ଅନ୍ତରୀଣ ବଜେଟ 2024: ସବ୍‌କା ସାଥ-ସବ୍‌କା ବିକାଶ-ସବ୍‌କା ପ୍ରୟାସକୁ ଫୋକସ୍‌ - କାମଚଳା ବଜେଟ

2024ରେ ବିତ୍ତୀୟ ନିଅଣ୍ଟ ଜିଡିପିର 5.8% । 2025ରେ ବିତ୍ତୀୟ ନିଅଣ୍ଟ 5.1% । 2026ରେ ବିତ୍ତୀୟ ନିଅଣ୍ଟ 4.5% ତଳେ ରଖିବାକୁ ଲକ୍ଷ୍ୟ ରହିଛି ।

ଦେଶର ଜିଡିପିକୁ ସରକାର ଗୁରୁତ୍ବ ଦେଉଥିବା କହିଲେ ଅର୍ଥମନ୍ତ୍ରୀ । GDP-ଗଭର୍ଣ୍ଣାନ୍ସ, ଡେଭଲପମେଣ୍ଟ, ପି- ପର୍‌ଫର୍‌ମାନ୍ ଉପରେ ଗୁରୁତ୍ବ ଦିଆଯାଉଛି ।

ବିମାନ ସେବାକୁ ନେଇ ଅର୍ଥମନ୍ତ୍ରୀ କହିଛନ୍ତି ଦେଶରେ ବିମାନ ବନ୍ଦର ସଂଖ୍ୟା 149କୁ ବୃଦ୍ଧି ହୋଇଛି । ଦେଶରେ 1000 ନୂଆ ବିମାନ ଚଳାଚଳ କରିଛି ।

ଆୟୁଷ୍ମାନ ଭାରତ ସ୍ବାସ୍ଥ୍ୟସେବା ସୁବିଧା ପାଇବେ ଆଶା ଓ ଅଙ୍ଗନବାଡ଼ି କର୍ମଚାରୀ ।

ଦେଶର ଏକ କୋଟି ଲୋକଙ୍କୁ ପ୍ରତି ମାସରେ ମିଳିବ 300 ୟୁନିଟ ମାଗଣା ବିଦ୍ୟୁତ । ରୁଫ ଟପ ସୋଲାରାଇଜେସନ୍ ଦ୍ବାରା ପ୍ରତି ମାସରେ ଲୋକଙ୍କୁ ସୁବିଧା ଯୋଗାଇ ଦିଆଯିବ ।

ପ୍ରଧାନମନ୍ତ୍ରୀ ଆବାସ ଯୋଜନାରେ 3 କୋଟି ଘର ପ୍ରଦାନ କରାଯାଇଛି । ଆସନ୍ତା 5 ବର୍ଷରେ PMAYରେ 2 କୋଟି ବାସଗୃହ ପ୍ରଦାନ ଲକ୍ଷ୍ୟ ରହିଛି ।

ଶିକ୍ଷା କ୍ଷେତ୍ରକୁ ନେଇ ଅର୍ଥମନ୍ତ୍ରୀ କହିଛନ୍ତି, ଜାତୀୟ ଶିକ୍ଷା ନୀତି ଜରିଆରେ ଦେଶରେ 7ଟି ଆଇଆଇଟି, 16ଟି ଟ୍ରିପଲ ଆଇଟି ଓ 7ଟି ଆଇଆଇଏମ୍‌ ପ୍ରତିଷ୍ଠା କରାଯାଇଛି । ସେହିପରି 13ଟି ଏମ୍‌ସ ଓ 390 ବିଶ୍ୱବିଦ୍ୟାଳୟ ପ୍ରତିଷ୍ଠା କରାଯାଇଛି ।

ଦେଶରେ ସବକା ସାଥ, ସବକା ବିକାଶ ଓ ସବକା ପ୍ରୟାସ ଜାରି ରହିଛି । ପିଏମ୍ କୃଷକ ସମ୍ମାନ ନିଧି ଯୋଜନାରେ ଚାଷୀ ଲାଭବାନ ହେଉଛନ୍ତି 11.8 କୋଟି ଚାଷୀ ଲାଭ ପାଇଛନ୍ତି ।

ସଂସଦରେ ବଜେଟ ଉପସ୍ଥାପନ କରୁଛନ୍ତି ଅର୍ଥମନ୍ତ୍ରୀ । 2047 ସୁଦ୍ଧା ବିକଶିତ ଭାରତ ଆମର ମୂଳ ଲକ୍ଷ୍ୟ । ମହିଳା, ଯୁବ, ଗରିବ ଏବଂ ଅନ୍ନଦାତାଙ୍କ ଉନ୍ନତିକୁ ଗୁରୁତ୍ୱ ଦେଉଛନ୍ତି ସରକାର । 10 ବର୍ଷ ମଧ୍ୟରେ 25 କୋଟି ଲୋକଙ୍କୁ ଗରିବୀରୁ ମୁକ୍ତି ଦିଆଯାଇଛି ।

ସଂସଦରେ ବଜେଟ ଉପସ୍ଥାପନ କରୁଛନ୍ତି ନିର୍ମଳା ସୀତାରମଣ ।

ବଜେଟ ଅଧିବେଶନ ପୂର୍ବରୁ ସଂସଦରେ ପହଞ୍ଚିଲେ କଂଗ୍ରେସ ସଂସଦୀୟ ଦଳ ଅଧ୍ୟକ୍ଷା ସୋନିଆ ଗାନ୍ଧୀ ।

କ୍ୟାବିନେଟ୍ ବୈଠକରେ ଅନ୍ତରୀଣ ବଜେଟ୍‌କୁ ମଞ୍ଜୁରୀ । ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ସଂସଦରେ ଅନୁଷ୍ଠିତ ହୋଇଥିବା କ୍ୟାବିନେଟ୍‌ରେ ମିଳିଲା ମଞ୍ଜୁରୀ ।

ବଜେଟ ଉପସ୍ଥାପନ ପୂର୍ବରୁ ରାଷ୍ଟ୍ରପତି ଦ୍ରୈପଦୀ ମୁର୍ମୁଙ୍କୁ ଭେଟିଲେ ନିର୍ମଳା ସୀତାରମଣ । ଅର୍ଥମନ୍ତ୍ରୀଙ୍କ ସହ ଅର୍ଥରାଷ୍ଟ୍ର ମନ୍ତ୍ରୀ ଭାଗବତ କ୍ରିଷ୍ଣାରାଓ ଏବଂ ପଙ୍କଜ ଚୌଧୁରୀ ଏବଂ ଅର୍ଥ ମନ୍ତ୍ରଣାଳୟର ବରିଷ୍ଠ ଅଧିକାରୀମାନେ ମଧ୍ୟ ରାଷ୍ଟ୍ରପତି ଭବନରେ ଉପସ୍ଥିତ ଥିଲେ ।

ଆଉ କିଛି ସମୟ ପରେ ସଂସଦରେ ଉପସ୍ଥାପନ ହେବେ ବଜେଟ । ଏହା ପୂର୍ବରୁ ସଂସଦରେ ବସିଲା କେନ୍ଦ୍ର କ୍ୟାବିନେଟ ବୈଠକ ।

ରାଷ୍ଟ୍ରପତି ଭବନରେ ପହଞ୍ଚିଲେ ଅର୍ଥମନ୍ତ୍ରୀ । ବଜେଟ୍ ମଞ୍ଜୁରୀ ପାଇଁ ଆଉ କିଛି ସମୟ ପରେ ରାଷ୍ଟ୍ରପତିଙ୍କୁ ଭେଟିବେ ।

ବଜେଟ ପୂର୍ବରୁ ସେୟାର ବଜାରରେ ଉତ୍ସାହ । ବମ୍ବେ ଷ୍ଟକ ଏକ୍ସଚେଞ୍ଜରେ କାରବାର ଆରମ୍ଭରୁ ସୂଚକାଙ୍କ ବୃଦ୍ଧି । ପ୍ରାରମ୍ଭିକ କାରବାରରେ ବିଏସଇ ସୂଚକାଙ୍କ 248.4 ପଏଣ୍ଟ ବୃଦ୍ଧି । ନିଫଟି 62.65 ପଏଣ୍ଟ ବଢ଼ିଲା ।

ପୂର୍ବାହ୍ନ 11ଟା ସମୟରେ ସଂସଦରେ ଉପସ୍ଥାପନ ହେବ କାମଚଳା ବଜେଟ । ଏହା ପୂର୍ବରୁ ସଂସଦରେ ପହଞ୍ଚିଲା ବଜେଟ କପି ।

ବଜେଟ ଉପସ୍ଥାପନ ପୂର୍ବରୁ ବଜେଟ୍ ପ୍ରସ୍ତୁତକାରୀ ଟିମ୍ ସହ ଫଟୋ ସେସନରେ ସାମିଲ ହେଲେ ସୀତାରମଣ । ଏହାପରେ ବଜେଟ୍ ମଞ୍ଜୁରୀ ପାଇଁ ରାଷ୍ଟ୍ରପତି ଭବନ ଅଭିମୁଖେ ବାହାରିଛନ୍ତି ଅର୍ଥମନ୍ତ୍ରୀ ।

ନୂଆଦିଲ୍ଲୀ: ଆଜି ସଂସଦରେ ଉପସ୍ଥାପନ ହେବେ କେନ୍ଦ୍ରୀୟ ବଜେଟ । ଅର୍ଥମନ୍ତ୍ରୀ ନିର୍ମଳା ସୀତାରମଣ ଦିନ 11ଟା ସମୟରେ କାମଚଳା ବଜେଟ ଆଗତ କରିବେ । ପୁରା ଦେଶର ବଜେଟ ଉପରେ ରହିଛି । ବଜେଟ ଆଗତ ପୂର୍ବରୁ ଅର୍ଥମନ୍ତ୍ରୀ ସୀତାରମଣ ଅର୍ଥ ମନ୍ତ୍ରଣାଳୟରେ ପହଞ୍ଚିଛନ୍ତି । ଏହାପରେ ବଜେଟ୍ ପ୍ରସ୍ତୁତକାରୀ ଟିମ୍ ସହ ଫଟୋ ସେସନରେ ସାମିଲ ହେବେ । ପରେ ରାଷ୍ଟ୍ରପତିଙ୍କୁ ଭେଟି ବଜେଟ୍ ପାଇଁ ମଞ୍ଜୁରୀ ନେବା ପରେ ସଂସଦରେ ପହଞ୍ଚିବେ ନିର୍ମଳା ।