ନୂଆଦିଲ୍ଲୀ: ଆପଣ ଚାକିରି କରୁଛନ୍ତି କି ? ଯଦି ହଁ ତେବେ ପ୍ରତି ମାସରେ ଏକ ନିର୍ଦ୍ଦିଷ୍ଟ ପରିମାଣର ଦରମା Employee Provident Fund Organization-EPFOରେ ଜମା କରିବାକୁ ପଡିବ । EPFOରେ ଜମା ହେଉଥିବା ଟଙ୍କା ସାଧାରଣତଃ ଅବସର ଗ୍ରହଣ ପରେ ମିଳିଥାଏ । ତେବେ ଚାକିରି କରୁଥିବା ସମୟରେ ମଧ୍ୟ ଆପଣ, EPFOରୁ ଟଙ୍କା ଉଠାଇପାରିବେ । ଏନେଇ EPFO ପକ୍ଷରୁ ପୂର୍ବରୁ ଥିବା ନିୟମରେ ପରିବର୍ତ୍ତନ କରାଯାଇଛି । କଣ ଏହି ପରିବର୍ତ୍ତିତ ନିୟମ ଆସନ୍ତୁ ଜାଣିବା ।
EPFOରୁ ଟଙ୍କା ଉଠାଣ :
EPFO ନିୟମରେ ବିଭିନ୍ନ ପରିବର୍ତ୍ତନ ହୋଇଛି । EPFO ଆକାଉଣ୍ଟଧାରୀ ବା ସଦସ୍ୟମାନେ ନିଜର ଆବଶ୍ୟକତା ଅନୁସାରେ ନିର୍ଦ୍ଧାରିତ ସମୟ ପୂର୍ବରୁ ମଧ୍ଯ EPF ପାଣ୍ଠିରୁ ଟଙ୍କା ଉଠାଇ ପାରିବେ । ଏହି ନୂଆ ସୁବିଧା ବା ନିୟମ EPFO ପକ୍ଷରୁ ପ୍ରଦାନ କରାଯାଇଛି । ଅର୍ଥାତ ଯେତିକି ଟଙ୍କା ଆକାଉଣ୍ଟରେ ଜମା ହୋଇଥିବ, ସେଥିରୁ ଅଳ୍ପ ବା ଆଂଶିକ ଟଙ୍କା ପ୍ରତ୍ୟାହାର ପାଇଁ ଏକ ସୀମା ସ୍ଥିର କରାଯାଇଛି । ଯଦି ଆପଣ EPF ଆକାଉଣ୍ଟରୁ ଟଙ୍କା ପ୍ରତ୍ୟାହାର କରିବାକୁ ଚିନ୍ତା କରୁଛନ୍ତି, ତେବେ EPFOର ଟଙ୍କା ଉଠାଣ ବା ପ୍ରତ୍ୟାହାର ନିୟମରେ ବିଷୟରେ ଜାଣିବା ଜରୁରୀ ।
EPFO ଆକାଉଣ୍ଟରୁ ଟଙ୍କା ଉଠାଇବା ନୂଆ ନିୟମ:
ଇପିଏଫ (EPF)ରୁ ଆଂଶିକ ପ୍ରତ୍ୟାହାର ପାଇଁ କଣ କରିବା ଉଚିତ ଆକାଉଣ୍ଟଧାରୀ ? EPF ସଦସ୍ୟଙ୍କୁ ଅନଲାଇନ ଆବେଦନ କରିବାକୁ ପଡିବ । ଏହି ରାଶି କେବଳ ପିଲାଙ୍କ ପାଠପଢ଼ା ( ଶିକ୍ଷା), ଘର କିଣିବା, ନୂଆ ଘର ନିର୍ମାଣ କିମ୍ବା ଘର ମରାମତି, ବିବାହ ଏବଂ ଚିକିତ୍ସା ପାଇଁ ପ୍ରତ୍ୟାହାର କରାଯାଇ ପାରିବ । EPFO ଆକାଉଣ୍ଟରୁ ଟଙ୍କା ପ୍ରତ୍ୟାହାର ନିୟମ ଅନୁଯାୟୀ, ଜଣେ ଇପିଏଫ ଆକାଉଣ୍ଟଧାରୀ ଅବସର ଗ୍ରହଣ କରିବାର ଏକ ବର୍ଷ ପୂର୍ବରୁ ୯୦ ପ୍ରତିଶତ ପର୍ଯ୍ୟନ୍ତ ଟଙ୍କା ଉଠାଇ ପାରିବେ । ଉଦାହରଣ ସ୍ବରୂପ ଜଣେ ବ୍ୟକ୍ତିଙ୍କର ଚାକିରିରୁ ଅବସର ବୟସ ୬୦ ବର୍ଷ, ତେବେ ସେ ୫୯ ବର୍ଷରେ ନିଜର ଇପିଏଫ ଆକାଉଣ୍ଟରେ ଜମାଥିବା ମୋଟ ରାଶି ମଧ୍ୟରୁ ୯୦ ପ୍ରତିଶତ ଉଠାଇ ପାରିବେ । ତେବେ ଏଥିପାଇଁ ଏକ ସର୍ତ୍ତ ମଧ୍ଯ ରହିଛି । ଇପିଏଫରୁ ୯୦ ପ୍ରତିଶତ ଟଙ୍କା ଉଠାଇବା ପାଇଁ ସଂପୃକ୍ତ କର୍ମଚାରୀଙ୍କୁ ଅନ୍ୟୁନ ୫୪ ବର୍ଷ କିମ୍ବା ତାଠାରୁ ଅଧିକ ହୋଇଥିବା ଆବଶ୍ୟକ ।
- ଇପିଏଫରୁ ଆଂଶିକ ପ୍ରତ୍ୟାହାର ପାଇଁ କଣ କରିବେ ?
- EPF ସଦସ୍ୟଙ୍କୁ ଅନଲାଇନ ଆବେଦନ କରିବାକୁ ପଡ଼ିବ
- ପିଲାଙ୍କ ପାଠପଢ଼ା, ଘର କିଣିବା, ନୂଆ ଘର ନିର୍ମାଣ କିମ୍ବା ଘର ମରାମତି, ବିବାହ ଏବଂ ଚିକିତ୍ସା ପାଇଁ EPFରୁ ପ୍ରତ୍ୟାହାର କରାଯାଇ ପାରିବ
- EPFO ଆକାଉଣ୍ଟରୁ ଟଙ୍କା ପ୍ରତ୍ୟାହାର ନିୟମ ଅନୁଯାୟୀ, ଜଣେ ଇପିଏଫ ଆକାଉଣ୍ଟଧାରୀ ଅବସର ଗ୍ରହଣ କରିବାର ଏକ ବର୍ଷ ପୂର୍ବରୁ ୯୦ ପ୍ରତିଶତ ପର୍ଯ୍ୟନ୍ତ ଟଙ୍କା ଉଠାଇ ପାରିବେ
- ଉଦାହରଣ ସ୍ବରୂପ ଜଣେ ବ୍ୟକ୍ତିଙ୍କର ଚାକିରିରୁ ଅବସର ବୟସ ୬୦ ବର୍ଷ, ତେଣୁ ସେ ୫୯ ବର୍ଷରେ ନିଜର ଇପିଏଫ ଆକାଉଣ୍ଟରେ ଜମାଥିବା ମୋଟ ରାଶି ମଧ୍ୟରୁ ୯୦ ପ୍ରତିଶତ ଉଠାଇ ପାରିବେ
- ଏଥିପାଇଁ ଏକ ସର୍ତ୍ତ ହେଉଛି ଇପିଏଫରୁ ୯୦ ପ୍ରତିଶତ ଟଙ୍କା ଉଠାଇବା ପାଇଁ କର୍ମଚାରୀଙ୍କୁ ଅନ୍ୟୁନ ୫୪ ବର୍ଷ କିମ୍ବା ତାଠାରୁ ଅଧିକ ହୋଇଥିବା ଆବଶ୍ୟକ
ଛଟେଇ ପରେ EPFରୁ ଟଙ୍କା ପ୍ରତ୍ୟାହାର :
