ହାଇଦ୍ରାବାଦ: ବଲିଉଡର ଲୋକପ୍ରିୟ ଅଭିନେତ୍ରୀ ତଥା ଧକ୍ ଧକ୍ ଗାର୍ଲ ମାଧୁରୀ ଦୀକ୍ଷିତ ନିଜ ଦମଦାର ଅଭିନୟ ସହ ନିଜ ଡ୍ୟାନ୍ସ ଅନ୍ଦାଜରେ ଲୋକଙ୍କ ମନେର ଆଜି ବି ରାଜ କରୁଛନ୍ତି । ଅଭିନେତ୍ରୀଙ୍କ ଅନେକ ଫ୍ୟାନ ଫୋଲର୍ସ ରହିଛନ୍ତି । ଆଜି ଧକ ଧକ ଗାର୍ଲଙ୍କ ୫୭ତମ ଜନ୍ମଦିନ । ତାଙ୍କର ଜନ୍ମଦିନ ତାଙ୍କର ଫ୍ୟାନ୍ସଙ୍କ ପାଇଁ କୌଣସି ପର୍ଭ ଠାରୁ କମ ନୁହେଁ । ତେବେ ଏହି ଅବସରରେ ଝାଡଖଣ୍ଡ ଜାମସେଦପୁରର ଜଣେ ଫ୍ୟାନ ଖାସ୍ ଅନ୍ଦାଜରେ ମାଧୁରୀ ଦୀକ୍ଷିତଙ୍କ ଜନ୍ମଦିନ ପାଳନ କରିବା ସହ ଭୋଟରଙ୍କୁ ମତଦାନ ପାଇଁ ସଚେତନତା ବାର୍ତ୍ତା ଦେଇଛନ୍ତି।
ପପୁ ସର୍ଦ୍ଦାର ମାଧୁରୀ ଦୀକ୍ଷିତଙ୍କ ଜଣେ ବଡ଼ ଫ୍ୟାନ୍ ଅଟନ୍ତି । ସେ ପ୍ରତିବର୍ଷ ମାଧୁରୀଙ୍କ ଜନ୍ମଦିନ ଧୁମଧାମରେ ପାଳନ କରିଥାନ୍ତି । ସେହିପରି ଚଳିତ ବର୍ଷ ମଧ୍ୟ ସେ ତାଙ୍କ ଜନ୍ମଦିନ ପାଳନ କରିଛନ୍ତି । ମଙ୍ଗଳବାର ଦିନ ସାକଚି ହାଣ୍ଡି ଲାଇନ ସ୍ଥିତ ମନୋହର ଚାଟ୍ ଦୋକାନରେ ମାଧୁରୀଙ୍କ ପ୍ରଶଂସକ ପପୁ ସର୍ଦ୍ଦାର ତାଙ୍କ ଜନ୍ମଦିନ ଧୁମଧାମରେ ପାଳନ କରିଛନ୍ତି । ଏଥିସହ ସେ ଭୋଟରଙ୍କୁ ସଚେତନତା ବାର୍ତ୍ତା ମଧ୍ୟ ଦେଇଛନ୍ତି । ପ୍ରତିବର୍ଷ ପରି ଆଜି ମଧ୍ୟ ସେ ସନ୍ଧ୍ୟାରେ ମାଗଣା ଚାଟ୍ ବଣ୍ଟନ କରିବେ ଏବଂ ଭିନ୍ନକ୍ଷମଙ୍କୁ ଖାଦ୍ୟ ଏବଂ ଉପହାର ଯୋଗାଇବେ ।
ପପୁ ନିଜ ଦୋକାନକୁ ଭୋଟ୍ ସଚେତନତା ସହ ଜଡିତ ବିଭିନ୍ନ ବାର୍ତ୍ତାର ବ୍ୟାନର, ପୋଷ୍ଟର ଏବଂ ମାଟିରେ ନିର୍ମିତ ଅନେକ ଆକର୍ଷଣୀୟ ମୂର୍ତ୍ତିରେ ସଜ୍ଜାଇଛନ୍ତି । ପ୍ରଥମେ ସେ ଗତକାଲି ସନ୍ଧ୍ୟାରେ ଭଗବାନ ଗଣେଶଙ୍କୁ ମାଧୁରୀ ଦୀକ୍ଷିତଙ୍କ ଦୀର୍ଘ ଜୀବନ ପାଇଁ ଦୋକାନରେ ପୂଜାର୍ଚ୍ଚନା କରିଥିଲେ । ଦିନସାରା, ବିଶେଷକରି ମହିଳା ଏବଂ ବାଳିକାମାନଙ୍କ ମଧ୍ୟରେ ଭୋଟ୍ ସଚେତନତା ବାର୍ତ୍ତା ନେଇ ପୋଷ୍ଟର ସହ ସେଲଫି ନେବା ପାଇଁ ଏକ ପ୍ରତିଯୋଗିତା ହୋଇଥିଲା । ଏହା ପରେ ରାତି ନଅଟା ବେଳେ ଆଦିବାସୀ ସମ୍ପ୍ରଦାୟର ମହିଳାମାନେ ଭୋଟରଙ୍କୁ ସଚେତନ କରାଇବା ପାଇଁ ପୋଷ୍ଟର ଦେଇ ସରହୁଲ ନୃତ୍ୟ ପରିବେଷଣ କରିଥିଲେ । ରାତି ସାଢେ ୧୦ଟାରେ ମାଧୁରୀଙ୍କ ପାଇଁ କେକ୍ କାଟିଥିଲେ ।
କହିରଖୁଛୁ ଯେ ଗତ ୨୮ ବର୍ଷ ଧରି ପ୍ରତିବର୍ଷ ଅଭିନେତ୍ରୀ ମାଧୁରୀ ଦୀକ୍ଷିତଙ୍କ ଜନ୍ମଦିନ ପାଳନ କରୁଥିବା ସହରର ପପୁ ସର୍ଦ୍ଦାର ମାଧୁରୀଙ୍କ ଫ୍ୟାନ ଭାବରେ ଅନ୍ତର୍ଜାତୀୟ ସ୍ତରରେ ସ୍ୱୀକୃତି ଲାଭ କରିଛନ୍ତି । ପ୍ରତିବର୍ଷ ପରି, ଏହି ବର୍ଷ ମଧ୍ୟ ତାଙ୍କର ଅନେକ ଶୁଭେଚ୍ଛୁମାନେ ଏହାକୁ ସଫଳ କରିବାରେ ସାହାଯ୍ୟ କରିଛନ୍ତି । ତେବେ ଚଲିତ ଥର ନିର୍ବାଚନ ତିବାରୁ ସେ ମାଧୁରୀଙ୍କ ଜନ୍ମଦିନ ପାଳନ ସହ ଭୋଟରଙ୍କୁ ସଚେତନ କରାଇଛନ୍ତି । ସୂଚନା ଥାଉ କି, ମେ ୨୫ ଶନିବାର ଦିନ ଜାମସେଦପୁରରେ ଲୋକସଭା ନିର୍ବାଚନ ଅନୁଷ୍ଠିତ ହେବ, ସେପର୍ଯ୍ୟନ୍ତ ଦୋକାନରେ ଭୋଟର ସଚେତନତା ବାର୍ତ୍ତା ପ୍ରଦର୍ଶିତ ହେବ ବୋଲି ପପୁ କହିଛନ୍ତି । ଏଥିସହ ସମସ୍ତେ ଗଣତନ୍ତ୍ର ମହାନ ପର୍ବରେ ସାମିଲ ହେବାକୁ ସେ ଅନୁରୋଧ କରିଛନ୍ତି ।
ଏହା ମଧ୍ୟ ପଢନ୍ତୁ: ଖାଲି ଅଭିନୟ ନୁହେଁ ଡ୍ୟାନ୍ସରେ ମଧ୍ୟ ଦର୍ଶକଙ୍କ ମନ ଜିତିଛନ୍ତି 'ଧକ୍-ଧକ୍ ଗାର୍ଲ'
ବ୍ୟୁରୋ ରିପୋର୍ଟ, ଇଟିଭି ଭାରତ
