଥିବା ଆଡମିଟ୍ କାର୍ଡ । ଉତ୍ତରପ୍ରଦେଶ ପୋଲିସ କନଷ୍ଟେବଳ ପରୀକ୍ଷା ପାଇଁ ବାହାରିଥିଲା ଆଡମିଟ୍ କାର୍ଡ । ଯେଉଁଥିରେ ଅଭିନେତ୍ରୀ ସନି ଲିଓନିଙ୍କ ଫଟୋ, ନାମ ସହ ଠିକଣା ଲେଖାଥିବା ଦେଖିବାକୁ ମିଳିଥିଲା । ଏହି ଆଡମିଟ୍ କାର୍ଡରେ ଦିଆଯାଇଥିବା ସୂଚନା ଅନୁସାରେ ଗତ 17ରେ ପରୀକ୍ଷା ତାରିଖ ରହିଥିଲା । ତେବେ ଉତ୍ତରପ୍ରଦେଶର କାସଗଞ୍ଜ ଜିଲ୍ଲାରେ ପରୀକ୍ଷା ପାଇଁ ଏହି ଫର୍ମ ପୂରଣ କରାଯାଇଥିବା ଜଣାପଡ଼ିଛି ।

Sunny Leone Admit Card

ସନି ଲିଓନିଙ୍କ ନାଁରେ ଆସିଥିବା ଆଡମିଟ୍ କାର୍ଡ ଅନୁସାରେ, ପରୀକ୍ଷା ସେଣ୍ଟର କନୌଜ ସ୍ଥିତ ଏକ ମହିଳା କଲେଜରେ ରହିଥିଲା । ଏହି ଆଡମିଟ୍ କାର୍ଡ ଦେଖିବା ପରେ ପୋଲିସ ଅଧିକାରୀମାନେ ମଧ୍ୟ ଆଶ୍ଚର୍ଯ୍ୟ ଚକିତ ହୋଇଯାଇଛନ୍ତି । ପୋଲିସ କନେଷ୍ଟବଳ ନିଯୁକ୍ତି ପରୀକ୍ଷାରେ ଆସିଥିବା ଏହି ଆଡମିଟ୍ କାର୍ଡ୍ ବର୍ତ୍ତମାନ ଚାରିଆଡେ ଚର୍ଚ୍ଚାର ବିଷୟ ପାଲଟିଛି । ଫର୍ମରେ ସନି ଲିଓନିଙ୍କ ଫଟୋ ଦେଖିବାକୁ ମିଳିଥିଲା । ଯେଉଁଥିରେ ସେ ଏକ ନାଲି ରଙ୍ଗର ୱେଷ୍ଟର୍ଣ୍ଣ ପୋଷାକ ପିନ୍ଧିଛନ୍ତି । ଆଡମିଟ୍ କାର୍ଡର ପିନ କୋଡ୍ 210423 ରହିଥିଲା । ବାପାଙ୍କ ନାଁ ଜର୍ଜି(JORGI) ବୋଲି ଲେଖା ଯାଇଥିବାବେଳେ ମାଆଙ୍କ ନାଁ ଡାର୍ମି (DARMI) ଲେଖା ଯାଇଥିଲା । ଖାଲି ସେତିକି ନୁହେଁ, ଏକ ନିର୍ଦ୍ଦିଷ୍ଟ ଆଧାର ନମ୍ବର ମଧ୍ୟ ଫର୍ମରେ ଲେଖାଥିବା ଦେଖିବାକୁ ମିଳିଛି ।

ସବୁଠୁ ଆଶ୍ଚର୍ଯ୍ୟଜନକ କଥା ହେଉଛି ଏଥିରେ ଲିଙ୍ଗ ବିଷୟରେ ପୁରୁଷ(Male)ବୋଲି ଉଲ୍ଲେଖ ରହିଛି । ଏହି ଆଡମିଟ କାର୍ଡରେ ପରୀକ୍ଷା କେନ୍ଦ୍ର ଠିକଣା ସୋନ ଶ୍ରୀ ସ୍ମାରକ ବାଳିକା ମହାବିଦ୍ୟାଳୟ ରହିଛି । ଏହି କାର୍ଡକୁ ନେଇ ସାରା ଦେଶରେ ଚର୍ଚ୍ଚା ହେଉଛି । ସୂଚନା ଅନୁସାରେ, ଉତ୍ତରପ୍ରଦେଶ କନଷ୍ଟେବଳ ଭର୍ତ୍ତି ପାଇଁ 2 ହଜାର 385ଟି ପଦବୀ ପାଇଁ ବିଜ୍ଞପ୍ତି ପ୍ରକାଶ ପାଇଥିଲା । ବହୁ ସଂଖ୍ୟାରେ ଆଶାୟୀମାନେ ଏନେଇ ଆବେଦନ କରିଥିଲେ । ଦେଖିବାକୁ ଗଲେ, ଏହି ଘଟଣା ନୂଆ ନୁହେଁ । ଏହା ପୂର୍ବରୁ ମଧ୍ୟ ବିଶ୍ବବିଦ୍ୟାଳୟର ଏକ ପରୀକ୍ଷାରେ ସନି ଲିଓନିଙ୍କ ନାଁରେ ଆସିଥିଲା ଆଡମିଟ୍ କାର୍ଡ । ଯାହା ସେହି ସମୟରେ ବେଶ ଭାଇରାଲ ମଧ୍ୟ ହୋଇଥିଲା । ଏନେଇ ସନି ଲିଓନି ସ୍ପଷ୍ଟ କରିଥିଲେ ଯେ, କୌଣସି ପରୀକ୍ଷା ପାଇଁ ଆବେଦନ କରିନାହାନ୍ତି ।