ହାଇଦ୍ରାବାଦ: 'ପୁଷ୍ପା 2' ଚଳଚ୍ଚିତ୍ର ସ୍କ୍ରିନିଂ ବେଳେ ସନ୍ଧ୍ୟା ଥିଏଟରରେ ଦଳାଚକଟା ମାମଲା । ସମନ ପରେ ଚିକ୍କାଡପଲ୍ଲୀ ଥାନାରେ ହାଜର ହୋଇଥିଲେ ଅଭିନେତା ଅଲ୍ଲୁ ଅର୍ଜୁନ । ଦଳାଚକଟା ମାମଲା ନେଇ ଅଲ୍ଲୁଙ୍କୁ ପଚରାଉଚରା କରିଛି ପୋଲିସ । ସେପଟେ ଜୁବଲି ହିଲ ସ୍ଥିତ ଅଲ୍ଲୁ ଅର୍ଜୁନଙ୍କ ଘର ବାହାରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି ।
#WATCH | Telangana: Actor Allu Arjun reaches Chikkadpally police station in Hyderabad to appear before the police in connection with the Sandhya theatre incident. pic.twitter.com/EjTvyN9eTi
— ANI (@ANI) December 24, 2024
ଗତକାଲି (ସୋମବାର) ତାଙ୍କୁ ସମନ ହୋଇଥିଲା । ଅଲ୍ଲୁ ଅର୍ଜୁନଙ୍କ ଦାଦା ଚନ୍ଦ୍ରଶେଖର ରେଡ୍ଡୀଙ୍କ ସମେତ ନିର୍ମାତା ବନି ବାସୁ ମଧ୍ୟ ପୋଲିସ ଷ୍ଟେସନ ଆସିଥିଲେ । 3 ଘଣ୍ଟାରୁ ଉର୍ଦ୍ଧ୍ବ ସମୟ ଧରି ତାଙ୍କୁ ପଚରାଉଚରା କରାଯାଇଥିବା ସୂଚନା ମିଳିଛି । ଏନେଇ ବିଜେପି ନେତା ରଘୁନନ୍ଦନ ରାଓ କହିଛନ୍ତି, "ରାଜ୍ୟର ଅନ୍ୟ ମାମଲା ଭଳି ଏହା ଏକ ଛୋଟ ମାମଲା । ଏହି ଦଳାଚକଟାରେ ପୋଲିସ ଓ ଅଭିନେତାଙ୍କର କ'ଣ ଭୂମିକା ରହିଛି। ମୋର ପୋଲିସକୁ ଅନୁରୋଧ ଯେ, ଏଭଳି କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବା ଉଚିତ ନୁହେଁ । କୌଣସି ବ୍ୟକ୍ତି ଉପରେ ପୋଲିସ ଏଭଳି ପ୍ରତିଶୋଧ ନେବା ଉଚିତ ନୁହେଁ, କାରଣ କୋର୍ଟ ପୂର୍ବରୁ ତାଙ୍କୁ 30 ଦିନ ପାଇଁ ଜାମିନ ଦେଇଛନ୍ତି ।"
#WATCH | Hyderabad | Allu Arjun arrives to appear before Police in Sandhya theatre stampede incident, BJP leader Raghunandan Rao says, " it is a small case. it is like any other small case in the state. what was the role of the police and the actor in that stampede? instead of… pic.twitter.com/RkJl33alhO
— ANI (@ANI) December 24, 2024
ସେପଟେ ଗତ ରବିବାର ଜୁବଲି ହିଲ ସ୍ଥିତ ଅଲ୍ଲୁ ଅର୍ଜୁନଙ୍କ ବାସଭବନକୁ କିଛି ବିକ୍ଷୋଭକାରୀ ନାରାବାଜୀ କରିବା ସହ ଅଣ୍ଡା ଓ ଟମାଟୋ ମାଡ କରିଥିଲେ । ଏହା ତାଙ୍କ ବିରୋଧରେ ରାଜନେତାଙ୍କ ଚକ୍ରାନ୍ତ ବୋଲି ସାମ୍ବାଦିନ ସମ୍ମିଳନୀ କରି କହିଥିଲେ ଅଲ୍ଲୁ ଅର୍ଜୁନ ।
ଏହା ମଧ୍ୟ ପଢ଼ନ୍ତୁ...ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ବାସଭବନକୁ ଅଣ୍ଡା-ଟମାଟୋ ମାଡ ଏହା ମଧ୍ୟ ପଢ଼ନ୍ତୁ...ଜେଲରୁ ମୁକୁଳିବା ପରେ ଅଲ୍ଲୁ ଅର୍ଜୁନଙ୍କ ପ୍ରତିକ୍ରିୟା, 'ଯାହା ଘଟିଲା ତାହା ପାଇଁ...' |
କ'ଣ ଥିଲା ଘଟଣା:
ସୂଚନା ଅନୁସାରେ, ଗତ 4 ତାରିଖରେ ହାଇଦ୍ରାବାଦର ସନ୍ଧ୍ୟା ଥିଏଟରରେ ପୁଷ୍ପା-2:ଦ ରୁଲ'ର ପ୍ରିମିୟମ ସୋ' ଦେଖିବାକୁ ଅଲ୍ଲୁ ଅର୍ଜୁନ ଆସିଥିବା ବେଳେ ତାଙ୍କୁ ଦେଖିବା ପାଇଁ ଫ୍ୟାନମାନଙ୍କର ପ୍ରବଳ ଭିଡ଼ ଜମିଥିଲା । ଅଧିକ ଭିଡ଼ ଭିତରେ ଦଳାଚକଟା ହୋଇ ଜଣେ ମହିଳାଙ୍କ ମୃତ୍ୟୁ ଘଟିଥିବା ବେଳେ ତାଙ୍କର 8 ବର୍ଷୀୟ ଶିଶୁ ଗୁରୁତର ହୋଇଥିଲେ । ଏନେଇ ଥାନାରେ ଅଭିଯୋଗ ପରେ ଅଲ୍ଲୁ ଅର୍ଜୁନଙ୍କୁ ଗିରଫ କରିଥିଲା ହାଇଦ୍ରାବାଦ ପୋଲିସ । ଗୋଟିଏ ଦିନ ଜେଲରେ ରହିବା ପରେ ହାଇକୋର୍ଟରୁ 30 ଦିନର ଜାମିନ ପାଇ ଥାନାରୁ ମୁକୁଳିଥିଲେ । ଗତକାଲି (ସୋମବାର) ଅଲ୍ଲୁ ଅର୍ଜନଙ୍କୁ ସମନ କରିଥିଲା ପୋଲିସ । ଆଜି ଥାନାରେ ହାଜର ହେବାକୁ ନିର୍ଦ୍ଦେଶ ଦେଇଥିବା ବେଳେ ଥାନାରେ ପହଞ୍ଚିଛନ୍ତି ଅଲ୍ଲୁ ।
ବ୍ୟରୋ ରିପୋର୍ଟ, ଇଟିଭି ଭାରତ
