ଲକ୍ଷ୍ନୌ: ଉତ୍ତରପ୍ରଦେଶ ଗୋଣ୍ଡାରେ ବଡ଼ ଧରଣର ଟ୍ରେନ ଦୁର୍ଘଟଣା । ଚଣ୍ଡିଗଡ଼ରୁ ଡିବ୍ରୁଗଡ଼ ଯାଉଥିଲା ଟ୍ରେନ । ଏହି ସମୟରେ ଗୋଣ୍ଡା ନିକଟରେ 10 ରୁ 12ଟି ବଗି ଲାଇନଚ୍ୟୁତ ହୋଇଥିବା ଜଣାପଡ଼ିଛି । ଏଥିରେ 2ଜଣଙ୍କ ମୃତ୍ୟୁ ହୋଇଛି । ମୃତକଙ୍କ ପରିବାରକୁ ୧୦ଲକ୍ଷ ଟଙ୍କାର ଅନୁକମ୍ପା ରାଶି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଗୁରୁତରଙ୍କୁ ଚିକିତ୍ସା ସହାୟତା ବାବଦକୁ ୨ଲକ୍ଷ ୫୦ହଜାର ଟଙ୍କା ଓ ଆହତଙ୍କୁ ୫୦ ହଜାର ଟଙ୍କାର ସହାୟତା ରାଶି ଘୋଷଣା ହୋଇଛି । "ପ୍ରଭୁ ଶ୍ରୀରାମ ଆହତଙ୍କୁ ଶୀଘ୍ର ସୁସ୍ଥ କରନ୍ତୁ" ବୋଲି ନିଜ X ହ୍ୟାଣ୍ଡେଲରେ ଉଲ୍ଲେଖ କରିଛନ୍ତି ଯୋଗୀ ଆଦିତ୍ୟନାଥ । ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ବଶର୍ମା ମଧ୍ୟ ଜରୁରୀ ବୈଠକ ଡାକିଥିଲେ । ଦୁର୍ଘଟଣା ପରେ ରେଳବାଇ ନମ୍ବର ହେଲ୍ପ ଲାଇନ ନମ୍ବର (୮୯୫୭୪୦୦୯୬୫) ଜାରି କରିଛି ।
जनपद गोण्डा में हुई ट्रेन दुर्घटना अत्यंत दुःखद है।
— Yogi Adityanath (@myogiadityanath) July 18, 2024
जिला प्रशासन के अधिकारियों को युद्ध स्तर पर राहत एवं बचाव कार्य संचालित करने और घायलों को शीर्ष प्राथमिकता के साथ अस्पताल पहुंचाकर उनके समुचित उपचार के लिए निर्देश दिए हैं।
प्रभु श्री राम से घायलों के शीघ्र स्वास्थ्य लाभ हेतु…
କେତେବେଳେ ହେଲା ଦୁର୍ଘଟଣା ?
ମିଳିଥିବା ସୂଚନା ଅନୁସାରେ, ୧୫୯୦୪ ଚଣ୍ଡିଗଡ଼-ଡିବ୍ରୁଗଡ଼ ଏକ୍ସପ୍ରେସ ଲାଇନଚ୍ୟୁତ ହୋଇଛି । ବର୍ତ୍ତମାନସୁଦ୍ଧା ୪ଜଣଙ୍କ ଜୀବନ ଯାଇଥିବାବେଳେ ୨୦ରୁ ଉର୍ଦ୍ଧ୍ବ ଯାତ୍ରୀ ଆହତ ହୋଇଥିବା ଜଣାପଡ଼ିଛି । ସୂଚନା ମୁତାବକ, ପୂର୍ବାହ୍ନ ୧୧ଟା ୩୦ମିନିଟ ସମୟରେ ଟ୍ରେନଟି ଚଣ୍ଡିଗଡ଼ ଅଭିମୁଖେ ଯାତ୍ରା କରିଥିଲା । ପାଖାପାଖି ୨ଟା ୩୭ ମିନିଟ ବେଳେ ଉତ୍ତରପ୍ରଦେଶର ଗୋଣ୍ଡା ନିକଟରେ ଏହା ଲାଇନଚ୍ୟୁତ ହୋଇଥିବା ଖବର ମିଳିଛି । ପ୍ରାୟ ୧୦ରୁ ୧୨ ବଗି ଟ୍ରାକରୁ ଖସି ପଡ଼ିଥିବାବେଳେ 2 ଜଣଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି । ଜୀବନ ବଞ୍ଚାଇ କିଛି ଯାତ୍ରୀ ବାହାରକୁ ବାହାରିଥିବାବେଳେ ଅନେକ ଯାତ୍ରୀ ଟ୍ରେନ ଭିତରେ ଫସି ରହିଛନ୍ତି । ରେଳବାଇ ଅଧିକାରୀ ଘଟଣାସ୍ଥଳରେ ପହଞ୍ଚିଥିଲେ । SDRF ଯୁଦ୍ଧକାଳିନ ଭିତ୍ତିରେ ଉଦ୍ଧାର କାର୍ଯ୍ୟ କରିଛନ୍ତି ।
ଉଦ୍ଧାର କାର୍ଯ୍ୟ ଜୋରଦାର କରିବାକୁ ଦୁଇ ମୁଖ୍ୟମନ୍ତ୍ରୀଙ୍କ ଗୁରୁତ୍ବ: ଉଦ୍ଧାରକାରୀ ଟିମ ମଧ୍ୟ ଉଦ୍ଧାର କାର୍ଯ୍ୟରେ ନିୟୋଜିତ ରହିଛନ୍ତି । ରେସ୍କ୍ୟୁ ଅପରେସନ ଜୋରଦାର କରିବାକୁ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ନିର୍ଦ୍ଦେଶ ଦେଇଛନ୍ତି । ଅନ୍ୟପଟେ ଏଥିରେ ଆସାମର ଅନେକ ଯାତ୍ରୀ ରହିଥିବାବେଳେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ବଶର୍ମା ମଧ୍ୟ ଗୁରୁତ୍ବପୂର୍ଣ୍ଣ ବୈଠକ ଡାକିଥିଲେ । ରେଳଯାତ୍ରୀଙ୍କ ସହାୟତା ପାଇଁ ହେଲପ ଲାଇନ (ଲକ୍ଷ୍ନୌ- 8957409292, ଗୋଣ୍ଡା- 8957400965) ନମ୍ବର ଜାରି କରିଛି ରେଳବାଇ । ଆହତ ଯାତ୍ରୀଙ୍କୁ ଉଦ୍ଧାର କରାଯାଇ ଚିକିତ୍ସା ଜାରି ରହିଛି ।
