ନୂଆଦିଲ୍ଲୀ: NEET ପରୀକ୍ଷା ପେପର ଲିକ୍ ମାମଲାରେ ଏବେ ଦେଶରେ ରାଜନୀତି ଉଷ୍ଣ ହେବାରେ ଲାଗିଛି । ଆଜି ଏହି ପ୍ରସଙ୍ଗରେ କଂଗ୍ରେସ ନେତା ରାହୁଲ ଗାନ୍ଧୀ ବିଜେପି ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ପ୍ରବଳ ବର୍ଷିଛନ୍ତି । ଏହି ଅବ୍ୟବସ୍ଥା ପାଇଁ ବିଜେପି ସରକାରକୁ ଦାୟୀ କରିଛନ୍ତି ରାହୁଲ । ନିର୍ଦ୍ଦିଷ୍ଟ ସଂଗଠନ ଭାରତୀୟ ଶିକ୍ଷା ବ୍ୟବସ୍ଥା ଉପରେ କବଜା କରିସାରିଲାଣି, ଏହାକୁ ପରିବର୍ତ୍ତନ କରିବାକୁ ହେବ ବୋଲି ରାହୁଲ କହିଛନ୍ତି । ଏହାସହିତ କଟାକ୍ଷରେ କହିଛନ୍ତି କି, ମୋଦି ୟୁକ୍ରେନ ଯୁଦ୍ଧ ରୋକିଦେଲେ ହେଲେ ପେପର ଲିକ୍ କୁ ରୋକି ପାରିଲେ ନାହିଁ ।
ଆଜି ଦିଲ୍ଲୀ କଂଗ୍ରେସ ମୁଖ୍ୟାଳୟରେ ରାହୁଲ ପ୍ରସମିଟ୍ କରି ବିଭିନ୍ନ ପ୍ରସଙ୍ଗରେ ବିଜେପି ଓ ପ୍ରଧାନମନ୍ତ୍ରୀ ମୋଦିଙ୍କି ଟାର୍ଗେଟ କରିଥିଲେ । ପେପର ଲିକ ପ୍ରସଙ୍ଗରେ ରାହୁଲ କହିଛନ୍ତି, ବିଶ୍ବବିଦ୍ୟାଳୟରେ ପରୀକ୍ଷା ପରିଚାଳନା ପ୍ରକ୍ରିୟାର ପୁନଃଡିଜାଇନ ପ୍ରସ୍ତୁତ କରିବାକୁ ପଡିବ । ଏକଥା କଂଗ୍ରେସ ନିର୍ବାଚନୀ ଇସ୍ତାହାରରେ ମଧ୍ୟ ଘୋଷଣା କରିଥିଲେ । ଏବେ ବିରୋଧୀ ସରକାରଙ୍କ ଉପରେ ଚାପ ସୃଷ୍ଟି କରି କାର୍ଯ୍ୟକାରୀ କରିବାକୁ ନିଶ୍ଚିୟ ଚେଷ୍ଟା କରିବ । ମାନବ ସମ୍ବଳ ବିକାଶ ମନ୍ତ୍ରଣାଳୟ ‘ଏନଟିଏ’କୁ ପେପର ଲିକ୍ ମାମଲାରେ କ୍ଲିନଚିଟ ଦେବାକୁ ମଧ୍ୟ ରାହୁଲ ନାପସନ୍ଦ କରିଛନ୍ତି । ଏଥିରେ କୌଣସି ବିଶ୍ବସନୀତା ନାହିଁ ବୋଲି ସମସ୍ତେ ଜାଣିସାରିଥିବା କହିଛନ୍ତି ରାହୁଲ । ବର୍ତ୍ତମାନ ସରକାରଙ୍କର ନିଟ୍ ପରୀକ୍ଷା ପ୍ରଶ୍ନପତ୍ର ଲିକ ପ୍ରସଙ୍ଗରେ କୌଣସି ଧ୍ୟାନ ନାହିଁ । ସେମାନେ ଲୋକସଭାରେ ବାଚସ୍ପତି ନିର୍ବାଚନ କିପରି ହେବ, ସେଥିରେ ଲାଗିଛନ୍ତି ।