ଆଉ ଏକ ଗୁରୁତ୍ବପୂର୍ଣ୍ଣ ସୂଚନା ଯେ, ବିଭିନ୍ନ ବେସରକାରୀ କମ୍ପାନୀ ବିଭନ୍ନ ସମୟରେ କର୍ମଚାରୀ ଛଟେଇ କରିଥାନ୍ତି । କିନ୍ତୁ ଇପିଏଫଓ ନିୟମ ଅନୁଯାୟୀ, ଯଦି କୌଣସି କର୍ମଚାରୀ ଛଟେଇର ଶିକାର ହୁଅନ୍ତି ଏବଂ ଅବସର ବୟସ ସୀମା ପୂର୍ବରୁ ବେରୋଜଗାର ହୁଅନ୍ତି, ସେହି କ୍ଷେତ୍ରରେ ସଂପୃକ୍ତ ଇପିଏଫ ଆକାଉଣ୍ଟଧାରୀ EPF ଆକାଉଣ୍ଟରୁ ଟଙ୍କା ଉଠାଇ ପାରିବେ ।
ବେକାରୀ ଉଠାଇ ପାରିବେ EPF ଟଙ୍କା:
ଇପିଏଫରୁ ଟଙ୍କା ଉଠାଇବା ନେଇ ଆଉ ଏକ ନିୟମ ମଧ୍ୟ ରହିଛି । ଯଦି ଇପିଏଫ ଆକାଉଣ୍ଟଧାରୀ ଚାକିରି ହରାଇଥାନ୍ତି, ତେବେ ସଂପୃକ୍ତ କର୍ମଚାରୀ ବେକାରୀ ହେବାର ମାସକ ପରେ ନିଜ ଇପିଏଫ ଆକାଉଣ୍ଟରେ ଜମା ହୋଇଥିବା ମୋଟ ଜମାରାଶିର ୭୫% ଉଠାଇ ପାରିବେ । ଏଠାରେ ସୂଚନାଯୋଗ୍ୟ ଯେ, ଯଦି ସଂପୃକ୍ତ ବ୍ୟକ୍ତି ମାସକର ବେକାରୀ ପରେ ଅନ୍ୟ ଏକ କମ୍ପାନିରେ ଚାକିରି କରନ୍ତି, ସେ କ୍ଷେତ୍ରରେ ବଳକା ୨୫ % ରାଶି ପରବର୍ତ୍ତୀ ଚାକିରି ସମୟରେ ନୂଆ EPF ଆକାଉଣ୍ଟକୁ ସ୍ଥାନାନ୍ତରିତ ହୋଇଯିବ । ଦ୍ବିତୀୟ ବିକଳ୍ପ, ଯଦି ଜଣେ କର୍ମଚାରୀ ଗୋଟିଏ ଚାକିରି ଛାଡ଼ିବା କିମ୍ବା ଛଟେଇ ହେବାର ୨ ମାସ ବିତିଥାଏ ଏବଂ ସେ ବେକାରୀ ସମସ୍ୟା ଭୋଗୁଥାନ୍ତି । ତେବେ ସେହି କର୍ମଚାରୀ EPFରୁ ସମ୍ପୂର୍ଣ୍ଣ ରାଶି ପ୍ରତ୍ୟାହାର କରିପାରିବେ ।
- ଇପିଏଫ ଆକାଉଣ୍ଟଧାରୀ ଚାକିରି ହରାଇଥିଲେ ବେକାରୀ ହେବାର ମାସକ ପରେ ମୋଟ ଜମାରାଶିର ୭୫% ଉଠାଇ ପାରିବେ
- ଯଦି ସଂପୃକ୍ତ ବ୍ୟକ୍ତି ମାସକର ବେକାରୀ ପରେ ଅନ୍ୟ ଏକ କମ୍ପାନିରେ ଚାକିରି କରନ୍ତି, ସେ କ୍ଷେତ୍ରରେ ବଳକା ୨୫% ରାଶି ପରବର୍ତ୍ତୀ ଚାକିରି ସମୟରେ ନୂଆ EPF ଆକାଉଣ୍ଟକୁ ସ୍ଥାନାନ୍ତରିତ ହୋଇଯିବ
- ଯଦି ଜଣେ କର୍ମଚାରୀ ଗୋଟିଏ ଚାକିରି ଛାଡ଼ିବା କିମ୍ବା ଛଟେଇ ହେବାର ୨ ମାସ ବିତିଥାଏ ଏବଂ ସେ ବେକାରୀ ସମସ୍ୟା ଭୋଗୁଥାନ୍ତି । ତେବେ EPFରୁ ସମ୍ପୂର୍ଣ୍ଣ ରାଶି ପ୍ରତ୍ୟାହାର କରିପାରିବେ
EPF ପ୍ରତ୍ୟାହାର ବେଳେ କଟିବ କି TDS ?
