ଗାନ୍ଧୀନଗର: ଗୁଜରାଟରେ ଆୟୋଜିତ ହୋଇଛି '୬୯ ତମ ଫିଲ୍ମ ଫେୟାର ଆୱାର୍ଡ' । ମହାତ୍ମା ମନ୍ଦିର କନଭେନସନ ସେଣ୍ଟରରେ ଚାଲିଛି ଏହି କାର୍ଯ୍ୟକ୍ରମ । ଯାହାକି ୨୭ ଓ୨୮ ଦୁଇ ଦିନ ଧରି ଚାଲିବ । ଏହା ପୂର୍ବରୁ ଏୟାରପୋର୍ଟରେ ସ୍ପଟ୍ ହୋଇଛନ୍ତି ବହୁ ବଲିଉଡ କଳାକାର । ଫିଲ୍ମ ମେକର କରଣ ଜୋହରଙ୍କୁ ବେଷ୍ଟ ଫିଲ୍ମ ମେକର ଆୱାର୍ଡରେ ସମ୍ମାନିତ କରାଯାଇପାରେ ବୋଲି ଚର୍ଚ୍ଚା ହେଉଛି । 'ଫିଲ୍ମ ଫେୟାର ଆୱାର୍ଡ'କୁ ନେଇ ଉତ୍ସବମୁଖର ରହିଛି ଗୁଜରାଟ ।
ଏନେଇ ଚଳିତ ମାସ ଆରମ୍ଭରେ ମୁମ୍ବାଇରେ ଏକ ସାମ୍ବାଦିକ ସମ୍ମିଳନୀର ଆୟୋଜନ କରାଯାଇଥିଲା । ଯେଉଁଥିରେ କରଣ ଜୋହରଙ୍କ ସମେତ ବରୁଣ ଧାୱନ ଏବଂ ଜାହ୍ନବୀ କପୁରଙ୍କୁ ଦେଖିବାକୁ ମିଳିଥିଲା । ସେହିପରି ଗତକାଲି ଏୟାରପୋର୍ଟରେ କରଣ ଜୋହର, ଆୟୁଷ୍ମାନ ଖୁରାନା ଓ ରଣବୀର କପୁରଙ୍କ ସମେତ ବହୁ ଚର୍ଚ୍ଚିତ ଚେହେରାଙ୍କୁ ଦେଖିବାକୁ ମିଳିଛି । ତେବେ ରଣବୀର କପୁରଙ୍କୁ 'ଆନିମଲ' ଚଳଚ୍ଚିତ୍ର ପାଇଁ ବେଷ୍ଟ ଆକ୍ଟର କ୍ୟାଟାଗୋରୀରେ ଚୟନ କରାଯାଇଛି । ସେହିପରି ଫିଲ୍ମ 'ଡଙ୍କି' ଓ 'ଯବାନ' ପାଇଁ ଶାହରୁଖ ଖାନ, 'ରକି ୱୋର ରାନି କି ପ୍ରେମ କାହାନୀ' ପାଇଁ ରଣବୀର ସିଂହ, 'ଗଦ୍ଦର-୨' ପାଇଁ ଶନି ଦେୱଲ ଏବଂ 'ଶାମ ବାହାଦୂର' ପାଇଁ ବିକି କୌଶଲ ମଧ୍ୟ ନୋମିନେଟ୍ ହୋଇଛନ୍ତି ।
ସେହିପରି ଚଳିତ ବର୍ଷର ପପୁଲାର ଆୱାର୍ଡ ପାଇଁ ନୋମିନେସନ ହୋଇଛନ୍ତି ସନ୍ଦୀପ ରେଡ୍ଡୀ ଭାଙ୍ଗା । ପପୁଲାର ଆୱାର୍ଡ ଭଳି କ୍ରିଟିକ୍ସ ଚଏସ ସମେତ ୧୯ଟି କ୍ଷେତ୍ରରେ ନୋମିନେସନ ହୋଇଛି । 'ଆନିମଲ' ପାଇଁ ସନ୍ଦୀପଙ୍କୁ ନୋମିନେସନ କରାଯାଇଥିବା ଜଣାପଡ଼ିଛି । ନିକଟରେ ଫ୍ୟାନ୍ସଙ୍କୁ ବେଶ ପସନ୍ଦ ଆସିଥିବା ଫିଲ୍ମ '୧୨th Fail' ମଧ୍ୟ ନୋମିନେସନରେ ସାମିଲ ରହିଛି । ୬୯ ତମ ଫିଲ୍ମ ଫେୟାର ଆୱାର୍ଡସ ପାଇଁ ଗୁଜୁରାଟରେ ବଡ଼ ଧରଣର ଆୟୋଜନ କରାଯାଇଛି । ଏଥିରେ ଫ୍ୟାଶନ ଶୋ'ରୁ ଆରମ୍ଭ କରି ମ୍ୟୁଜିକ କନସର୍ଟ କରାଯିବ । ରେଡ୍ କାର୍ପେଟରେ ପ୍ରଦର୍ଶନ କରିବେ ନାମୀ କଳାକାର । ଯାହାକୁ ନେଇ ଉତ୍ସବର ମାହୋଲ ଦେଖିବାକୁ ମିଳିଛି ।
ଏହା ମଧ୍ୟ ପଢନ୍ତୁ...ଶ୍ବଶୁର ଘରେ ବିଦେଶୀ ଜ୍ବାଇଁ, ପ୍ରଥମ ଥର ପାଇଁ ଭାରତରେ କରିବେ ଶୋ'
ଏହା ମଧ୍ୟ ପଢନ୍ତୁ...ଚାଲିଛି ଗୋପାଳପୁର ବେଳାଭୂମି ମହୋତ୍ସବ, ସନମପୁରୀଙ୍କ ଗୀତରେ ଝୁମିଲେ ଦର୍ଶକ
ଏହା ମଧ୍ୟ ପଢନ୍ତୁ...ଏହି ଦିନ ହେବ 'ବିଗ ବସ ୧୭' ଫାଇନାଲ, ବିଜେତା ଘୋଷଣା କରିବେ ସଲମାନ