ଇପିଏଫଧାରୀଙ୍କ ପାଇଁ ଆଉ ଏକ ନିୟମ । ଯଦି କୌଣସି କର୍ମଚାରୀ କ୍ରମାଗତ ଭାବେ ୫ ବର୍ଷ ଧରି ଲଗାତର EPFଆକାଉଣ୍ଟରେ ଟଙ୍କା ରଖୁଛନ୍ତି, ତେବେ ପ୍ରତ୍ୟାହାର ସମୟରେ ଟ୍ୟାକ୍ସ ବେନିଫିଟ୍ ପାଇପାରିବେ । ମାତ୍ର ଯଦି କୌଣସି କର୍ମଚାରୀ ମେଚ୍ୟୁରିଟି (maturity) ପୂର୍ବରୁ EPFରୁ ଟଙ୍କା ଉଠାନ୍ତି, ତେବେ Tax Deducted at Source (TDS) କଟାଯିବ । ଇପିଏଫ ପ୍ରତ୍ୟାହାର କରୁଥିବା କର୍ମଚାରୀଙ୍କ ପାଇଁ ଆଉ ଏକ ସୂଚନା ଯେ, ଯଦି କର୍ମଚାରୀ ୫୦,୦୦୦ ଟଙ୍କାରୁ କମ୍ ଟଙ୍କା ଉଠାନ୍ତି, ତେବେ TDS କଟିବ ନାହିଁ । ସୂଚନାଯୋଗ୍ୟ ଯେ, ଯଦି ଇପିଏଫ ଆକାଉଣ୍ଟଧାରୀ ଟଙ୍କା ପ୍ରତ୍ୟାହାର ପାଇଁ ପାନ କାର୍ଡ( PAN CARD) ଦାଖଲ କରିଛନ୍ତି, ତେବେ ୧୦ ପ୍ରତିଶତ TDS କଟାଯିବ । ତେବେ କର୍ମଚାରୀ ଯଦି ପାନ କାର୍ଡ ଦାଖଲ ନ କରନ୍ତି, ତେବେ ୩୦ ପ୍ରତିଶତ TDS କଟିବ ।
EPFରୁ ଆଂଶିକ ଉଠାଣ କେମିତି କରିବେ ?
EPF ଆକାଉଣ୍ଟଧାରୀଙ୍କ ପାଇଁ ଆଉ ଏକ ବଡ଼ ସୂଚନା । ଇପିଏଫ ସଦସ୍ୟମାନେ EPF ପୋର୍ଟାଲ ଏବଂ ଉମଙ୍ଗ ଆପ ( UMANG App)ରେ ଆଂଶିକ ପ୍ରତ୍ୟାହାର ପାଇଁ ଆବେଦନ କରି ପାରିବେ । ନିଯୁକ୍ତିଦାତାଙ୍କ ଅନୁମୋଦନ ପାଇବା ପରେ ଟଙ୍କା ସଦସ୍ୟଙ୍କ ବ୍ୟାଙ୍କ ଆକାଉଣ୍ଟକୁ ସ୍ଥାନାନ୍ତରିତ ହୋଇଥାଏ । ଆଂଶିକ ପ୍ରତ୍ୟାହାର ପାଇଁ ଆବେଦନ କରିବା ପରେ, ସଂପୃକ୍ତ କର୍ମଚାରୀ ଆବେଦନ ସଂପର୍କିତ ସମସ୍ତ ଅପଡେଟ ଅନଲାଇନ ଜରିଆରେ ଜାଣି ପାରିବେ ।
- ଇପିଏଫ ସଦସ୍ୟ EPF ପୋର୍ଟାଲ ଏବଂ ଉମଙ୍ଗ ଆପ UMANG Appରେ ଆଂଶିକ ପ୍ରତ୍ୟାହାର ପାଇଁ ଆବେଦନ କରି ପାରିବେ
- ନିଯୁକ୍ତିଦାତାଙ୍କ ଅନୁମୋଦନ ପାଇବା ପରେ ସଦସ୍ୟଙ୍କ ବ୍ୟାଙ୍କ ଆକାଉଣ୍ଟକୁ ଟଙ୍କା ସ୍ଥାନାନ୍ତରିତ ହେବ
- ଆଂଶିକ ପ୍ରତ୍ୟାହାର ପାଇଁ ଆବେଦନ କରିବା ପରେ ସଂପୃକ୍ତ କର୍ମଚାରୀ ଆବେଦନ ସଂପର୍କିତ ସମସ୍ତ ଅପଡେଟ ଅନଲାଇନ ଜରିଆରେ ଜାଣି ପାରିବେ
ବ୍ୟୁରୋ ରିପୋର୍ଟ, ଇଟିଭି ଭାରତ
